ÇAGA — DURMUŞYŇ GÜLI
02-06-21
Türkmen halky irki döwürlerden bäri çaga terbiýesine uly üns berip gelipdir. Berkarar döwletimiziň bagtyýarlyk döwründe hormatly Prezidentimiziň ýolbaşçylygynda ýurdumyzyň geljekki eýeleri bolan ýaş neslimiziň edep-terbiýesi babatda uly işler amala aşyrylýar. Çagalar biziň geljegimiz, arzuw-umytlarymyzdyr. Dury asmanymyzyň astynda eşidilýän çaga gülki sesleri her bir türkmen raýatynyň şatlygyna şatlyk goşýar. “Çaga — durmuşyň güli” diýlip ýöne ýerden aýdylmaýar. Halk döredijiliklerine baý halkymyz öz balalaryny ezizläp, söýgüläp birnäçe aýdymlarydyr hüwdüleri döredipdirler.
Hormatly Prezidentimiziň bimöçber tagallalary esasynda ýaşlara dünýä ülňülerine laýyk bilim bermek maksady bilen, eziz Diýarymyzyň ähli künjeginde döwrebap çagalar baglary, okuw mekdepleri gurlup ulanylmaga berilýär, ösen ylmy-innowasion tehnologiýalar, interaktiw-multimediýa enjamlary, kompýuterler bilen doly üpjün edilýär, bu bolsa biziň röwşen geljegimiz bolan bagtyýar çagalarymyza bilim-terbiýe bermegiň netijeliligini artdyryp, olaryň kämil tehnologiýalary ele almaklaryna we ylym, bilim, hünär öwrenmeklerine giň ýol açýar.
Gahryman Arkadagymyzyň parasatly başlangyçlary esasynda Türkmenistan bagtyýar çagalygyň hem-de iň arzyly islegleriň hasyl bolýan ýurduna öwrüldi. Ýurdumyz nesilleriň sagdyn ösmegi, ruhubelent bolup ýetişmegi barada tagalla edýän Bütindünýä saglygy goraýyş guramasynyň işjeň wekili bolmak bilen, bu halkara guramanyň alyp barýan işine saldamly goşant goşýar. Hormatly Prezidentimiziň başlangyjy bilen her ýylyň 1-nji iýunynda Çagalary goramagyň halkara gününiň dabaraly bellenilip geçilmegi aýratyn ähmiýetli wakadyr.
Nesilleriň giň dünýägaraýyşly bolup ýetişmegi baradaky aladany döwlet syýasatynyň ileri tutulýan ugruna öwren milli Liderimiziň aladasy bilen enelere göwrelilik döwründe we çaga doglanyndan soň ençeme ýeňillikler döredilip berilýär. Bagtyýar çagalygy üpjün etmek maksady bilen ýurdumyzyň ähli şäherlerinde, şäherçelerinde çagalaryň we eneleriň saglygyna goldaw berýän “Ene mähri” merkezleriniň tutuş ulgamynyň döredilmegi muňa aýdyň mysaldyr.
Berkarar döwletimiziň ýaş nesilleriniň sagdyn bedenli, edep-terbiýeli, ruhubelent, watansöýüji adamlar bolup ýetişmegi üçin atalyk aladalaryny edýän Gahryman Arkadagymyzyň jany sag bolsun, il-ýurt bähbitli tutýan tutumly işleri elmydama üstünliklere beslensin!
Serdar GYLYJOW,
S.A.Nyýazow adyndaky Türkmen oba hojalyk uniwersitetiniň talyby.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.