Sanly ulgama täze gadam
24-08-21
Gahryman Arkadagymyzyň ýurdumyzda iň kämil tehnologiýalary ornaşdyrmak barada beren tabşyryklaryndan ugur alyp, «Türkmenaragatnaşyk» agentligi tehnologiýa döwrüniň bäsleşige ukyply innowasiýa ösüşlerini ýurdumyzyň durmuş we ykdysady şertlerine ornaşdyrýar.
Häzirki wagtda, «Türkmenaragatnaşyk» agentliginiň «Aşgabat şäher telefon ulgamy» ÝGPJ-ti tarapyndan Aziýanyň merjen şäheri diýlip ykrar edilen, Aşgabat şäheriniň Çoganly ýaşaýyş toplumynyň täze 140 sany 2 gatly ýaşaýyş jaýlaryna, 11-nji kiçi etrapçasynyň we 16-njy tapgyryň ýaşaýyş jaý toplumlaryna, Büzmeýin etrabynyň täze ýaşaýyş jaý toplumlaryna GPON tehnologiýasy ornaşdyryldy. GPON tehnologiýasynyň optiki kabelleri müşderileriň öýlerine çenli gurnalýar we olar optiki ONT terminallaryna birikdirilýär.
Bu bolsa, müşderilere durnukly signally we ýokary derejeli maglumat geçiriji internet hyzmatlaryndan, ýokary hilli IP telewideniýe, öý telefon hyzmatlary we dürli aragatnaşyk ulgamynyň ygtybarlylygyny üpjün edýän telekommunikasiýa hyzmatlaryndan giňden peýdalanmaga mümkinçilik berýär.
Döwrebap tehnologiýalaryň ýurdumyza giň gerim bilen tapgyrma-tapgyr ornaşdyrylmagy we enjamlaşdyrylyp ulanyşa girizilmegi, durmuş ýagdaýlarynda we jemgyýetçilik işlerinde oňyn netijelerini berýär. Şunuň bilen baglylykda, milli ykdysadyýetimizi döwrebap ýol bilen ösdürmek, elektron senagatyny ýokarlandyrmak maksady bilen sanly ulgamy ornaşdyrmak boýunça Hormatly Prezidentimiz tarapyndan öňde goýulan wezipeler üstünlikli amala aşyrylýar.
Aýgözel ANNAMÄMMEDOWA,
«Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň hünärmeni.
Türkmenistanda kiberhowpsuzlyk boýunça hyzmatdaşlyk etmek Maksatnamasy taýýarlanar
Ministrler Kabinetiniň Başlygynyň orunbasary, daşary işler ministri R.Meredow Türkmenistanyň sanly ulgamdaky halkara hyzmatdaşlygyny ösdürmek boýunça ýerine ýetirilýän işler barada hasabat berdi. Şunuň bilen baglylykda, döwlet Baştutanymyzyň garamagyna birnäçe teklipler hödürlenildi.
Türkmenistanyň ulag mümkinçilikleri Rumyniýada tanyşdyryldy
2024-nji ýylyň 18-nji sentýabrynda Türkmenistanyň Rumyniýadaky ilçihanasynyň binasynda “Ulag diplomatiýasy: Türkmenistan we Rumyniýa – Aziýanyň we Ýewropanyň birleşmesi” atly tegelek stol geçirildi. Çärä Rumyniýada ulag we infrastruktura ministrligiň Döwlet sekretary Adrian Jorj Fogiş, şeýle hem Rumyniýada akkreditlenen diplomatik wekilhanalaryň ýolbaşçylary gatnaşdylar.
Daşoguz welaýatynda aragatnaşyk pudagynyň täze döwrebap edara binalary açyldy
18-nji sentýabarda şanly Garaşsyzlygymyzyň 33 ýyllyk baýramynyň öňüsyrasynda Döwlet Baştutanymyzyň bagtyýar döwrümiziň badyna tizlik berýän başlangyçlary bilen, Daşoguz welaýatynyň Akdepe etrabynyň Andalyp şäherinde aragatnaşyk pudagynyň işgärleri üçin niýetlenen, ähli amatlyklary bolan täze döwrebap 2 gatly edara binasynyň hem-de kömekçi binalaryň açylyş dabarasy geçirildi.
Türkmenbaşy Halkara deňiz portunda «Liebherr» kompaniýasynyň hyzmat merkezini döretmek teklip edildi
Merkezi Aziýa döwletleriniň Baştutanlarynyň Germaniýa Federatiw Respublikasynyň Federal Kansleri Olaf Şols bilen Gazagystanyň paýtagtynda geçirilýän ikinji duşuşygyna gatnaşan hormatly Prezidentimiz Serdar Berdimuhamedow german işewür toparlarynyň wekilleri bilen duşuşdy.
Hormatly Prezidentimiz: Merkezi Aziýa sebitiniň we Germaniýanyň arasynda ykdysady gatnaşyklaryň uly geljegi bar
Hormatly Prezidentimiz Serdar Berdimuhamedow Astana şäherinde geçirilen «Merkezi Aziýa – Germaniýa» sammitindäki çykyşynda ykdysadyýeti Merkezi Aziýanyň ýurtlarynyň we Germaniýa Federatiw Respublikasynyň hyzmatdaşlygynyň ileri tutulýan ugry hökmünde görkezdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.