AK ŞÄHERIM AŞGABAT
24-05-24
Hormatly Prezidentimiz Serdar Berdimuhamedowyň baştutanlygynda Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistan döwletimiz ykdysadyýetde, syýasatda, saglykda, sportda, ylym-bilimde, gurluşyk pudagynda, umuman, durmuşyň ähli ugurlary boýunça uly ösüşler gazanylyp, şöhratly taryhymyzyň altyn sahypalary ýazylýar.
Döwlet Baştutanymyz pederleriniň ýoluny tutup, döwlet başyna geçen gününden başlap, ýurdumyzy ykdysady, syýasy we medeni taýdan ösdürmek, halkymyzyň hal-ýagdaýyny gowulandyrmak, ylymly-bilimli sagdyn ýaş nesilleri kemala getirmek, ata Watanymyzy mundan beýläk hem gülledip ösdürmek we onuň halkara abraýyny has-da belent derejelere ýetirmek ugrunda taýsyz tagallalaryny siňdirýär. Bu ugurda paýtagtymyz Aşgabatda we beýleki sebitlerde gurulýan beýik-beýik binalar, depesi göge ýetýän minaralar pederlerimiziň binagärlik senediniň köküniň gaty alyslara uzaýandygyndan habar berýär.
Nesillerimize ebedi miras galan gadymy binagärlik senedi türkmen halkynyň häzirki eşretli hem-de nurana günlerinde, hormatly Prezidentimiziň taýsyz tagallalarynyň netijesinde beýik sungat derejesine ýetirildi. Muňa Garaşsyz, hemişelik Bitarap ýurdumyzyň dürli künjeklerinde, ak şäherimiz Aşgabatda bina edilen depesi tylla gümmezli köşgi-eýwanlary, başy bulutlary guçýan belent ymaratlary, otaglarynyň ýerleşişi gowulandyrylan köp gatly, has oňaýly ýaşaýyş jaýlaryny, türkmen myhmansöýerliginiň nusgasyna öwrülip öwşün atýan ak mermerli owadan myhmanhanalary, göwünlerimiziň joşgunyna, kalbymyzyň perwazyna meňzäp asmana atylýan, biri-birinden täsin suw çüwdürimler toplumlaryny, gözel Diýarymyzyň içinden eriş-argaç bolup geçýän, ynsanlary biri-birine golaýlaşdyrýan rowana ýollary mysal getirmek mümkin. Gahryman Arkadagymyzyň hem-de Arkadagly Serdarymyzyň binagärlik-şähergurluşyk maksatnamasynyň esasynda gün-günden pajarlap ösýän paýtagtymyz milli binagärlik sungatymyzyň iň soňky gazananlarynyň Ýewropa biçüwleri bilen utgaşdyrylmagyndan bütinleý diýen ýaly täze keşbe girdi.
Baş şäherimizde döredilýän täsin desgalar kaşaňlygy, gözelligi, özboluşlylygy, türkmeniň arzuwyny, ruhuny, mundan-da nurana geljege umydyny beýan edip bilýänligi, halkymyzyň buýsanjyny, guwanjyny özünde jem edýänligi bilen aýratyn tapawutlanýar. Bedew bady bilen gurulýan paýtagtymyzda döredilýän sazlaşykly gözellikleri gören her bir adam berkarar türkmen döwletimiziň täze eýýamynyň Galkynyşy döwrüniň ösüşlerine haýran galýar. Öz şöhratly taryhynda 70-den gowrak döwleti döredip bilen halkymyzyň bu günki bedew batly ösüşlerini gözügidijilik bilen synlap, oňa mynasyp baha berýär. Täze eýýamda Gahryman Arkadagymyzyň hem-de Arkadagly Serdarymyzyň tagallasy bilen gurlup, ulanylmaga berlen ajaýyp desgalaryň birnäçesiniň, şeýle hem gözel paýtagtymyzyň özüniň ak mermer bilen örtülen binalarynyň köplügi bilen Ginnesiň Bütindünýä rekordlar kitabyna girizilendigi bolsa türkmen döwletiniň binagärlik sungatynyň belent sepgitlere ýetendiginiň nyşanydyr.
Berkarar döwletiň täze eýýamynyň Galkynyşy döwründe Arkadagly Serdarymyzyň halkymyzy öňe alyp barýan adyl ýörelgesinden ugur alnyp, paýtagtymyzda amala aşyrylýan toplumlaýyn binagärlik taslamalarynda halkymyzyň eşretli, döwrebap, medeniýetli ýaşaýşy ugrunda ägirt uly işler amal edilýär. Aşgabat häzirki wagtda, dünýäniň döwrebap şähergurluşyk talaplaryna laýyk esasda hemmetaraplaýyn ösüşlere eýe bolýar. Ata Watanymyzyň baş şäheriniň keşbinde halkymyzyň baý medeni mirasy, milli binagärlik ýörelgeleri we bu ugurdaky baý tejribesi, ýurdumyzyň hemmetaraplaýyn artýan kuwwaty aýdyň şöhlelendirilýär.
«Pähim-paýhas ummany Magtymguly Pyragy» ýylynda ak şäherimiz Aşgabat gün-günden ösýär, gözelleşýär. Bu edilýän işleriň ählisi hem hormatly Prezidentimiziň halkymyzyň hal-ýagdaýynyň, ýaşaýyş-durmuş derejeleriniň gowulandyrylmagy, ata Watanymyzyň mundan beýläk hem gülläp ösmegi ugrunda edýän taýsyz tagallalarynyň netijesidir. Bizi şeýle eşretli zamana ýetiren Gahryman Arkadagymyzyň hem-de Arkadagly Serdarymyzyň jany sag, ömri uzak, alyp barýan il bähbitli, ýurt ähmiýetli tutýan tutumly işleri elmydama rowaç alsyn!
Guwanç MYRADOW,
Türkmen oba hojalyk institutynyň mugallymy.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.