Ady aýdyma öwrülen, Aşgabat!
14-05-23
Taryhda «Aşyklaryň şäheri», «Yşkyň şäheri» diýlip tanalan Aşgabat şäheri gözelligiň, asudalygyň, bagtyýarlygyň nusgasy bolupdy. Paýtagtymyzyň bu günki ajaýyp keşbi bolsa parahatçylygyň, aklygyň, ösüşlere tarap galkynmagyň nyşanyna öwrüldi. Berkarar döwletiň täze eýýamynyň Galkynyşy döwründe Aşgabat şäheri Gahryman Arkadagymyzyň we Arkadagly Serdarymyzyň saýasynda birek-birege dostluk gollaryny uzadan ýurtlaryň parahatçylyk hakynda söhbetleşýän, parahatçylyk hem ynanyşmak atly beýik ýörelgeleriň güzer edinen ýerine öwrüldi.
Islendik ýurda baranyňda ilki bilen şol ýurduň binalarynda gözüň eglenýär. Şolara seredip, ýurduň ýüzüni, ösüşlerini görýärsiň. Biziň mermer şäherimiz babatynda hem şeýle. Ak bagta meňzeş binalar ýurdumyzyň ajaýyp ösüşleri barada sözsüz söhbet açýar. Aşgabat – ýurdumyzyň ýüregi, kalbymyzyň bezegi. Şahyr aýtmyşlaýyn “Arkadagyň sungat eseri” bolan Aşgabat şäheri gün-günden özgerýär. Sazlaşykly gözellige beslenip, sebitde iň owadan merjen şähere öwrülýär.
Sanlyja ýyllaryň içinde paýtagtymyzda bina edilen Maslahatlar köşgi, Konstitusiýa binasy, Metbugat öýi toplumy, Halkara howa menzili, “Ak şäherim Aşgabat” binasy, “Aşgabat” medeni-dynç alyş seýilgähi, “Arçabil” seýilgäh toplumy, “Halk hakydasy” ýadygärlikler toplumy ýaly ajaýyp desgalaryň sanyny näçe uzaltsaň uzaldybermeli. Beýik binalar ýaşyl baglardyr gyrmyzy güllere beslenip, paýtagtymyzyň gözelligine görk goşýar. Bina gursa toý niýetleýän türkmen halky bagtyýar zamanamyzyň her bir baýramçylygynda täze binalaryň açylyş dabarasynyň şaýady bolýar.
Aşgabat şäheri – Berkarar döwletiň täze eýýamynyň Galkynyşy döwründe beýik taryhly döwletiň özeni. Hormatly Prezidentimiz Aşgabady hemmetaraplaýyn ösdürmek, şäheri iň owadan, nusgalyk şäherleriň birine öwürmek barada uly aladalar edýär. Paýtagtymyzda alnyp barylýan gurluşyk-binagärlik işlerini gözegçilikde saklaýar, paýtagtymyz boýunça gurulýan desgalara yzygiderli iş saparlaryny amala aşyryp, degerli maslahatlary berip durýar.
Paýtagtymyzda dürli ýyllarda bina edilen desgalar, köçelerimizi, seýilgählerimizi bezeýän heýkellerdir monumentler halkymyzyň müňýyllyklara uzap gidýän şöhratly taryhyndan, ýaşaýyş-durmuş ýörelgelerinden habar berýär. Biz bu gün – «Arkadag Serdarly bagtyýar ýaşlar» ýylynda Türkmenistan atly beýik ýurtda ýaşaýarys. Bize jennet kybap şeýle zamanany bagyş eden Gahryman Arkadagymyzyň hem-de Arkadagly Serdarymyzyň janlary sag, ömürleri uzak bolsun, il-ýurt bähbitli beýik işleri mundan beýläk-de rowaçlyklara beslensin!
Eziz MYRATGELDIÝEW,
Türkmenistanyň döwlet energetika institutynyň 1-nji ýyl talyby.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.