Hormatly Prezidentimiziň dürli ugurlarda ýazýan eserleri ýedi ýaşdan ýetmiş ýaşa çenli adamlaryň uly höwes bilen okaýan ýan kitabyna öwrüldi. Hormatly Prezidentimiziň eserleriniň her bir çuňňur many-mazmuna ýugrulyp, terbiýeçilik ähmiýeti diýseň uly. Şeýle terbiýeçilik ähmiýetli eserleriniň biri "Ena-tagzym mukaddeslige tagzym" eseri. “Sözden başlanýan ägirtlik”, “Öý ojagyň gelşigi”, “Ene-ulus-iliň enesi, çäksiz hormat eýesi”, “Ene-döwletlilik”  diýen dört baby özinde jemleýän bu eser türkmen, iňlis, rus dillerinde neşir edilmegi diňe bir öz ýurdymyzda däl-de eýsem dünýäniň onlarça ýurdynda okyýjylarynyň köpdigini aňladýar.

Aýratynda bu eser Watanymyzyň gelejegi bolan ýaş nesillerimizi ata Watana, öý-ojaga wepaly bolup ýetişmekliginde terbiýeçilik ähmiýeti örän ulydyr. Kitapda Ogulabat ejeniň ogluna berýän öwüt ündewleri, uzak ýollara gidende edýän ýagşy arzuw niýetleri, rowaýatlarbeýan edilýär. Kitapda beýan edilýän her bir jümleler biz ýaşlara işimizde, durmuşymyzda görelde mekdebi bolup durýar. Hormatly Prezidentimiziň şeýle sözleri bar, - Howlymyzyň bir çetinte ullakan tamdyr bardy. Ejemjan günaşa diýen ýaly tamdyrda çörek ýapýardy. Her gezek hem gyzgynjak çörekden goňşularymyza paýlaýardy. Şonda kiçi uýamyň eline bitin çöregi berip, ýarty çöregi hödür etmegiň türkmençilikde halanylmaýandygyny gürrüň berýärdi. Hödür eden ýarty çöregiň – ýarty rysgalyň, bitin çöregiň – bitin rysgalyň. Şonuň üçinem rysgalyňy bölmeli däl, bitinligine berseň, uly rysgal saňa gaýdyp geler. “Ber, bereketiň artar!” diýilmeginiň manysyny düşündirýärdi.... diýen täsirli nesihatlaryny  okamak bolýar. Şeýle pähim-paýhasa baý milli Liderimiziň ajaýyp kitabynyň höwri köp bolsun.

Gülhumar HOJAHMETOWA,
Türkmenistanyň Agrar  partiýasynyň Daşoguz welaýatynyň  Köneürgenç  etrap  komitetiniň  hünärmeni.