Berkarar döwletiň täze eýýamynyň Galkynyşy döwründe, Halkara parahatçylyk we ynanyşmak ýylynda hormatly Prezidentimiziň baştutanlygynda halkymyzyň we jemgyýetimiziň abadançylygyna gönükdirilen döwlet maksatnamalar üstünlikli durmuşa geçirilýär. Munuň özi türkmenistanlylaryň döwletiň hem jemgyýetiň bähbidine öňe sürülýän başlangyçlaryň durmuşa geçirilmegine işjeň gatnaşýandygynyň beýanydyr. Täze taryhy döwürde Garaşsyz, hemişelik Bitarap ýurdumyz ählihalk ähmiýetli taryhy wakalara beslenýär. Bu wakalardan biri hem Gahryman Arkadagymyz Gurbanguly Berdimuhamedowyň Türkmenistanyň Halk Maslahatynyň Başlygy wezipesine bellenilmegi hem-de türkmen halkynyň Milli Lideri diýlip, kanuny taýdan ykrar edilmegi döwletimiziň täze eýýamynyň taryhyna altyn harplar bilen ýazyldy. Bu taryhy çözgütler syýasy, ykdysady hem-de medeni taýdan möhüm ähmiýete eýedir.

Türkmen halkynyň Milli Lideri Gurbanguly Berdimuhamedowyň başlyklyk etmeginde geçirilen Türkmenistanyň Milli Geňeşiniň, ýurdumyzyň jemgyýetçilik wekilleriniň bilelikdäki taryhy mejlisinde kabul edilen çözgütler halk häkimiýetiniň milli ýörelgeleriniň üstünlikli amala aşyrylýandygyny görkezýär. Şunuň bilen baglylykda, halk häkimiýetiniň ýokary wekilçilikli edarasynyň - Türkmenistanyň Halk Maslahatynyň döredilmeginiň hem-de «Türkmenistanyň Konstitusiýasyna üýtgetmeler we goşmaçalar girizmek hakynda» we «Türkmenistanyň Halk Maslahaty hakynda» Kanunlaryň kabul edilmeginiň konstitusion özgertmeleriň jemgyýetçilik tarapyndan doly goldanylýandygynyň subutnamasydyr.

Gahryman Arkadagymyz Gurbanguly Berdimuhamedowyň Türkmenistanyň Halk Maslahatynyň Başlygy wezipesine bellenilmegi hem-de türkmen halkynyň Milli Lideri diýlip, kanuny taýdan ykrar edilmegi Watanymyzyň we halkymyzyň abadançylygynyň üpjün edilmegine gönükdirilen «Döwlet adam üçindir!» diýen asylly ýörelgäni döwlet syýasatynyň ileri tutulýan ugry hökmünde kesgitlän Gahryman Arkadagymyza bildirilýän belent sarpanyň nyşanydyr. Şeýle hem, Gahryman Arkadagymyzyň Türkmenistanyň Milli Geňeşiniň, ýurdumyzyň jemgyýetçilik wekilleriniň bilelikdäki mejlisindäki taryhy çykyşy her bir raýatyň kalbynda buýsanç duýgusyny oýardy. Onda döwletimizi mundan beýläk-de ösdürmegiň ileri tutulýan wezipeleri kesgitlenildi, ähli ugurlarda uly üstünliklere ýetmegiň ýolunda halkymyzyň jebisligini hem-de agzybirligini berkitjek oňyn teklipler öňe sürüldi.

Manyly ömrüni ata Watanymyzyň syýasy, ykdysady, medeni taýdan ösüşini, halkymyzyň bagtyýar durmuşyny üpjün etmäge bagyşlan Gahryman Arkadagymyz halk bilen işlemegiň, Watana hyzmat etmegiň belent nusgasyny görkezýär. Müňýyllyklardan gözbaş alýan buýsançly taryhy bolan ýurdumyz Gahryman Arkadagymyzyň beýik başlangyçlary, parasatly syýasaty esasynda dünýä parahatçylyk nuruny çaýýan kuwwatly döwlete öwrüldi. türkmen halkynyň Milli Lideriniň beýik işlerine, parahatçylyk taglymatyna bütin dünýäde uly sarpa goýulýar.

Gah­ry­man Ar­ka­da­gy­my­zyň uzak ýyl­la­ryň do­wa­myn­da ýur­du­my­zyň içe­ri we daşary sy­ýa­sa­ty­ny üs­tün­lik­li dur­mu­şa ge­çir­mä­ge, ýur­du­my­zyň ra­ýat­la­ry ba­ra­da­ky aladala­ra gö­nük­di­ri­len be­ýik iş­le­ri Ar­ka­dag­ly Ser­da­ry­myz ta­ra­pyn­dan bar­ha rowaçlandy­ryl­ýar. Bu ha­ky­ka­ty Ber­ka­rar döw­le­tiň tä­ze eý­ýa­my­nyň Gal­ky­ny­şy döwrüniň bat­ly ga­dam­la­ryn­da gör­mek bol­ýar. Gah­ry­man Ar­ka­da­gy­my­zyň ba­şy­ny başlan be­ýik iş­le­ri­niň hor­mat­ly Pre­zi­den­ti­miz Ser­dar Ber­di­mu­ha­me­dow ta­ra­pyn­dan ynam­ly do­wam et­di­ril­ýän­di­gi­ aý­ra­tyn bel­len­mä­ge my­na­syp­dyr. Äh­li ga­za­nyl­ýan uly üstün­lik­ler, ýe­ri­ne ýe­ti­ril­ýän iş­ler, ama­la aşy­ryl­ýan öz­gert­me­ler hor­mat­ly Pre­zi­den­ti­miz Ser­dar Ber­di­mu­ha­me­do­wyň dur­mu­şa ge­çir­ýän be­ýik iş­le­ri­niň oňyn ne­ti­je­si bo­lup durýar. Be­lent mak­sat­lar be­ýik iş­le­ri dur­mu­şa ge­çir­mä­ge müm­kin­çi­lik ber­di.

Ag­zy­bir­lik, je­bis­lik we bi­te­wi­lik ýa­ly ata-ba­ba gel­ýän mu­kad­des ýö­rel­ge­le­ri­miz häzir­ki dö­wür­de ýur­du­my­zy ös­dür­mek ba­ba­tyn­da döw­let sy­ýa­sa­ty­myz­da ro­waç­lan­ýar. Beýik ösüş­le­riň göz­ba­şy bo­lan bu mu­kad­des ýol-ýö­rel­gä­niň Halkara parahatçylyk we ynanyşmak ýylynda has-da ro­waç­lan­ýan­dy­gy­nyň şa­ýa­dy bol­mak örän gu­wan­dy­ry­jy­dyr. Şeýle aja­ýyp dö­wür­de ösüş­le­ri­mi­ziň ba­şyn­da du­ran türkmen halky­nyň Mil­li Li­de­ri Gahryman Arkadagymyzyň hem-de Ar­ka­dag­ly Gahryman Ser­da­ry­my­zyň jan­la­ry sag bol­sun, be­ýik işle­ri üstünliklere bes­len­sin!

Mähri DAŇATAROWA,
Myrat Garryýew adyndaky Türkmenistanyň Döwlet lukmançylyk uniwersitetiniň Lukmançylyk fizikasy we informatikasy kafedrasynyň mugallymy.