Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Türk­me­nis­tan Gahryman Arkadagymyz ta­ra­pyn­dan ba­şy baş­la­nyp, hor­mat­ly Prezidentimiz Serdar Berdimuhamedowyň baş­tu­tan­ly­gyn­da üs­tün­lik­li dur­mu­şa ge­çi­ril­ýän pa­ra­hat­çy­lyk dö­re­di­ji­lik­li da­şa­ry sy­ýa­sa­ty­na üýt­gew­siz eýer­ýär. «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» şy­ga­ry as­tyn­da geç­ýän şu ýyl­da ýur­du­myz gy­zyk­lan­ma bil­dir­ýän da­şa­ry ýurt­ly hyz­mat­daş­lar bi­len ne­ti­je­li gat­na­şyk­la­ry mun­dan beý­läk-de pug­ta­lan­dyr­mak ba­bat­da yzy­gi­der­li çä­re­le­ri dur­mu­şa ge­çir­ýär.

Hor­mat­ly Prezidentimiziň we türk­men hal­ky­nyň Milli Lideriniň şu ýyl­da da­şa­ry döw­let­le­re amala aşy­ran sa­par­la­ry bu ba­bat­da aý­ra­tyn äh­mi­ýe­te eýe­dir. Şol sa­par­la­ryň jem­le­ri iki­ta­rap­la­ýyn gör­nüş­de, şeý­le hem kö­pu­gur­ly ab­raý­ly dü­züm­le­riň çäk­le­rin­de döw­le­ta­ra hyz­mat­daş­ly­gy ös­dür­mä­ge tä­ze iter­gi ber­di. Türk­me­nis­ta­ny dün­ýä­niň dür­li se­bit­le­rin­de ýer­leş­ýän ýurt­lar, şol san­da Aziýa döwletleri bi­len dost­luk, öza­ra hor­mat, deň­hu­kuk­ly­lyk ýö­rel­ge­le­ri­ne esas­lan­ýan gat­na­şyk­lar bag­la­nyş­dyr­ýar. Sebitiň ýurtlarynyň ara­syn­da­ky hyz­mat­daş­lyk sy­ýa­sy, yk­dy­sa­dy, ekologiýa, ulag-logistika, söw­da ýa­ly esa­sy ugur­la­ry öz içi­ne al­ýar. 

15-nji oktýabrda hormatly Prezidentimiz Bakuda geçirilen Aziýada hyzmatdaşlygy we ynanyşmagy berkitmegiň çäreleri Geňeşiniň VII sammitinde çykyş etdi. Döwlet Baştutanymyz öz çykyşynda yklymda parahatçylygy, howpsuzlygy we özara ynanyşmagy pugtalandyrmagyň möhümdigine ünsi çekdi. Hormatly Prezidentimiz Aşgabatda ýerleşýän BMG-niň Merkezi Aziýa üçin öňüni alyş diplomatiýasy boýunça sebit merkeziniň mümkinçiliklerinden has işjeň peýdalanmagy teklip etdi.

Hormatly Prezidentimiz Türkmenistanyň Aziýada hyzmatdaşlygy we ynanyşmagy berkitmegiň çäreleri Ge­ňeşine durnukly ösüşi we durnuklylygy üpjün etmäge gönükdirilen möhüm halkara meýdança hökmünde garaýandygyny nygtady. Şunuň bilen baglylykda, halkara hukugynyň esaslaryny ösdürmäge aýratyn ähmiýet berildi. 

Döwlet Baştutanymyz çykyşynyň dowamynda Türkmenistanyň 2028-nji ýyly «Halkara hukuk ýyly» diýip yglan etmek hem-de 2027–2037-nji ýyllary BMG-niň «Dialogyň we öňüni alyş diplomatiýasynyň onýyllygy» diýip yglan etmek baradaky başlangyçlaryny ýatlatdy.

«Halkara hukugy­ň we öňüni alyş diplomatiýasynyň mümkinçilikleriniň gi­ňeldilmeginiň biziň dialogymyzyň çäklerinde, ilkinji nobatda, gapma-garşylyklaryň öňüni almaga, ynanyşmagy pugtalandyrmaga we özara kabul ederlikli çözgütleri işläp taýýarlamaga ýardam berjekdigine ynanýaryn» diýip, hormatly Prezidentimiz belledi.

Türkmenistanyň Prezidenti bu başlangyçlaryň dünýä bileleşigi tarapyndan goldanyljakdygyna umyt bildirdi. Şeýle hem ştab-kwartirasy Aşgabatda ýerleşýän BMG-niň Merkezi Aziýa üçin öňüni alyş diplomatiýasy boýunça sebit merkeziniň mümkinçiliklerinden has netijeli peýdalanmaga çagyrdy.

Şeýle hem sammitiň dowamyndaky çykyşlarda ynanyşmak çärelerini pugtalandyrmak, howanyň üýtgemegine garşy uýgunlaşmak, Aziýada ulag-logistika strategiýalaryny utgaşdyrmak, halkara ulag geçelgelerini ösdürmek, azyk howpsuzlygyny hem-de ekologiýa durnuklylygyny üpjün etmek, sanly özgertmeleri çaltlandyrmak bilen baglanyşykly meselelere seredilip geçildi.

Şeýlelikde, Türkmenistan Aziýada hyzmatdaşlygy we ynanyşmagy berkitmegiň çäreleri Geňeşiniň sammitiniň çäklerinde ulag-logistika hyzmatdaşlygyny diwersifikasiýalaşdyrmaga, ekologiýa meselelerini çözmäge, şol sanda daşky gurşawy goramaga we suw serişdelerinden netijeli peýdalanmaga, ynsanperwer hyzmatdaşlygy ösdürmäge gönükdirilen başlangyçlary öňe sürdi. Hormatly Prezidentimiziň beýan eden teklipleri Türkmenistanyň Durnukly ösüş maksatlaryna ýetmek we ählumumy abadançylygy üpjün etmek üçin dünýä jemgyýetçiliginiň tagallalaryny birleşdirmäge çalyşýandygynyň nobatdaky subutnamasy boldy.

Berkarar döwletiň täze eýýamynyň Galkynyşy döwründe mähriban Watanymyzyň dünýädäki abraý-mertebesini has-da belende göterýän Milli Liderimiziň hem-de Arkadagly Gahryman Serdarymyzyň janlary sag, belent başlary aman bolsun, beýik işleri elmydama rowaçlyklara beslensin!

Meýlis GARADURDYÝEW,
Türkmenistanyň Telekommunikasiyalar we informatika institutynyň Umumy tehniki dersler kafedrasynyň mugallymy.