Habarlar / TÄZELIKLER
TÄZELIKLER
Urgenç şäherinde gümrük statistiki maglumatlary deňeşdirmek maksady bilen türkmen-özbek iş duşuşygy geçirildi
Ýakynda Türkmenistanyň Döwlet gümrük gullugynyň wekiliýeti Özbegistan Respublikasynyň Urgenç şäherine iş saparyny amala aşyrdy. Saparyň maksady Türkmenistanyň we Özbegistan Respublikasynyň arasyndaky daşary söwdanyň statistiki maglumatlaryny deňeşdirmek boýunça iş duşuşygyny geçirmek.
Türkmenistanda Maglumat tehnologiýalary babatda Startap bäsleşigi yglan edildi
Türkmenistanyň Bilim ministrligi, Türkmenistanyň Senagatçylar we Telekeçiler birleşmesiniň Merkezi geňeşi hem-de Türkmenistanyň Magtymguly adyndaky Ýaşlar guramasynyň Merkezi geňeşi «Türkmenistan – mümkinçilikleriň ýurdy» atly Maglumat tehnologiýalary babatda startap bäsleşiginiň geçirilýändigini barada habar berdi. Bäsleşik ýurdumyzyň hemişelik Bitaraplygynyň 30 ýyllygyna bagyşlanýar.
Türkmenistanda saglygy goraýyş, bilim we sport boýunça halkara sergi geçiriler
Ýakyn wagtda Aşgabatda “Saglygy goraýyş, bilim we sport Berkarar döwletiň täze eýýamynyň Galkynyşy döwründe” atly halkara sergi we ylmy maslahat geçiriler. Bu barada penşenbe güni geçirilen Ministrler Kabinetiniň mejlisinde wise-premýer Baýramgül Orazdurdyýewa hasabat berdi.
Garaşsyz, baky Bitarap Türkmenistan innowasion ösüşleriň aýdyň ýoly bilen öňe barýar
Şu günler mähriban halkymyz mukaddes Garaşsyzlygymyzyň 34 ýyllyk baýramyny uly zähmet üstünlikleri bilen garşylaýar. Hormatly Prezidentimiziň parasatly baştutanlygynda ýurdumyzda sanly ykdysadyýetiň günsaýyn kämilleşýändigi, ösýändigi, özgerýändigi, biz, aragatnaşyk pudagynyň hünärmenlerini buýsandyrýar we guwandyrýar. Durmuşa geçirilýän sanly özgertmeler bolsa ýurdumyzy sebitiň möhüm aragatnaşyk merkezine öwürýär.
GARAŞSYZLYK - BUÝSANJYMYZ, BAGTYMYZ!
Şu günler Garaşsyz baky Bitarap Watanymyzyň, mähriban halkymyzyň ykbalyny asyrlara barabar beýik özgerişler bilen dünýä tanadan mukaddes Garaşsyzlygymyzyň 34 ýyllyk baýramy uly dabaralara beslenip giňden bellenilýär. Garaşsyzlyk ýyllarynda Berkarar döwletiň täze eýýamynyň Galkynyşy döwründe Gahryman Arkadagymyz hem-de Arkadagly Gahryman Serdarymyz merdana türkmen halkynyň at-owazasyny täze röwüşde äleme ýaýdy.
Türkmenistan “Merkezi Aziýa — parahatçylykly ýaşaýşy gurmagyň giňişligi” forumyny geçirmegi hödürledi
Türkmenistanyň Prezidenti Serdar Berdimuhamedow sişenbe güni Nýu-Ýorkda BMG-niň Baş Assambleýasynyň 80-nji sessiýasynyň mejlisinde “Merkezi Aziýa — parahatçylykly ýaşaýşy gurmagyň giňişligi” atly halkara forumy geçirmegi hem-de Halkara araçylyk gününi yglan etmek hakynda Kararnamanyň taslamasyny teklip etdi.
«Eksport-import amallary üçin bir penjire» ulgamynyň jemleýji seljermesiniň netijesi
2025-nji ýylyň sentýabr aýynda, garaşsyz halkara hünärmenler tarapyndan Türkmenistanyň Döwlet gümrük gullugynyň BMG-nyň Ösüş Maksatnamasy we BMG-nyň Söwda we ösüş boýunça konferensiýasy bilen hyzmatdaşlykda durmuşa geçiren «Eksport-import amallary üçin bir penjire» taslamasyna jemleýji seljermesi geçirildi.
Türkmenistan 2026-njy ýylda Hazar ekologiýa forumyny geçirmegi teklip etdi
Türkmenistanyň Prezidenti Serdar Berdimuhamedow sişenbe güni Nýu-Ýorkda geçirilen BMG-niň Baş Assambleýasynyň 80-nji sessiýasynda çykyş edip, 2026-njy ýylda sebitiň ekologiýa we klimat meselelerini ara alyp maslahatlaşmak üçin möhüm meýdança bolup hyzmat etjek Hazar ekologiýa forumyny geçirmegi teklip etdi. Bu barada BMG-niň metbugat gullugy habar berýär.
Pakistan Türkmenistan bilen göni howa gatnawlaryny dikeltmäge taýýar
Pakistan Yslam Respublikasynyň Türkmenistandaky Adatdan daşary we Doly ygtyýarly Ilçisi Farýal Legari Türkmenistanyň garaşsyzlygynyň 34 ýyllygyna bagyşlap "Neýtralnyý Türkmenistan” gazetinde çap edilen makalasynda Pakistanyň Türkmenistan bilen göni howa gatnawlaryny dikeltmäge taýýardygyny belläp geçýär.
2025-nji ýylyň 8 aýynda Türkmenistan bilen Özbegistanyň ulaglar arkaly söwda dolanyşygy $677,8 milliondan geçdi
Ýanwar-awgust aýlarynda Türkmenistan bilen Özbegistanyň arasyndaky ulaglar arkaly söwda dolanyşygynyň möçberi 677,8 million ABŞ dollaryna deň boldy. Bu barada Özbegistanyň Statistika baradaky döwlet komitetiniň hasabatynda maglumat berildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.