Habarlar
Habarlar
Türkmenistanyň Döwlet gümrük gullugy «Bir penjire» ulgamyna emeli aňy ornaşdyrdy
Türkmenistanyň Döwlet gümrük gullugynyň «Eksport-import amallary üçin bir penjire» web-portalynda (tradebridge.gov.tm) «Emeli aňy» (EA) ulanmak mümkinçiligi ýola goýuldy. Bu barada gullugyň resmi saýtynda habar berildi.
Bütindünýä welosiped güni mynasybetli Türkmenistanyň daşary ýurtlardaky diplomatik wekilhanalarynda welosipedli ýörişler geçirildi
Bütindünýä welosiped güni mynasybetli, Türkmenistanyň başlangyjy bilen döredilen we her ýylyň 3-nji iýunynda bellenilip geçilýän halkara baýramçylygyň öňüsyrasynda, ýurdumyzyň daşary ýurtlardaky diplomatik wekilhanalary tarapyndan sagdyn durmuş ýörelgelerini, ekologiýa medeniýetini hem-de halkara hyzmatdaşlygy wagyz etmek maksady bilen sport çäreleri geçirildi. Bu barada Türkmenistanyň DIM-niň web-saýtynda habar berilýär.
Döwletliler köşgüniň çagalaryna welosipedler gowşuryldy
Paýtagtymyzdaky Döwletliler köşgünde terbiýelenýän we häzirki döwürde Gökderedäki «Çynar» çagalar dynç alyş merkezinde wagtyny şadyýan geçirýän ýaşlara Gahryman Arkadagymyzyň hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan welosipedler gowşuryldy.
Türkmenistanyň ähli ýerinde internet: TELECOMWIFI mümkinçilikleri barada ýatladýarys
«Türkmentelekom» kompaniýasy TELECOMWIFI simsiz internet ulgamyny giňeldýär. Häzirki wagtda ýokary tizlikli internet elýeterlilik nokatlary Türkmenistanyň ähli köpçülikleýin ýerlerinde, şol sanda howa menzillerinde, demir ýol menzillerinde we dynç alyş seýilgählerinde ýerleşdirildi.
Türkmen telekeçileri “Bucharest Auto Show & Accessories 2026” sergisine çagyrylýar
Türkmen telekeçileri 2026-njy ýylyň 6 — 11-nji oktýabry aralygynda Rumyniýanyň Buharest şäherindäki “Romexpo” sergi merkezinde geçiriljek 23-nji halkara “Bucharest Auto Show & Accessories 2026” sergisine çagyrylýar. Bu barada Türkmenistanyň Söwda-senagat edarasynyň resmi metbugat gullugy habar berýär.
Garaşsyz, hemişelik Bitarap Türkmenistanyň halkyna
Sizi sagdynlygyň we ruhubelentligiň halkara baýramy — Bütindünýä welosiped güni bilen tüýs ýürekden gutlaýaryn. «Garaşsyz, baky Bitarap Türkmenistan — bedew batly at-myradyň mekany» ýylynda bu ajaýyp halkara senäniň şanyna geçiriljek çäreleriň mähriban Watanymyza, sagdyn we bagtyýar durmuşymyza, berkarar döwletimizde gazanylýan beýik üstünliklere bolan buýsanjymyzy has-da artdyrjakdygyna berk ynanýaryn.
Bagtyýar çagalygyň ýurdunda ýaş nesilleriň baýramy
Türkmenistanda Çagalary goramagyň halkara güni mynasybetli dabaralar giň gerime eýe boldy. Munuň özi Watanymyzda ýaş nesil hakyndaky aladanyň Gahryman Arkadagymyz tarapyndan başy başlanyp, hormatly Prezidentimiziň üstünlikli durmuşa geçirýän syýasatynyň ileri tutulýan ugry bolmagynda galýandygyny nobatdaky gezek aýdyň ýüze çykardy. Ajaýyp sene mynasybetli esasy dabaralar paýtagtymyzdaky «Aşgabat» medeni-dynç alyş seýilgähinde geçirildi.
Türkmenistanyň Prezidenti sanly ulgam arkaly iş maslahatyny geçirdi
1-nji iýunda hormatly Prezidentimiz Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurdumyzyň oba hojalyk toplumynda we sebitlerde alnyp barylýan işler bilen baglanyşykly meselelere garaldy.
Türkmenistanyň üstaşyr ulag kuwwaty täze ösüş basgançaklarynda
Häzirki döwürde Türkmenistanyň ykdysady kuwwatyny artdyrmakda awtomobil ulaglary pudagyna strategik orun degişlidir. Döwlet Baştutanymyzyň ulag syýasaty dünýä ölçeglerine laýyk gelýän ýollaryň gurluşygyna we pudagyň maddy-tehniki binýadyny döwrebaplaşdyrmaga gönükdirilendir. Sebäbi täze, ýokary tizlikli ýollar diňe bir ýolagçy we ýük gatnawyny çaltlandyrmak bilen çäklenmän, eýsem ýurdumyzyň halkara ykdysady gatnaşyklarynyň möhüm sütünine öwrülýär.
Türkmenistan GDA ýurtlaryna Hazar deňzindäki port infrastrukturasyny ulanmaga bermäge taýýar
Türkmenistan Garaşsyz Döwletler Arkalaşygyna (GDA) agza ýurtlaryň bähbitleri üçin Hazar deňzindäki port infrastrukturasyny ulanmaga bermäge taýýar. Bu barada Türkmenistanyň Russiýadaky wagtlaýyn ynanylan wekili Serdar Durdyýew RF-niň Federasiýa Geňeşinde geçirilen “Garaşsyz Döwletler Arkalaşygyna 35 ýyl: jemler, wezipeler, geljekki mümkinçilikler” atly tegelek stoluň dowamynda aýtdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.