Awstriýa döwletiniň kompaniýalary häzirki zaman enjamlary we nou-haular bilen gruzin portlarynyň giňelmegine goşant goşmaga uly gyzyklanma bildirýärler. Bu meýilleriň ýakyn geljekde amal ediljekdigi barada Awstriýanyň Federal Ýewropa we halkara gatnaşyklar ministrliginiň Trend-e beren maglumatlarynda aýdylýar.

Ministrlik: «Awstriýa deňiz kenarynda däl, ýöne deňiz işleriniň we tehnologiýalaryny döretmegiň örän baý taryhyna eýedir. Awstriýa portlar üçin enjamlary we tehnologiýalary hem öndürýär» - diýip beýan edýär. Çeşmäniň sözlerine görä, açyk ykdysadyýetli Awstriýanyň ähli görnüşli maýa goýumlaryny kabul etmek mümkinçiliginiň barlygy sebäpli, gruzin kompaniýalarynyň haýsy ugurlarda maýa goýmalydygyny kesgitlemeginiň galýandygy hem bellenilýär.

Şunuň bilen birlikde hem, Awstriýanyň bu ministrligi Gruziýanyň degişli ugurlardaky tejribesini göz öňünde tutup, gidroenergetika, infrastruktura, logistika we azyk önümlerini gaýtadan işlemek Gruziýa maýa goýmak isleýän Awstriýa kompaniýalary üçin hem aýratyn gyzyklanma döretjekdigini aýdýar.

Ýeri gelende belläp geçsek, Awstriýa bilen Gruziýa 1992-nji ýylda diplomatik gatnaşyklary ýola goýdy we 1996-njy ýylda Gruziýa Wenadaky ilçihanasyny açdy. Awstriýa Wenadaky rezident däl ilçiniň we Tbilisidäki hormatly konsullygyň üsti bilen Gruziýada wekilçilik edýär. Gruziýanyň hem Gratsda hormatly konsullygy bar.