Habarlar / TÄZELIKLER
TÄZELIKLER
Türkmenistanda 28-nji sentýabr iş güni däl diýip yglan edildi
Türkmenistanyň Prezidenti Serdar Berdimuhamedow 2026-njy ýylyň 28-nji sentýabryny iş güni däl diýip yglan etmek hakynda Permana gol çekdi. Şeýle hem Permana laýyklykda, 27-nji sentýabrdaky dynç güni 29-njy sentýabra — sişenbe gününe geçirilýär.
Türkmenistan Pekinde geçirilýän Durnukly ulag boýunça ählumumy foruma gatnaşýar
Türkmenistan Pekinde 22–23-nji sentýabr aralygynda geçirilen 2026-njy ýylyň Durnukly ulag boýunça ählumumy forumyna gatnaşýar. Forumyň çäklerinde Transhazar halkara ulag geçelgesi boýunça ýokary derejeli duşuşyk geçirilip, oňa Türkmenistanyň Deňiz we derýa ulaglary boýunça döwlet gullugynyň başlygynyň orunbasary gatnaşdy. Bu barada Türkmenbaşy Halkara deňiz portunyň resmi sosial sahypasynda habar berildi.
Türkmen wekiliýeti Berlinde geçirilýän “InnoTrans 2026” halkara ulag sergisine gatnaşýar
Türkmenistanyň Demir ýol ulaglary ministrliginiň wekiliýeti Berlinde geçirilýän ulag tehnologiýalarynyň halkara “InnoTrans 2026” sergisine gatnaşyp, onda demir ýol pudagynyň iri kompaniýalarynyň wekilleri bilen iş duşuşyklaryny geçirýär. Bu barada sergä gatnaşýan türkmen wekiliýetiniň düzümindäki hünärmen “Biznes Türkmenistan” internet neşirine habar berdi.
Özbegistan Hazar deňzindäki Türkmenbaşy, Aktau, Baku portlarynda logistika infrastrukturasyny ösdürmekçi
Özbegistan Hazar deňzindäki Türkmenbaşy, Aktau we Baku, şeýle hem Gara deňizdäki Poti we Anakliýa portlarynda logistika infrastrukturasyny ösdürmek boýunça işlere gatnaşýar. Bu barada Özbegistanyň Prezidentiniň resmi metbugat gullugy habar berýär.
Aşgabatda ykdysady innowasiýalar boýunça maslahat geçirildi
Ykdysadyýet toplumynyň mejlisler zalynda «Innowasiýalar we sanly tehnologiýalar ykdysady ösüşiň hereketlendiriji güýçleridir» atly ylmy-amaly maslahat geçirildi. Oňa ýurduň maliýe we ykdysadyýet toplumyna degişli ministrlikleriň, pudaklaýyn dolandyryş edaralarynyň, banklaryň ýolbaşçylary, ugurdaş ýokary okuw mekdepleriniň professor-mugallymlary, talyplar gatnaşdylar. Bu barada TDH habar berdi.
Türkmenistanda optiki-süýüm kabelleri öndürýän önümçilik desgasy gurlar
2026-njy ýylyň 15-nji sentýabrynda Seul şäherinde Türkmenistanyň Aragatnaşyk ministrligi bilen Koreýa Respublikasynyň «LS Cable & System Ltd.» kompaniýasynyň arasynda özara düşünişmek hakynda Ähtnama gol çekildi.
Türkmenistanyň Aragatnaşyk ministrligi internet saýtlaryna bildirilýän tehniki talaplary täzeledi
Türkmenistanyň Aragatnaşyk ministrligi internet web-saýtlaryny döretmek we işe girizmek üçin bir bitewi tehniki talaplara üýtgetmeler girizdi. Degişli buýruk Türkmenistanyň Adalat ministrliginde döwlet belligine alyndy.
“Türkmenistan” awiakompaniýasy Aşgabat—Kazan ugrunda goşmaça uçuşlary ýola goýdy
“Türkmenistan” awiakompaniýasy 2026-njy ýylyň 30-njy sentýabryna çenli Aşgabat—Kazan ugry boýunça üç sany goşmaça gatnawy girizdi. Bu barada awiakompaniýanyň web sahypasynda ýerleşdirilen uçuş tertibinde görkezilýär.
Türkmenistanyň gümrük gullugynda töwekgelçilikleri dolandyrmakda emeli aňyň mümkinçilikleri öwrenilýär
Aşgabatda 16–18-nji sentýabr aralygynda geçirilen ”Ready4Trade Merkezi Aziýa: Hazarüsti ulag geçelgesi arkaly abadançylygy ösdürmek” taslamasynyň çäklerinde üç günlük okuw sapaklary geçirildi. Okuw sapagynyň çäklerinde Türkmenistanyň Döwlet gümrük gullugynyň hünärmenleri gümrük işinde töwekgelçilikleri dolandyrmakda emeli aň, ulag öwrenişi we uly maglumatlar seljermesini ulanmagyň mümkinçiliklerini öwrendiler.
“Daewoo E&C” kompaniýasy Garagum kanalynyň 250 km bölegini döwrebaplaşdyrar
Ýakynda Seulda geçirilen türkmen-koreý işewürlik forumynyň çäklerinde Türkmenistanyň Suw hojalygy baradaky döwlet komiteti bilen Koreýanyň “Daewoo Engineering & Construction” kompaniýasynyň arasynda Garagum kanalyny döwrebaplaşdyrmak boýunça Ähtnama gol çekildi. Bu barada Türkmenistanyň resmi metbugaty habar berýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.