«Türkmenaragatnaşyk» agentliginde wagyz-nesihat maslahaty geçirildi
24-07-21
23-nji iýulda ýurdumyzda sanly ulgamyň gerimini giňeltmekde mynasyp goşant goşjak zehinli hünärmenleri taýýarlamak boýunça wagyz-nesihat maslahaty geçirildi
Ýakynda, «Türkmenaragatnaşyk» agentliginiň edara binasynda aragatnaşyk ulgamyny dünýäniň ösen sanly tehnologiýalary esasynda özgertmek, kompýuter ylymlary we tehnologiýanyň täze usullary bilen meşgullanýan ýaş hünärmenleri taýýarlamak boýunça alnyp barylýan işler dogrusynda, «Bagtyýar Watan» atly wagyz-nesihat maslahaty geçirildi.
Maslahata ýurdumyzyň birnäçe harby we hukuk goraýjy edaralardan myhmanlar, şeýle-de ýokary okuw mekdepleriniň mugallymlary gatnaşdy. Maslahatda Hormatly Prezidentimiziň parasatly başlangyjy bilen tassyklanan Türkmenistanda sanly ykdysadyýeti ösdürmegiň Konsepsiýasyna laýyklykda, döwlet we hususy hyzmatlarynyň hilini ýokarlandyrmak, görnüşlerini artdyrmak, edara-kärhanalaryň önümçilik işlerini we ýaşaýyş şertlerinde gündelik durmuşymyzyň wezipelerini kämilleşdirjek ugurlary boýunça ýaş hünärmenleri taýýarlamak barada maslahat edildi.
Bu meseleler göniden-göni biziň ýaş nesillerimiziň boş wagtlaryny peýdaly we gyzykly geçirmekleri bilen baglanşykly bolup durýar. Maslahatda bu babatda, Berkarar döwletimiziň bagtyýarlyk döwründe Gahryman Arkadagymyzyň taýsyz tagallalary netijesinde ýaş nesillerimiziň dünýä derejesinde bilim-terbiýe almaklary üçin ähli şertler döredilýändigi nygtalyp geçildi.
Maslahatyň dowamynda aragatnaşyk ulgamynyň wezipeleriniň çäklerinde ýaş hünärmenleriň täzeçe pikirleri we oýlap tapmalary bilen ýerli we öýjükli telefon aragatnaşygy, internet ulgamy, poçta hyzmatlary, sanly ykdysadyýet, kiberhowpsuzlygy, hemra aragatnaşygy, milli tele we radio ýaýlymlaryny ýaýratmak ulgamlaryny täze derejä çykarmak üçin amatlyklar döretmäge gönükdirilen meseleler hem ara alnyp maslahatlaşyldy.
Aýgözel ANNAMÄMMEDOWA,
«Türkmenaragatnaşyk» agentliginiň «Türkmentelekom» elektrik aragatnaşyk
kompaniýasynyň hünärmeni.
Türkmenistanyň wekiliýeti Özbegistanda geçirilýän halkara mediaforumyna gatnaşýar
Türkmenistanyň wekiliýeti Özbegistan Respublikasynyň Daşkent we Samarkant şäherlerinde 24–29-njy awgust aralygynda geçirilýän «Yslam siwilizasiýasy: täze garaýyş, täze açyşlar» atly halkara mediaforumyna gatnaşýar. Forumyň işine dünýäniň 50-den gowrak ýurdundan köpçülikleýin habar beriş serişdeleriniň, ylmy we medeni ulgamlaryň wekilleri gatnaşýarlar. Bu barada Türkmenistanyň DIM-niň web-saýtynda habar berilýär.
“elkitap” programmasy bäş dilde elektron we audiokitaplary hödürleýär
“elkitap” programmasy ulanyjylara türkmen, rus, iňlis, türk we ýakynda goşulan nemes dillerinde elektron hem-de audiokitaplary hödürleýär. Bu barada programmanyň kontent menejeri Oleg Sanjiýew Aşgabatda 19–22-nji awgust aralygynda geçirilen “Kids Expo 2026: Ähli zat çagalar üçin” halkara sergi-ýarmarkasynyň dowamynda “Business Turkmenistan” neşirine beren gürrüňdeşliginde aýtdy.
Pakistanyň işewür wekiliýeti “Aýdyň Gijeler” kärhanasynyň önümçilik işleri bilen tanyşdy
Pakistanyň işewür toparlarynyň we resmi edaralarynyň wekilleri iki ýurduň arasyndaky söwda gatnaşyklaryny pugtalandyrmak maksady bilen “Aýdyň Gijeler” kompaniýasyna iş saparyny amala aşyrdylar. Bu barada kompaniýa şenbe güni habar berdi.
Türkmenistan bilen Pakistan maglumat tehnologiýalary ulgamynda hyzmatdaşlygy ösdürer
Türkmenistanyň Pakistan Yslam Respublikasyndaky ilçihanasynda Pakistan Yslam Respublikasynyň Maglumat tehnologiýalary we telekommunikasiýalar ministrliginiň Halkara utgaşdyrma bölüminiň agzasy Muhammad Amir Maligiň ýolbaşçylygyndaky wekiliýet bilen duşuşyk geçirildi. Duşuşyk 20-nji awgustda geçirilip, onuň dowamynda taraplar maglumat tehnologiýalary ulgamynda ikitaraplaýyn hyzmatdaşlygy mundan beýläk-de ösdürmegiň mümkinçiliklerini ara alyp maslahatlaşdylar.
Astrahanda noýabr aýynda IV “Demirgazyk — Günorta” halkara forumy geçiriler
Çäräni gurnaýjylar forumyň halkara düzümini giňeltmegi meýilleşdirip, gatnaşyjy ýurtlaryň sanyny 15-den 22-ä, wekilleriň sanyny bolsa 350-den gowrak adama ýetirmegi göz öňünde tutýarlar. Çärä Russiýanyň, Eýranyň, Gazagystanyň, Türkmenistanyň, Yragyň, Owganystanyň, Türkiýäniň, Omanyň we Birleşen Arap Emirlikleriniň logistika kompaniýalarynyň wekilleriniň gatnaşmagyna garaşylýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.