Türkmen halkynyň Milli Lideri Gurbanguly Berdimuhamedowyň paýhasly baştutanlygynda başy başlanan Arkadagly Gahryman Serdarymyz tarapyndan ynamly durmuşa geçirilýän «Saglyk» Döwlet maksatnamasy we beýleki ugurdaş maksatnamalardyr taslamalar yzygiderli amala aşyrylyp, degişli düzümiň maddy-enjamlaýyn binýady döwrebaplaşdyrylýar. Diýarymyzyň çar künjeginde ýokary halkara ölçegleriň ähli talaplaryna laýyk gelýän saglygy goraýyş, bejeriş-şypahana, sport düzümleriniň desgalary guruldy we gurluşyklary dowam edýär. Täze Arkadag şäherinde bolsa innowasion lukmançylyk klasteri kemala gelýär.

«Saglyk» Döwlet maksatnamasynyň durmuşa geçirilmegi saglygy goraýşyň esasy ugurlaryny kesgitlemek we degişli strategiýalary işläp düzmek hem-de ýerine ýetirmek; jemgyýetde sagdyn durmuş ýörelgelerini berkitmek; daşky gurşawyň arassalygyny gazanmak; ulgamyň guramaçylygyny, dolandyrylyşyny we maliýeleşdirilişini kämilleşdirmek; saglygy goraýşyň ilkinji halkasy bolan saglyk öýleriniň işini täzeden guramak; hassahana, şypahana hyzmatlaryny hil taýdan kämilleşdirmek; Arassaçylyk we keselleriň ýaýramagyna garşy göreşmek gullugynyň işini kadalaşdyrmak; derman senagatyny giňeltmek we halkara derejä çykarmak; degişli düzümleri öz kärine ussat hünärmenler, maglumatlar ulgamy bilen üpjün etmek; kanunçylyk binýadyny pugtalandyrmak ýaly möhüm wezipelere esaslanýar.

Bilşimiz ýaly, her ýylyň 10-njy oktýabrynda ýurdumyzda Saglygy goraýyş we derman senagaty işgärleriniň güni giňden bellenilýär. Hünär baýramy mynasybetli halkara serginiň we ylmy-amaly maslahatyň geçirilmegi, täze saglygy goraýyş desgalarynyň açylyp ulanmaga berilmegi indi asylly däbe öwrüldi. 

Häzirki zaman lukmançylygynyň gazananlarynyň durmuşa geçirilmegi, keselleriň dessin ýüze çykarylmagy, netijeli bejeriş hyzmatlarynyň üpjün edilmegi möhüm wezipeleriň hataryndadyr. Şunuň bilen baglylykda, Gahryman Arkadagymyzyň we Arkadagly Gahryman Serdarymyzyň ak pata bermegi bilen paýtagtymyz Aşgabatda Halkara onkologiýa ylmy-kliniki, Halkara pediatriýa we Stomatologiýa merkezleriniň, şeýle hem meşhur “Arçman” şypahanasynyň täze binalar toplumynyň açylmagynyň ähmiýeti bellenildi. Nygtalyşy ýaly, milli saglygy goraýyş ulgamynyň döwrebap ösüşine itergi boljak bu düzümleriň her biri gaýtalanmajak jemgyýetçilik-durmuş we innowasion aýratynlyklara eýedir.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de sag­ly­gy go­ra­ýyş, bi­lim we sport ul­gam­la­ry­nyň saz­la­şyk­ly ös­dü­ril­me­gi­ne aý­ra­tyn äh­mi­ýet be­ril­ýär. Şu mak­sat­dan ugur al­nyp, paý­tag­ty­myz­da «Sag­ly­gy go­ra­ýyş, bi­lim we sport Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de» at­ly hal­ka­ra ser­gi we yl­my mas­la­hat ge­çi­ril­di. Çä­rä­niň esa­sy mak­sa­dy sag­ly­gy go­ra­ýyş, bi­lim we sport ugur­la­ryn­da ýur­du­myz­da ga­za­ny­lan üs­tün­lik­le­ri, dur­mu­şa ge­çi­ril­ýän giň ge­rim­li iş­le­ri we bu ul­gam­la­ryň gel­jek­ki ösüş müm­kin­çi­lik­le­ri­ni gör­kez­mekden, şeý­le hem hü­när­men­le­riň ara­syn­da tej­ri­be we pi­kir al­şy­gy­ny ös­dür­mek­den yba­rat bol­dy.

