GOŞA MUKADDESLIGIŇ BAÝRAMY
14-05-23
Ösüşlere beslenýän ata Watanymyzda milli Liderimiziň parasatly ýolbaşçylygynda watandaşlarymyzyň syýasy, jemgyýetçilik-ykdysady, şahsy hukuklary kanuny esasda berkidilýär. Hut şonuň üçin-de Döwlet baýdagymyz bilen döwletliligiň esasy ýörelgesi hem-de alamaty bolan Baş Kanunymyzyň kabul edilen günüň baýramynyň bir günde bellenilmegi-de uly many-mazmuna eýedir.
Konstitusiýa döwlet Garaşsyzlygynyň jarnamasy, raýat bagtyýarlygynyň ykrarnamasy bolup çykyş edýän esasy kanundyr. Konstitusiýa döwletiň hukuk esaslaryny düzüp, onda ýurduň içeri we daşary syýasatynyň özeni, mazmuny jemlenendir. Ýurdumyzyň içeri we daşary syýasatynyň özenini düzýän “Döwlet adam üçindir!” diýen ýörelge Baş Kanunymyzyň rejelenen görnüşiniň içinden eriş-argaç bolup geçýär. Biziň Konstitusiýamyz adamyň we raýatyň hukuklaryny, azatlyklaryny doly üpjün edip, ynsan mertebesini belende göterýär.
Ýaşyl Baýdagymyz Berkarar döwletiň täze eýýamynyň Galkynyşy döwründe täze mukaddeslik we täze beýiklik derejesine göterilip, köňlümize buýsanç, kalbymyza mähir çaýýar. Ýaşyl Baýdagymyzda ynsanperwerlik, parahatsöýüjilik, agzybirlik ýaly milli aýratynlyklarymyz öz aýdyň beýanyny tapandyr. Onda döwlet berkararlygymyz, hemişelik Bitaraplygymyz, asudalygymyz, erkinligimiz ýaly milli alamatlarymyz jemlenendir. Hut şu aýratynlyklary we alamatlary özünde jemleýändigi üçin-de döwlet Baýdagymyz biziň her birimiz üçin gymmatlydyr, mukaddesdir.
Döwlet Baýdagymyz Türkmenistan döwletiniň hemişelik Bitaraplyk hukuk ýagdaýyna laýyklykda ýöredýän ynsanperwerlik, parahatçylyk, asudalyk ýörelgelerini bütin dünýä wagyz edýär. Döwlet Baýdagymyz dünýäde parahatçylygy goraýjy we ýaýradyjy hökmünde tanalýan türkmen döwletiniň berkararlyk ýörelgelerini dünýä ýaýýar, goja Zeminiň halklaryny dostluga, doganlyga, agzybirlige çagyrýar. Garaşsyzlyk ýyllarynda ýaşyl Tugy bilen dünýä tanalan türkmen döwleti Gahryman Arkadagymyzyň we Arkadagly Serdarymyzyň paýhasy bilen dünýäde parahatçylygy, durnuklylygy, ösüşi üpjün etmäge gönükdirilen başlangyçlary öňe sürüp, Ýer ýüzündäki döwletler we halklar bilen dostlukly, köptaraplaýyn hyzmatdaşlygyny has-da pugtalandyrýar.
Goý, bagtyýarlygyň, abadançylygyň, ýurdumyzyň halkara abraýynyň nyşany bolan ýaşyl Baýdagymyz döwletliligiň, erkinligiň, bakylygyň, parahatçylygyň güwäsi bolup, asuda asmanymyzda baky parlasyn! Halkyny bagtly geljege alyp barýan türkmen halkynyň Milli Lideriniň hem-de Arkadag Prezidentimiziň janlary sag, ömürleri uzak bolsun! Halk üçin, Watan üçin, eşretli döwür üçin yhlas siňdirip, durmuşa geçirýän tutumly işleri mundan beýläk hem rowaç alsyn!
Gőzel SERDAROWA,
Türkmenistanyň döwlet energetika institutynyň 1-nji ýyl talyby.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.