“Demirýollary” AGPJ boýunça halkara bäsleşik yglan edýär
29-07-21
“Demirýollary” açyk görnüşli paýdarlar jemgyýeti gaýtadan ýolagçy we ýük wagonlary üçin ätiýaçlyk şaýlaryny we materiallary satyn almak boýunça
№ DÝ/AGPJ-015 açyk halkara tender yglan edýär
Tendere gatnaşmak isleýänler “Demirýollary” AGPJ edarasyna ýüz tutup bilerler.
- bäsleşige gatnaşmaga isleg bildirýäniň doly ady, hukuk ýagdaýy we bank rekwizitleri, şeýle hem dalaşgäriň hasaba alyş we düzgün resminamalary, ynanç haty we pasportynyň nusgasyny goşup ýazmaça görnüşde arza tabşyrmaly;
- lotuň häsiýetnamasyny we degişli tehniki talaplary almaly;
- lot üçin 575 amerikan dollary möçberde (şeýle hem 75 amerikan dollary GBS) töleg töläp hasap belgisini almaly.
Pul serişdelerini geçirmek üçin hasap belgisi ýazmaça arza tabşyrylan mahaly habar berilýär.
Bäsleşik teklipli bukjalar “Demirýollary” AGPJ-niň hasabyna pul serişdeleri geçirilenden soň seljerilip başlanýar.
Bäsleşik resminamalary iki aýratyn bukjada (tehniki we söwda teklipler) görkezilen salga ýerli wagt bilen 9.00-dan 18.00-a çenli “Demirýollary” AGPJ-niň edarasynda 1110 otagda (11-nji gat) kabul edilýär.
Tendere gatnaşmak üçin teklipler bildiriş çap edilen gününden başlap 30 iş günüň dowamynda kabul edilýär.
Habarlaşmak üçin telefonlar:
(+99312) 38-32-31; 38-31-04
Faks:
38-32-70
Türkmenistan, ş.Aşgabat, Türkmenbaşy şaýoly 7
“Türkmenistan” awiakompaniýasy Türkiýede okuw üçin talyplary kabul edýär
Türkmenistanyň milli awiakompaniýasy geljekki hünärmenlere maýa goýýar: Ankarada ýerleşýän Türkiýäniň Awiasiýa Assosiasiýasynyň Uniwersitetinde uçarmanlary taýýarlamak boýunça dört ýyllyk maksatnama üçin resminamalaryň kabul edilişi açyldy.
Bütindünýä banky Hazar deňziniň ekoulgamyny dikeltmek boýunça taslamany maliýeleşdirmegi tassyklady
Bütindünýä banky Hazar deňziniň ekoulgamyny dikeltmäge hem-de sebit ýurtlarynyň hapalanmagy dolandyrmak we biologik köpdürlüligi gorap saklamak ugurlarynda mümkinçiliklerini pugtalandyrmaga gönükdirilen ekologik başlangyjy maliýeleşdirmegi tassyklady. Bu barada “Trend” agentligi duşenbe güni habar berdi.
Türkmenistanda awtomobil gatnawlarynyň ösüş depgini ýokarlandy
Türkmenistanda ulag-kommunikasiýa toplumynda ýerine ýetirilen işleriň umumy ösüş depgini 114,1 %-e ýetdi. Bu barada Türkmenistanyň Deňiz we derýa ulaglary döwlet gullugynyň "Balkan" gämi gurluşyk we abatlaýyş zawodynyň saýtynda habar berilýär.
Lebapda ulagyň ähli görnüşleri boýunça ýük dolanyşygynyň ösüşi 3,9 göterim artdy
Ministrler Kabinetiniň Başlygynyň orunbasary Batyr Annaýew 10-njy aprelde geçirilen Hökümetiň göçme mejlisinde ýurdumyzyň ulag we aragatnaşyk toplumynyň işini kämilleşdirmegiň çäklerinde Lebap welaýatynda alnyp barylýan işler barada hasabat berdi. Bu barada "Türkmenistan: Altyn asyr" elektron gazeti habar berýär.
Geljegiň magistraly: Türkmenistanda Aşgabat – Türkmenabat ýokary tizlikli awtomobil ýolunyň gurluşygy tamamlandy
Türkmenistanda logistika ulgamynda möhüm waka bolup geçdi. Hormatly Prezidentimiz Serdar Berdimuhamedowyň gatnaşmagynda Aşgabat – Türkmenabat ýokary tizlikli awtomobil ýolunyň Mary – Türkmenabat böleginiň açylyş dabarasy geçirildi. Ýoluň işe girizilmegi paýtagtymyzy ýurdumyzyň Gündogar sebiti bilen birleşdirýän ýokary tizlikli awtomobil ýolunyň gurluşygynyň doly tamamlanandygyny alamatlandyrdy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.