9 sagat ozal

Aşgabatda ulag-logistika ulgamy üçin hünärmenleri taýýarlamagyň meselelerine seredilýär

13-nji oktýabrda Aşgabatda Hazarüsti ulag geçelgesiniň çäklerinde hünär başarnyklaryny ösdürmek meselesine bagyşlanan DARYA sebit maksatnamasynyň Ýokary derejeli toparynyň 5-nji mejlisi öz işine başlady.

9 sagat ozal

Türkmenistanyň Daşary işler ministrliginde Aziýa ösüş banky bilen bilelikdäki başlangyçlar ara alyp maslahatlaşyldy

13-nji oktýabrda Türkmenistanyň Daşary işler ministri Raşid Meredow bilen Aziýa ösüş bankynyň Merkezi we Günbatar Aziýa departamentiniň baş direktory Lea Gutiýerresiň arasynda duşuşyk geçirildi.

9 sagat ozal

Ekologiýa abadançylygy we maýa goýumlar: Türkmenistanyň tejribesi halkara dialogynda tanyşdyryldy

Türkmenistanyň Mejlisiniň wekilleri 12-13-nji oktýabrynda Ýewropa Bileleşiginiň «SWITCH-Asia» maksatnamasynyň çäginde Täjigistan Respublikasynyň Duşenbe şäherinde geçirilen «Işewürlik we innowasion telekeçilik arkaly sirkulýar ykdysadyýetiň, howanyň üýtgemeginiň we maýa goýumlaryň arasyndaky arabaglanyşygy giňeltmek» atly dördünji sebitara dialoga gatnaşdylar.

9 sagat ozal

Türkmenistan media ulgamynyň sanly ösüşi boýunça tejribesini paýlaşdy

Türkmenistanyň, Gazagystanyň, Gyrgyzystanyň, Täjigistanyň, Özbegistanyň we Mongoliýanyň žurnalistlerini, mugallymlaryny, halkara bilermenlerini, döwlet edaralarynyň hem-de raýat jemgyýetiniň wekillerini bir ýere jemleýän bu ýyllyk çäre häzirki zaman köpçülikleýin habar beriş serişdeleriniň we sanly mediany döredijileriň öňünde durýan derwaýys meseleleri ara alyp maslahatlaşmak, tejribe alyşmak üçin möhüm meýdança bolup hyzmat edýär.

1 gün ozal

Türkmenistanyň başlangyjy bilen 2029-njy ýyl – “Ulag arabaglanyşygy ýyly” diýlip yglan edildi

«Awaza» milli syýahatçylyk zolagynda geçirilen Garaşsyz Döwletleriň Arkalaşygyna agza ýurtlaryň Döwlet baştutanlarynyň geňeşiniň mejlisinde sebitiň geljekki ösüşine gönükdirilen möhüm kararlar kabul edildi. Çözgüde laýyklykda, Arkalaşygyň çäklerinde 2028-nji ýyl Durmuş ösüşi we ýaşaýşyň hili ýyly, 2029-njy ýyl bolsa Ulag arabaglanyşygy ýyly diýlip yglan edildi.

1 gün ozal

Ýakynda Etrek–Gumdag ýolunyň gurluşygyna başlamak meýilleşdirilýär

Eýran ýakyn bir-iki aýyň dowamynda Türkmenistanyň çäginde Etrek–Gumdag ýolunyň gurluşygyna başlamagy meýilleşdirýär. Bu barada Eýranyň ýol we şäher gurluşygy ministri Farzane Sadeg Türkmenistana iki günlük saparynyň netijeleri boýunça aýdan sözlerine salgylanyp, IRNA habarlar agentligi habar berýär.

2 gün ozal

Türkmen halkynyň Milli Lideri, Türkmenistanyň Halk Maslahatynyň Başlygy Germaniýanyň lukmançylyk merkezleriniň wekilleri bilen duşuşdy

10-njy oktýabrda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz ýurdumyzda giňden bellenilýän Saglygy goraýyş we derman senagaty işgärleriniň güni mynasybetli guralýan dabaralara gatnaşmak üçin gelen Germaniýanyň lukmançylyk merkezleriniň wekilleri bilen duşuşdy.

2 gün ozal

Hünär baýramynyň şanly wakalary

11-nji oktýabrda Myrat Garryýew adyndaky Türkmenistanyň Döwlet lukmançylyk uniwersitetinde zähmetde tapawutlanan saglygy goraýyş işgärlerini sylaglamak hem-de türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň «Türkmenistanyň dermanlyk ösümlikleri» atly kitabynyň XVIII jildiniň tanyşdyrylyş dabaralary geçirildi.

5 gün ozal

«Tatar gyzy-2026» bäsleşiginiň ýeňijisine Türkmenistanyň Prezidentiniň adyndan awtoulag gowşuryldy

«Awaza» Milli syýahatçylyk zolagynda «Tatar gyzy – 2026» atly halkara bäsleşiginiň finalçylaryny sylaglamak dabarasy geçirildi. Dabarada «Tatar gyzy – 2026» bäsleşiginiň baş ýeňijisi, Özbegistandan Amina Mahmudowa Türkmenistanyň Prezidenti Serdar Berdimuhamedowyň adyndan awtoulag bilen sylaglandy. Sylagy Türkmenistanyň Mejlisiniň Başlygy Dünýägözel Gulmanowa gowşurdy.

5 gün ozal

Garaşsyz Döwletleriň Arkalaşygyna agza ýurtlaryň medeniýet we sungat ussatlarynyň konserti

8-nji awgustda «Awaza» milli syýahatçylyk zolagyndaky suw çüwdürimler toplumynda Garaşsyz Döwletleriň Arkalaşygyna agza ýurtlaryň medeniýet we sungat ussatlarynyň konserti ýaýbaňlandyryldy. Medeni çärä hormatly Prezidentimiz Serdar Berdimuhamedow hem-de GDA-nyň döwlet Baştutanlarynyň Geňeşiniň mejlisine gatnaşýan ýurtlaryň ýokary derejeli wekiliýet ýolbaşçylary gatnaşdylar.