«Sanly çözgüt 2021»
16-08-21
Berkarar döwletimiziň bagtyýarlyk döwründe Hormatly Prezidentimiziň baştutanlygynda ähli ulgamlar boýunça başarnykly we tejribeli hünärmenleri, esasanda häzirki tehnologiýa döwrüniň talaplaryna laýyk gelýän IT tehnologiýalardan baş alyp çykýan türkmen ýaşlaryny kemala getirmek üçin döwrebap bilim we innowasiýa usullaryny özünde jemleýän şertler döredilýär.
Gahryman Arkadagymyzyň öňdengörüjilikli, durnukly ösüş syýasatynyň dabaralanmagy bilen sanly ykdysadyýeti ösdürmegiň Konsepsiýasyna laýyklykda, soňky birnäçe ýylyň dowamynda ýurdumyzda kompýuter ylymlary we tehnologiýanyň innowasiýa usullary bilen meşgullanýan ýaşlary höweslendirmek maksady bilen, «Türkmenaragatnaşyk» agentligi tarapyndan her ýyl, «Sanly çözgüt» atly innowasion taslamalaryň bäsleşigi geçirilýär.
Şu ýyl hem, «Sanly çözgüt 2021» atly innowasion taslamalaryň bäsleşigi yglan edildi. Innowasion oýlamalar bilen meşgullanýan zehinli ýaşlar tehnologiki amatlyklary durmuşa ornaşdyrmak maksady bilen täze oýlanmalar esasynda düzülen programma üpjünçilikleri bilen bu bäsleşige gatnaşyp bilerler.
Bäsleşigiň ugurlary:
– saglygy goraýyş
– ylym we bilim
– senagat
– ulag we kommunikasiýa
– hyzmatlar ulgamy
– orta we kiçi telekeçilik
– akylly şäher
– robototehnika
Bäsleşigiň ugurlary boýunça ýurdumyzyň ähli fiziki we ýuridiki şahslary aragatnaşyk ulgamy boýunça amatlyklary düzmek we işläp taýýarlamak, robototehnikalar bilen durmuşymyza täze ýeňillikler girizmek ýaly şertlere esaslanyp, özleriniň täze programma üpjünçilikleri we innowasion oýlap tapmalaryny bäsleşige hödürläp bilerler.
Bäsleşigiň ugurlary boýunça ýeňiji bolan ýaşlara gymmat bahaly sowgatlar we diplomlar gowşurylar. Bäsleşige degişli maglumatlary almak we bäsleşige gatnaşmak telecom.tm internet saýtynda amala aşyrylýar. 2021-nji ýylyň 1-nji oktýabryna çenli bäsleşige gatnaşmak isleýänleriň teklipleri kabul edilýär.
«Sanly çözgüt 2021» atly innowasion taslamalaryň bäsleşigi döwrebap tehnologiýalar bilen utgaşykly milli ýörelgelerimiz esasynda sanly ulgama geçmekligiň strategiki pikirlerini we gelejege bolan garaýyşlaryny durmuşa geçirmegiň özenini beýan edýär.
Aýgözel ANNAMÄMMEDOWA,
«Türkmenaragatnaşyk» agentliginiň «Türkmentelekom» elektrik aragatnaşyk
kompaniýasynyň hünärmeni.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.