Ser­gi­niň esa­sy aý­ra­tyn­ly­gy sag­ly­gy go­ra­ýyş, bi­lim we spor­ty bi­ri-bi­rin­den üz­ňe däl-de, bi­te­wi ul­gam hök­mün­de göz öňün­de tut­ma­gy­dyr. Çün­ki sag­dyn jem­gy­ýe­tiň bin­ýa­dy sag­dyn ne­sil­den baş­lan­ýar. Sag­dyn nes­li ke­ma­la ge­tir­mek üçin bol­sa ýo­ka­ry hil­li bi­lim, döw­re­bap sag­ly­gy go­ra­ýyş hyz­mat­la­ry hem-de be­den­ter­bi­ýe we sport bi­len meş­gul­lan­ma­ga giň müm­kin­çi­lik­ler ze­rur­dyr.

Ýaş nes­liň bi­lim­li we ylym­ly bol­ma­gy ýur­duň gel­je­gi üçin mö­hüm äh­mi­ýe­te eýe­dir. Bi­lim ul­ga­myn­da tä­ze teh­no­lo­gi­ýa­la­ry ulan­mak, okat­ma­gyň döw­re­bap usul­la­ry­ny or­naş­dyr­mak, hü­när­men­le­riň tej­ri­be­si­ni art­dyr­mak we hal­ka­ra tej­ri­be­si­niň hä­zir­ki za­man ga­za­nan­la­ry­ny öw­ren­mek bo­ýun­ça iş­ler öňe sü­rül­ýär. Şeý­le çe­me­leş­me ýaş­la­ryň di­ňe bir bi­lim taý­dan däl, eý­sem, dur­muş we hü­när taý­dan hem kä­mil­leş­me­gi­ne şert dö­red­ýär.

Sport ýaş­la­ryň be­den taý­dan sag­dyn, ru­hy taý­dan berk we mak­sa­da ok­gun­ly bo­lup ýe­tiş­me­gin­de mö­hüm se­riş­de­le­riň bi­ri hök­mün­de çy­kyş ed­ýär. Spor­tuň we sa­gal­dyş he­re­ke­ti­niň ös­dü­ril­me­gi mil­le­tiň sag­ly­gy­ny ber­kit­mä­ge, berk be­den­li, be­lent ruh­ly we hy­juw­ly ýaş­la­ry ke­ma­la ge­tir­mä­ge gö­nük­di­ril­ýär. Şo­nuň üçin bi­lim bi­len spor­tuň saz­la­şy­gy ýaş­la­ryň hem­me­ta­rap­la­ýyn ösü­şi­ne oňyn tä­sir ed­ýär.

«Sag­ly­gy go­ra­ýyş, bi­lim we sport Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de» at­ly hal­ka­ra ser­gi­niň ge­çi­ril­me­gi hem şu bi­te­wi ýö­rel­gä­niň aý­dyň be­ýa­ny­dyr. Ser­gi we yl­my mas­la­hat bu ugur­lar­da top­la­nan tej­ri­be­le­ri, ga­za­ny­lan üs­tün­lik­le­ri giň­den ara alyp mas­la­hat­laş­ma­ga, hü­när­men­le­riň ara­syn­da pi­kir we tej­ri­be alyş­ma­ga müm­kin­çi­lik ber­ýän mö­hüm meý­dan­ça öw­rül­di. Şeý­le­lik­de, sag­ly­gy go­ra­ýyş, bi­lim we sport bi­ri-bi­ri­niň üs­tü­ni ýe­tir­ýän, ýaş nes­liň sag­dyn, bi­lim­li, giň dün­ýä­ga­ra­ýyş­ly we kä­mil şah­sy­ýet­ler bo­lup ýe­tiş­me­gi­ni üp­jün ed­ýän mö­hüm ugur­lar­dyr. 

Halkynyň saglygyny hemme zatdan ileri tutýan Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun! Berkarar Watanymyzy ösüşiň täze belentliklerine ýetirjek beýik başlangyçlary has-da rowaç alsyn!

Solmaz ÝAMADOWA,
Türkmenistanyň Telekommunikasiýalar we informatika institutynyň Kompýuter ylymlary kafedrasynyň mugallymy.