ŞALYŇ IDEGI ÝETIRILÝÄR
24-08-21
Türkmenistan parahatçylygyň we ynanyşmagyň Watany ýylynda şanly Garaşsyzlygymyzyň 30 ýyllyk toýy ulydan toýlanýar. Ýurdymyzyň bu baş baýramyna özleriniň zähmet sowgatlary bilen barmagy maksat edinýän Saparmyrat Türkmenbaşy etrabynyň şaly kärendeçileri 8100 gektar ýerden 35000 tonna şaly hasylyny öndürmegi göz öňünde tuty, her bir agrotehniki çäreleri ýokary hil derejesinde berjaý edýärler, şalynyň kadaly ösüşini gazanýarlar.
Şaly meýdanlara ideg etmekde S.A.Nyýazow adyndaky daýhan birleşiginiň kärendeçileri aýratyn tapawutlanýar. Hojalykda şu ýyly 4750 gektar ýere şalynyň biziň toprak howa şertlerimize oňat uýgullaşan görnüşleri ekilip, birtekiz kadaly gögeriş gazanyldy. Şonça gektar ýere daýhançylykdan baý iş tejiribe toplan kärendeçileriň 416-sy eýeçilik edip, olaryň her biri özleriniň gatnaşmagyndaky şaly meýdanlaryň idegini kemsiz berjaý edýärler. Şaly ekini köp suwy talap edýär. Şaly meýdanlaryna suwyň talabalaýyk tutulşyna daýhan birleşiginiň miraby Amanmyrat Hojaýew berk gözegçilik edip, her bir damjasy altyna deňelýän suwy tygşytly ulanmaga, rejeli peýdalanmaga çalyşýar.
Häzirki wagtda şaly meýdanlary goşmaça mineral dökünler bilen iýmitlendirýärler. Hapa-haşal otlardan goramak işlerini dowam etdirýärler. Ideg işleri kemsiz berjaý edilen şaly meýdanlary synlanyňda bol hasylyň kemala geljegine bolan ynamyň artýar. Göreldeli kärendeçilerden Meretgeldi Öräýew, Meretdurdy Amanow, Nurýagdy Gurbangylyjow, Güýçmyrat Garlyýew dagylary görkezmek bolar. Bu kärendeçileri görelde edýän hojalygyň beýleki şaly kärendeçileri hem her bir agrotehniki çäreleri öz wagtynda ýerine ýetirmäge çalyşýarlar. Munuň özi bol şaly hasylynyň kemala gelip, azyk bolçylygynyň döredilmegine uly mümkinçilik berer.
Döwletgeldi SAPAROW,
Türkmenistanyň Agrar partiýasynyň Daşoguz welaýatyny
S.Türkmenbaşy etrap komitetiniň buhgalteri.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.