ŞANLY TOÝUŇ JOŞGUNLY ÝALKYMY
08-12-22
Hemişelik Bitarap Türkmenistan bu gün dünýäniň abraýly guramasy bolan Birleşen Milletler Guramasynyň geňeşleriniň, komitetleriniň we komissiýalarynyň birnäçesiniň agzasy bolmak bilen, olaryň çäklerinde degişli halkara işlerini amala aşyrýar. Türkmenistan Watanymyzyň 27 ýylyň içinde öňe süren dünýä ähmiýetli birnäçe möhüm başlangyçlarynyň halkara bileleşigi tarapyndan gyzgyn goldanylmagy-da halkymyzyň ynsanperwerlik, parahatçylyk we hoşniýetlilik ýörelgelerine elmydama ygrarlydygyny görkezýär.
«Halkyň Arkadagly zamanasy» ýyly döwletimiziň belent halkara derejesine we bütindünýä ykrarnamasyna öwrülen, hoşniýetliligiň, parahatçylygyň, asudalygyň, birek-birege hormat goýmagyň, ynanyşmagyň, özara bähbitli hyzmatdaşlygyň, howpsuzlygyň we ösüşiň aýdyň ýoly hökmünde dünýä içre ykrar edilen hemişelik Bitaraplyk halkara hukuk ýagdaýyna eýe bolanyna 27 ýyl dolýar. Bu şanly toýa bagtyýar halkymyz uly zähmet sowgatlary, ýokary ruhy joşgun bilen barýar.
Halkara derejesinde asudalygyň, parahat durmuşyň we howpsuzlygyň ýurdy hökmünde ykrar edilen eziz Watanymyzda giňden ýaýbaňlandyrylýan baýramçylyk çärelerine ýurdumyzyň bilim edaralarynda hem işjeň gatnaşmak bilen, dürli medeni-köpçülik we wagyz-nesihat çärelerini geçirmek arkaly şanly baýramçylygy dabaralandyrmaklyga mynasyp goşant goşýarlar.
Aýratyn ähmiýetli tarapy hem bu şanly senäniň halkara derejesinde bellenilip geçilýändigidir. Çünki Türkmenistanyň hemişelik Bitaraplyk hukuk ýagdaýyna eýe bolan güni, ýagny 12-nji dekabr — Halkara Bitaraplyk güni hökmünde bellenilýär. 1995-nji ýylyň 12-nji dekabrynda «Türkmenistanyň hemişelik Bitaraplygy hakyndaky» Kararnamanyň birinji gezek we 2015-nji ýylyň 3-nji iýunynda ikinji gezek kabul edilmegi ýurdumyzyň bu hukuk derejesiniň ähmiýetini has-da artdyrdy. 2017-nji ýylyň 2-nji fewralynda bolsa Gahryman Arkadagymyzyň başlangyjy bilen BMG-niň Baş Assambleýasynyň 71-nji mejlisinde 12-nji dekabr — Halkara Bitaraplyk güni diýlip yglan edildi.
Hawa, Bitaraplygymyz baky bagtyýarlygymyzdyr, dünýä döwletleri bilen ysnyşykly we birek-birege ynanyşmak gatnaşyklaryny berkitmegiň netijeli guralydyr. Hemişelik Bitaraplyk türkmen döwletiniň kemala gelmeginiň hem-de kämilleşmeginiň müňýyllyklara uzaýan taryhy çeşmesiniň ajaýyp miwesidir.
Garaşsyz Türkmenistan Bitaraplyk hukuk derejesine giňden daýanyp, ýakyndaky we alysdaky sebitler bilen dostana gatnaşyklary üstünlikli ýola goýýar. Ata Watanymyz dünýä üçin açykdyr. Şol sebäpli ýurdumyzda müdimi abadançylyk, bagtly ýaşaýyş höküm sürýär. Halkymyz özüne abadan we eşretli ýaşaýşy bagyş eden, Ýer ýüzünde ynanyşmagy, dost-doganlyk gatnaşyklaryny pugtalandyrýan Gahryman Arkadagymyzyň hem-de Arkadagly Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Baýramyňyz gutly bolsun eziz ildeşler!
Süleýman GURBANOW,
Türkmen oba hojalyk institutynyň mugallymy.
Bilimleriň we bilimlileriň Watany
Ýurdumyzyň baş şäheriniň keşbi düýpgöter özgerip, sazlaşygyň we gözelligiň beýanyna öwrüldi. Şanly wakalardan doly we döredijilikli täze durmuşy başdan geçirýän eziz Diýarymyz döwrebap derejede ösen ylym-bilim merkezidir. Ak mermerli paýtagtymyzda, ýurdumyzyň beýleki şäherleridir etraplarynda öňdebaryjy tehnologiýalar bilen üpjün edilen täze döwrebap mekdepler, çagalar baglary, döredijilik merkezleri gurulýar. Olarda okamak hem-de bilimiňi artdyrmak üçin ähli şertler döredilendir.
Halk Maslahaty: demokratiýa, döwletlilik, jebislik
Berkarar döwletiň täze eýýamynyň Galkynyşy döwründe Türken halkynyň Milli Lidei Gahryman Arkadagymyzyň döwlet gurluşyny kämilleşdirmek, halkyň ýaşaýyş derejesini ýokarlandyrmak, ykdysady kuwwaty artdyrmak boýunça öňe sürýän başlangyçlary häzirki wagtda hormatly Prezidentimiz, Arkadagly Gahryman Serdarymyzyň baştutanlygynda üstünlikli dowam etdirilýär. Milli gymmatlyklara, asylly ýörelgelere uly üns berilýär we olar döwrebap derejede ösdürilýär.
Milli demokratiýanyň dabaralanmasy
Gahryman Arkadagymyzyň we Arkadagly Gahryman Serdarymyzyň parasatly baştutanlygynda ýurdumyzy durmuş-ykdysady taýdan durnukly ösdürmäge, ilatyň ýaşaýyş-durmuş derejesini ýokarlandyrmaga gönükdirilen giň gerimli özgertmeler amala aşyrylýar. Ýurdy hemmetaraplaýyn özgertmekde, jemgyýeti jebisleşdirmekde Halk Maslahatynyň ähmiýeti uludyr.
Merkezi kazyýet lukmançylygynyň belent sepgitleri
Türkmenistanyň saglygy goraýyş ulgamynda amala aşyrylýan giň gerimli özgertmeleriň netijesinde kazyýet lukmançylygy gullugy hem täze ösüş ýoluna düşdi. 2016-njy ýylyň 21-nji iýulynda açylan Morfologiýa merkeziniň Merkezi kazyýet lukmançylygy edarasy geçen on ýylyň dowamynda özüni ýokary derejeli ylmy-amaly merkez hökmünde tanatdy.
TÄZE TEJRIBE – KÄMILLIGE ÝOL
Berkarar döwletiň täze eýýamynyň Galkynyşy döwründe peder ýoluny mynasyp dowam edýän Arkadagly Gahryman Serdarymyzyň parasatly baştutanlygynda ýurdumyzyň bilim binýadyny ýokarlandyrmak ugrunda ägirt uly işler durmuşa geçirilýär. Häzirki wagtda ýurdumyzda talyplaryň bilim almagy diňe nazaryýet bilen çäklenmän, eýsem, olary amaly tejribe ýoluna ugrukdyrmak zerur bolup durýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.