Gahryman Arkadagymyzyň we Arkadagly Gahryman Serdarymyzyň tagallalary netijesinde ýurdumyz milli Garaşsyzlygynyň 35 ýyllyk şanly baýramyny mynasyp garşylamaga taýýarlyk görýär. Şu maksat bilen, şeýle-de 2026-njy ýyly atlandyrmak barada halk wekillerinden, ýurdumyzyň iri jemgyýetçilik birleşiklerinden, zähmet toparlaryndan, raýatlarymyzdan gelip gowşan teklipleri göz öňünde tutup, 2026-njy ýyly «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» ýyly diýip yglan edilmegi ýurdumyzyň belent ösüşlerine has-da badalga berdi.

Türkmen halkynyň dünýä medeniýetine goşan goşandy sanardan kän. Şeýle gymmatlyklaryň hatarynda syn-syýakly bedewlerimiz aýrayn orna eýedir. Gözelligi bilen dünýäni haýrana goýýan bedewlerimiz halkymyzyň milli buýsanjy, gymmatly baýlygy, beýik ösüşlerimiziň nyşanydyr.

Syn-syýakly bedewlerimiz babatda alnyp barylýan işleri jahan içre ýaýmak hem-de tagallalary birleşdirmek maksady bilen 2010-njy ýylyň 11-nji awgustynda ýurdumyzda Halkara ahalteke atçylyk assosiasiýasy döredildi. Ahalteke bedewlerimizi köpeltmek, ösdürip ýetişdirmek we seýislemek baradaky alnyp barylýan işleri hukuk taýdan berkitmek maksady bilen 2015-nji ýylyň 21-nji noýabrynda «Atçylyk we atly sport hakynda» Türkmenistanyň kanuny kabul edildi.  

Alym Arkadagymyzyň jöwher zehini bilen dörän her bir eseri dünýä ýüzünde gyzgyn goldanma tapýar. Milli Liderimiziň dünýä okyjylaryna niýetlän  «Ahalteke bedewi –  biziň buýsanjymyz we şöhratymyz», «Gadamy batly bedew», «Atda wepa-da bar, sapa-da», «Ganatly bedewler» atly kitaplary ahalteke bedewleriniň dünýädäki abraýyny has-da ýokary göterdi. Bu çuňňur manyly ajaýyp eserlerde bedew atlaryň şöhratly ýoly, taryhy, şu güni hakynda ylmy esasda esaslandyrylan gymmatly maglumatlar bar. Bu bolsa her bir okyjynyň, alymyň, ylmy işgäriň ünsüni özüne çekýär.

Bedew türkmeniň uçar ganatydyr. Berkarar döwletiň täze eýýamynyň Galkynyşy döwründe ýurdumyzyň atşynaslarynyň ahalteke bedewlerini ýetişdirmek boýunça asylly işlerine mynasyp baha berilýär. Ahalteke atçylyk sungaty we atlary bezemek däpleriniň türkmen sungatynyň naýbaşy görnüşleriniň biri hökmünde ÝUNESKO-nyň Adamzadyň maddy däl medeni mirasynyň sanawyna girizilmegi hem munuň aýdyň beýanydyr. Türkmen bedewleriniň owadanlygy, ýyndamlygy dünýäni haýrana goýýar. “Galkynyş” milli at üstündäki oýunlar toparynyň dünýädäki meşhurlygy hem bu aýdylanlary subut edýär. Mälim bolşy ýaly, “Galkynyş” milli at üstündäki oýunlar toparynyň Monte-Karloda geçirilen 47-nji halkara sirk sungaty festiwalynda çykyş etmegi hem-de ýeňiş gazanmagy türkmeniň atçylyk sungatynyň has ýokary derejelere eýedigini beýan etdi.

Behişdi bedewler toý-baýramlaryň bezegi bolup durýar. Şonuň üçin hem asyrlaryň dowamynda at çapmak, at üstündäki oýunlary ýerine ýetirmek milli gymmatlyk hökmünde ýöredilip gelnipdir. Berkarar döwletiň täze eýýamynyň Galkynyşy döwründe hem bu ajaýyp gymmatlyklar, milli sungat mynasyp ösdürilýär. Ýurdumyzda atçylyk pudagyny ösdürmekde, milli atşynaslyk sungaty-myzy dünýä derejesine çykarmakda uly işler alnyp barylýar. Şeýle hem behişdi bedewleriň waspyny dünýä ýaýmakda, milli oýunlaryň, sungatyň ajaýyplyklaryny dabaralandyrmakda asylly maksatlara eýerilýär.

Bu günki günde türkmen ýigitleriniň ahalteke bedewlerine erk etmegi, milli oýunlarda ezberligi bilen öňe saýlanmagy dünýä ýüzündäki şöhratyny ýene-de belent derejelere ýetirýär. Milli medeniýetimizi, behişdi bedewlerimiziň şan-şöhratyny dünýäde belent derejelere ýetiren Gahryman Arkadagymyzyň, Arkadagly Gahryman Serdarymyzyň janlary sag bolsun, beýik işleri üstünliklere beslensin!

                                                   Zulfiýa REJEPOWA,
Türkmenistanyň telekommunikasiýalar we informatika institutynyň Maglumat tehnologiýalary we programmirleme fakultetiniň 3-nji ýyl talyby.