Berkarar döwletiň bagt şäheri
09-05-23
Gahryman Arkadagymyzyň başlangyçlarynyň esasynda Ahal welaýatynyň Gökdepe etrabynyň çäginde merdana ata-babalarymyzyň şöhrata beslän mukaddes taryhy topragynda gurulýan Ahal welaýatynyň täze, döwrebap edara ediş merkezi bu gün ýurdumyzyň Garaşsyzlyk sene ýazgysyna täze ajaýyp sahypa bolup girýär. Häzirki wagtda Arkadagly Serdarymyzyň baştutanlygynda gurluşygy dowam etdirilýän döwrebap şäheriň binagärlik keşbinde Watanymyzyň durmuş-ykdysady taýdan okgunly ösüşi, ýaşaýyş-durmuş üpjünçiliginiň guralyşynda milli mirasymyz, ruhy gymmatlyklarymyz, halkymyzyň köpasyrlyk baý taryhy we medeni däpleri öz beýanyny tapýar. Arkadagly Serdarymyzyň baştutanlygynda ýurdumyzda saglygy goraýyş ulgamyny ösdürmek we halkara ülňülerine laýyk getirmek babatda düýpli işler amala aşyrylýar.
Ýurdumyzyň ähli raýatlarynyň islegi we teklipleriniň esasynda Gahryman Arkadagymyzyň hormatyna Ahal welaýatynyň täze, döwrebap edara ediş merkezine şäher derejesiniň berlip, «Arkadag şäheri» adynyň we Arkadag şäherinde gurlan Çagalar sagaldyş-dikeldiş merkeziniň «Gurbanguly Berdimuhamedow adyndaky çagalar sagaldyş-dikeldiş merkezi», merkezi seýilgähdäki belent sungat binasynyň «Arkadag Binasy» diýip atlandyrylmagy, ol ýerde bina edilen medeniýet, bilim ojaklaryna we beýleki desgalara beýik şahsyýetleriň atlarynyň dakylmagy ulus-ilimiziň şatlygyna şatlyk goşdy. Şonuň üçin hem bu taryhy wakany ildeşlerimiz buýsanç bilen kabul etdi.
Türkmenistanyň Milli Geňeşiniň Mejlisiniň karary bilen Arkadag şäherinde Gurbanguly Berdimuhamedow adyndaky Çagalar sagaldyş-dikeldiş merkeziniň, Arkadag Binasynyň, Aba Annaýew adyndaky Halkara atçylyk akademiýasynyň, Berdimuhamet Annaýew adyndaky Ahal welaýat mugallymçylyk orta hünär okuw mekdebiniň, Saçly Dursunowa adyndaky Ahal welaýat lukmançylyk orta hünär okuw mekdebiniň, Ahal welaýatynyň Görogly adyndaky döwlet atçylyk sirkiniň döredilmegi hem muňa aýdyň şaýatlyk edýär. Bu çözgütler ähli halkymyzy guwandyrdy. Täze şäherde taryhda öçmejek yz goýan belli şahsyýetlerimiziň atlaryny ebedileşdirmek boýunça işler üstünlikli dowam etdirilýär. Bu işler ýaş nesillerimizi geçmişimize guwanmak, taryhymyza buýsanmak duýgusynda, ynsanperwerlik we watançylyk ruhunda terbiýelemäge ýardam edýär.
Ildeşlerimiziň isleg-arzuwlary esasynda, Arkadag adyna eýe bolan täze, ajaýyp şäherde saglygy goraýyş-sagaldyş maksatly döwrebap desgalaryň gurulmagy ýurdumyzda ynsan saglygyny goramak, adam ömrüniň dowamlylygyny artdyrmak, saglygy goraýyş hyzmatlaryny halkara ölçeglerine laýyklykda kämilleşdirmek we ýokary netijeli saglygy goraýyş ulgamyny döretmek babatda döwlet derejesinde edilýän uly aladalaryň aýdyň nyşanydyr. Şeýlelikde, Arkadag şäheri saglygyň, gözelligiň, ruhubelentligiň şäheri bolar.
Halkymyzyň durmuşyna gönükdirilen bu beýik özgertmeleri amala aşyrýan Gahryman Arkadagymyzyň, Arkadagly Serdarymyzyň janlary sag, belent başlary aman, il-ýurt bähbitli döwletli işleri rowaçlyklara beslensin!
Jemşit DEREKOW,
Türkmen oba hojalyk institutynyň 3-nji ýyl talyby.
Mergensähet ATAJANOW,
Türkmenistanyň döwlet energetika institutynyň 1-nji ýyl talyby.
Garaşsyzlyk – buýsanjymyz
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
HALKARA BAŞLANGYÇLAR ROWAÇLYGA ÝOL ALÝAR
Mukaddes Garaşsyzlygymyzyň şanly 35 ýyllyk baýramynyň toýlanýan ýylynda ýurdumyza gelip gowşan hoş habar - Birleşen Milletler Guramasynyň Baş Assambleýasynyň 80-nji sessiýasynyň 106-njy plenar mejlisinde Türkmenistanyň başlangyjy bilen “2028-nji ýyl - Halkara hukuk ýyly” atly Kararnamanyň biragyzdan kabul edilmegi Bitarap döwletimiziň umumadamzat bähbitli halkara başlangyçlaryny öňe sürýän döwlet hökmünde dünýäde ykrar edilýändigine şaýatlyk edýär.
«Awtomobil Ulag hyzmaty» AGPJ sürüjileri işe çagyrýar
«Awtomobil Ulag hyzmaty» açyk görnüşli paýdarlar jemgyýeti awtobus we taksi ulaglaryny dolandyrmak üçin tejribeli sürüjileri işe çagyrýar. Ýüz tutýan raýatlaryň degişli iş tejribesiniň, şeýle hem «B» we«D» derejeli sürüjilik şahadatnamalarynyň bolmagy hökmanydyr.
Bilimleriň we bilimlileriň Watany
Ýurdumyzyň baş şäheriniň keşbi düýpgöter özgerip, sazlaşygyň we gözelligiň beýanyna öwrüldi. Şanly wakalardan doly we döredijilikli täze durmuşy başdan geçirýän eziz Diýarymyz döwrebap derejede ösen ylym-bilim merkezidir. Ak mermerli paýtagtymyzda, ýurdumyzyň beýleki şäherleridir etraplarynda öňdebaryjy tehnologiýalar bilen üpjün edilen täze döwrebap mekdepler, çagalar baglary, döredijilik merkezleri gurulýar. Olarda okamak hem-de bilimiňi artdyrmak üçin ähli şertler döredilendir.
Halk Maslahaty: demokratiýa, döwletlilik, jebislik
Berkarar döwletiň täze eýýamynyň Galkynyşy döwründe Türken halkynyň Milli Lidei Gahryman Arkadagymyzyň döwlet gurluşyny kämilleşdirmek, halkyň ýaşaýyş derejesini ýokarlandyrmak, ykdysady kuwwaty artdyrmak boýunça öňe sürýän başlangyçlary häzirki wagtda hormatly Prezidentimiz, Arkadagly Gahryman Serdarymyzyň baştutanlygynda üstünlikli dowam etdirilýär. Milli gymmatlyklara, asylly ýörelgelere uly üns berilýär we olar döwrebap derejede ösdürilýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.