Mukaddes Garaşsyzlygymyzyň 35 ýyllyk baýramynyň öňüsyrasynda Gahryman Arkadagymyzyň baştutanlygynda, Arkadagly Gahryman Serdarymyzyň gatnaşmagynda «Garaşsyz, baky Bitarap Türkmenistan — bedew batly at-myradyň mekany» ýylynda paýtagtymyzda geçirilen Türkmenistanyň Halk Maslahatynyň mejlisinde «Türkmenistanda ýaşlar barada döwlet syýasatynyň 2031-nji ýyla çenli Döwlet maksatnamasynyň» kabul edilmegi döwletimizde durmuşa geçirilýän her bir işiň maksatnamalaýyn esasda alnyp barylýandygyny aýdyň görkezýär. 

Ajaýyp zamanada, Berkarar döwletiň täze eýýamynyň Galkynyşy döwrümizde ylymly, bilimli, berk bedenli, giň dünýägaraýyşly, watansöýüji ýaşlary terbiýeläp ýetişdirmek hormatly Prezidentimiz tarapyndan ýurdumyzda alnyp barylýan ýaşlar syýasatynyň baş maksadydyr. Häzirki döwürde Gahryman Arkadagymyzyň işleri Arkadagly Gahryman Serdarymyzyň parasatly baştutanlygynda üstünlikli ösdürilýär. Şunda halkymyzyň baý medeni mirasyny gorap saklamak, dikeltmek, öwrenmek hem-de milli gymmatlyklary, däp-dessurlary, maşgala edebini wagyz etmek arkaly sagdyn, ýokary ahlakly, bilimli, watansöýüji ýaş nesli kemala getirmek üçin maksatnamalaýyn işler yzygiderli geçirilip durulýar. Ýaş nesliň giň dünýägaraýyşly, watansöýüji, zähmetsöýer bolup ýetişmegi ugrunda döwletli işler amala aşyrylýar.

«Türkmenistanda ýaşlar barada döwlet syýasatynyň 2031-nji ýyla çenli Döwlet maksatnamasynyň» hemmetaraplaýyn ösen şahsyýetleri kemala getirmäge, zehinli ýaşlary ýüze çykarmaga, olary watansöýüjilik, millilik we raýat jogapkärçiligi ruhunda terbiýelemäge, ýurduň ýaş raýatlaryny dünýä medeniýetine ýakynlaşdyrmaga, olaryň hukuk medeniýetini, sagdyn durmuş ýörelgelerini ösdürmäge, bilim, ylym almaklary we iş üpjünçiligi bilen bagly  zerur şertleri döretmäge, ýaşlar başlangyçlaryny we telekeçiligini goldamaga, ýaş maşgalalara durmuş goldawyny bermäge gönükdirilmegi ýaşlar syýasatyna döwletimizde möhüm ähmiýet berilýändiginiň aýdyň subutnamasydyr. Şeýle hem ýurdumyzyň ýaşlarynyň halkara forumlarda, bäsleşiklerde we dürli ylmy-amaly maslahatlarda üstünlikli çykyşlary,  olaryň döwrebap tejribäni özleşdirýändigi hem-de dünýä derejesinde öz ornuny pugtalandyrýandygy maksatnamada beýan edilip, bu işleri dowam etdirmeklik barada  hem bellenilýär.

Hormatly Prezidentimiziň alyp barýan ýaşlar syýasaty ýaş türkmenistanlylaryň şahsyýet hökmünde kemala gelmegine, ösmegine, ukyp-başarnyklarynyň ýokarlanmagyna, jemgyýetiň döwletiň bähbitlerine, ýaşlaryň aň-paýhas, döredijilik, ruhy mümkinçiliklerini has doly amala aşyryp bilmekleri üçin mümkinçilikleri giňeltmäge has oňaýly şertleri döretmäge gönükdirilendir. Bu syýasatyň üstünlikli durmuşa geçirilmegi bolsa,  ýurdumyzyň  ösüş depginini ýokarlandyrmaga ýardam berýär.

Häzirki ösüşlere beslenýän döwrümizde ýaşlaryň halkymyzyň milli ýörelgelerine, däp-dessurlaryna eýerip, giň dünýägaraýyşly, ylymly, bilimli bolup ýetişmegi ugrunda uly işler durmuşa geçirilýär. Hormatly Prezidentimiz şeýle belleýär: “Belent sepgitler, beýik ösüşler, ilkinji nobatda, ylymly-bilimli nesliň güýji, zehin baýlygy hem-de döredijilik başarnygy bilen berk baglanyşyklydyr”. Täze taryhy eýýamda ösüp gelýän ýaş nesliň döwrebap terbiýelenmegi, bilim almagy, hünär öwrenmegi, zehin başarnyklaryny açmagy, kämil hünärmenler bolup ýetişmegi üçin ähli mümkinçilikler döredilýär. Ýaş nesillere milli däp-dessurlarymyz esasynda terbiýe bermek, olara sowat, bilim öwretmek, hünäre ugrukdyrmak işleriniň ähmiýeti örän uludyr. Şonuň üçin hem ýurdumyzda bu ugra aýratyn üns berilýär we bilim ulgamynyň özgertmelerine giň mümkinçilikler döredilýär.

Häzirki ajaýyp döwrümizde ýaşlar hormatly Prezidentimiziň tagallasy bilen milli ruhda terbiýelenip, geçmişimize, milli mirasymyza buýsanýarlar. Olar bagtyýar şu günümize, nurana geljegimize guwanýarlar. Esasan hem nesil terbiýesinde Gahryman Arkadagymyzyň ajaýyp eserleri, Arkadagly Gahryman Serdarymyzyň şadiwanlary uly gollanma bolup durýar. Biz hem bilim işgärleri hökmünde bu ajaýyp eserleri çuňňur öwrenip, ýaş nesillerimize kitabyň many-mazmunyny düşündirýäris. Munuň özi ilkinji nobatda, ýaşlarda milli buýsanç döremegine hem-de dünýägaraýyşlarynyň has-da giň bolmagyna oňat ýardam edýär.

Hormatly Prezidentimiziň “Döwlet diňe halky bilen döwletdir!” diýen baş ýörelgesi ýurduň her bir raýatynyň ajaýyp döwrümizde erkana durmuşda ýaşamagyna, döredijilikli zähmet çekmegine giň şertleri döredýär. Şeýle ajaýyp durmuşyň goýnunda ýaşaýan her bir türkmenistanly Watanymyzyň kuwwatyny mundan beýläk-de artdyrmaga borçludyr. Berkarar döwletiň täze eýýamynyň Galkynyşy döwründe Watany jandan eziz söýmegiň ýörelgesini, beýik adamkärçiligiň nusgalyk işleri bilen belent duýgulary kalbymyza guýýan Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun!

Nurylla REJEPOW,
Türkmenistanyň Telekommunikasiýalar we informatika institutyň mugallymy, demokratik partiýasynyň başlygy.