Habarlar / TÄZELIKLER
TÄZELIKLER
Türkmenistan bilen Pakistan söwda we ulag mümkinçiliklerini ara alyp maslahatlaşdylar
Türkmenistanyň Pakistandaky Ilçisi Atajan Möwlamow duşenbe güni Yslamabatda Pakistanyň Federal Maliýe we girdejiler ministri senator Muhammad Aurangzeb bilen duşuşyk geçirdi. Taraplar işewürlik üçin amatly şertleri döretmegiň mümkinçiliklerini ara alyp maslahatlaşdylar. Bu barada Türkmenistanyň Pakistandaky ilçihanasy habar berýär.
Hereketleriň Awaza maksatnamasy — deňze çykalgasy bolmadyk ösüp barýan döwletler üçin ösüşiň «Ýol kartasy»
2024-nji ýylyň 24-nji dekabrynda Birleşen Milletler Guramasynyň Baş Assambleýasy tarapyndan kabul edilen 2024 — 2034-nji ýyllar üçin Hereketleriň Awaza maksatnamasy deňze çykalgasy bolmadyk ösüp barýan 32 döwletiň ösüş maksatlaryny goldamak boýunça ählumumy borçnamalaryň täzelenen we kämilleşdirilen görnüşidir.
ÝÖB: Türkmenistan Ýewraziýanyň ulag ulgamyna $5,3 milliard maýa goýdy
2025-nji ýylyň 1-nji iýulyna çenli Türkmenistan Ýewraziýanyň ulag ulgamynyň ösüşine goýan maýa goýumlarynyň möçberi 5,3 milliard ABŞ dollara ýetdi. Bu barada Ýewraziýa ösüş banky (ÝÖB) habar berýär.
Awazada Hazar deňziniň gününe bagyşlanan çäreler geçirildi
12-nji awgustda «Awaza» milli syýahatçylyk zolagynda Hazar deňziniň güni dabaraly bellenildi.
«Türkmenistan» awiakompaniýa Aşgabat — Türkmenbaşy ugry boýunça günde 6 uçuş amala aşyryp başlady
«Türkmenistan» awiakompaniýasy Türkmenbaşy halkara howa menziline uçuşlaryň ýygylygyny günde 6 uçuşa çenli ýokarlandyrdy. Bu barada awiakompaniýa habar berýär.
Türkmenistan Ýewraziýanyň ulag çarçuwasynyň ösdürilmegine 5,3 mlrd dollar maýa goýýar
2025-nji ýylyň 1-nji iýuly ýagdaýyna görä, Türkmenistanyň Ýewraziýanyň ulag çarçuwasynyň (ÝUÇ) ösdürilmegine goýlan maýa goýumlarynyň möçberi 5,3 milliard ABŞ dollaryna ýetdi. Bu barada «Report» Ýewraziýa ösüş bankynyň “Ulag taslamalarynyň obserwatoriýasynyň» maglumatlaryna salgylanyp habar berýär.
Ulaglar arkaly türkmen-azerbaýjan söwda dolanyşygy barha artýar
2025-nji ýylyň ýanwar–iýun aýlarynda Türkmenistan bilen Azerbaýjanyň arasyndaky söwda dolanyşygy $140,2 milliona deň boldy. Häzirki wagtda Türkmenistanyň Azerbaýjanyň daşary söwda dolanyşygyndaky paýy 0,57% deň bolup durýar, diýip “Trend” agentligi penşenbe güni habar berdi.
Türkmenistanyň raýat awiasiýasy üçin uçarmanlar Türkiýede taýýarlanylar
“Türkmenistan” awiakompaniýasy” AGPJ bilen Turkiýe Respublikasynyň Turk Hava Kurumu Uniwersitetiniň arasynda gol çekilen “Özara düşünişmek hakynda Ähtnama” laýyklykda, Türkiýe Respublikasynyň Türk aeronawtika birleşigi uniwersitetinde 2025-2029-nji okuw ýyllary boýunça Türkmenistanyň raýat awiasiýasy üçin uçarmanlary taýýarlamak meselesine seredildi.
Umumy maksatlaryň bähbidine netijeli dialogy pugtalandyryp
Hazaryň türkmen kenaryndaky «Awaza» milli syýahatçylyk zolagynda geçirilen BMG-niň Deňze çykalgasy bolmadyk ösüp barýan döwletler (DÇBÖBD) boýunça üçünji maslahaty ählumumy durnukly ösüşiň bähbidine sebit we halkara derejede hyzmatdaşlygy pugtalandyrmaga möhüm goşant boldy.
Türkmenistan sebitdäki ulag düzgünleşdirmesi ulgamynda iň ýokary baha aldy
Soňky serhetara söwda we ulag baglanyşyklylygy indeksiniň (CBTTFI) seljermesine görä, Türkmenistanyň geçelgeleri «ulag düzgünleşdirmesi» kategoriýasynda iň ýokary — 100 göterim — baha aldy. Bu barada Aziýanyň Ösüş Bankynyň (AÖB) täze hasabatyna salgylanyp, Trend habar berýär. Bellenilişine görä, bu barlag Azerbaýjan, Gruziýa, Özbegistan, Pakistan we Türkmenistan ýaly sebit ýurtlarynyň alty serhet geçiş nokadyny öz içine aldy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.