Ýurdumyzyň dünýä tejribesiniň özgerişi bilen aýakdaş ösýän häzirki döwründe Arkadagly Gahryman Serdarymyzyň tagallalary bilen ykdysadyýetimizi sanly esasda kämilleşdirmek esasy wezipeleriň biri hökmünde kesgitlenilýär. Ge­çen ýy­lyň do­wa­myn­da ýur­du­myz­da san­ly yk­dy­sa­dy­ýe­tiň dur­nuk­ly esas­la­ry­ny ke­ma­la ge­tir­mek, il­kin­ji no­bat­da, bu ul­gam­da hu­kuk ka­da­laş­dy­ry­ly­şy­ny üp­jün et­mek bo­ýun­ça yzy­gi­der­li iş­ler ama­la aşy­ryl­dy.

Ylmyň hem tehnologiýanyň ýokary tizlik bilen ösýän döwründe birnäçe döwletleriň ykdysadyýetiň sanly ulgamy ösdürmäge, täze iş orunlaryny döretmäge, elektron senagatyň we IT-tehnologiýalaryň bäsdeşlige ukyplylygyny ýokarlandyrmaga gönükdirilen toplumlaýyn maksatnamalary durmuşa geçirmekleri milli ykdysady ösüşi üpjün etmek üçin sanly ulgamyň möhümligini tassyklaýar. Dünýäniň ykdysady giňişligine amatly goşulyşýan baky Bitarap Türkmenistan döwletimizde hem bu ugruň ösdürilmegine uly ähmiýet berilýär. Hususan-da, häzirki döwürde dünýä giňişliginde bolup geçýän sanly özgeriş Türkmenistanyň bu ählumumy hadysa goşulyşmagyna zerurlyk döretmek bilen möhüm döwlet syýasaty hökmünde sanlylaşdyrmak işini milli ösüşiň meýilnamasyna girizilmegini şertlendirdi.

Baky bitarap Watanymyz döwrümizi sanlylaşdyrmak boýunça öňden gelýän we hemişelik hyzmatdaşlarynyň hatarynda aragatnaşygyň hem-de maglumat tehnologiýalarynyň dürli görnüşleriniň bazarynda öňdebaryjylar hasaplanylýan «NOKIA», «HUAWEI», «Tech Investment Сo», «SSI Monaсo», «Thales Alenia», «Afghan Wireless», «Airbus», «Delta Teleсom Ltd», «Rosteleсom», «Eastwind», «Azerteleсom» we beýlekiler bilen hyzmatdaşlygy barha ýygjamlaşdyrýar.

Hyzmatdaşlary bilen alyp barýan ýygjam gatnaşyklary netijesinde güneşli Diýarymyzyň innowasion ösüş ýoluna düşmeginde maksatnamalaýyn işler amala aşyrylýar. Häzirki wagtda, internet we hemra aragatnaşygynyň eýýamynda sanly ulgamyň ornaşdyrylmagy adaty ugurlary hem-de olaryň ösüşiniň nusgalaryny düýpli özgertdi.

Watanymyzda esasy optiki-süýümli ulgamlaryň ikisi, ýagny Aşgabat — Mary — Türkmenabat — Daşoguz — Aşgabat halkalaýyn hem-de Garabogaz — Türkmenbaşy — Aşgabat — Mary — Türkmenabat — Kerki — Ymamnazar ulgamlary hereket edýär. Olar goňşy döwletleriň ulgamlaryna sepleşýär. Olary gurmagyň taslamalary DWDM (Dense Wavelength Division Multipleхing — dykyz tolkunlaýyn multipleksirleme) tehnologiýalarynyň esasynda amala aşyryldy.

Dünýä ykdysadyýetiniň häzirki ösüşiniň ýagdaýynyň maglumat tehnologiýalarynyň we bilimleriň jemgyýetiň durmuşyndaky ornunyň artmagy bilen ysnyşykly baglanyşyklydyr. Ykdysadyýet özgerýär, has innowasion ýagdaýa eýe bolýar, şu özgerişlikleriň esasynda bolsa ýokary tizlikli, aragatnaşyk we internet ulgamlary durýar.

Sanly ykdysadyýeti ösdürmegiň konsepsiýasynyň üstünlikli durmuşa geçirilmegi ýakyn wagtda ylmyň soňky gazananlary esasynda sanly hyzmatlarynyň has-da kämilleşdirilmegine, täze sanlylaşdyrylan hyzmatlarynyň çalt we ýokary hilli ýerine ýetirilmegine giň mümkinçilikleri döredýän Gahryman Arkadagymyzyň hem-de Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!

Aýna GELDIÝEWA,
Beki Seýtäkow adyndaky Mugallymçylyk mekdebiniň 2-nji talyby.