Türkmen halkynyň akyldar söz ussady Magtymguly Pyragynyň “Saglygyň gadryn bilgil – hassa bolmazdan burun” diýen setirlerini özine esas eden hormatly Prezidentimiz halkymyzyň saglygy barada uly işleri amala aşyrýar. Hormatly Prezidentimiziň tabşyrygy bilen indi ençeme ýyllardan bäri her ýylyň sentýabyr aýynda “Ýol hereketiniň howpsyzlygy-ömrümiziň rahatlygy” ady bilen biraýlygyň geçirilmegi hem halkyň saglygyny hemme zatdan ileri goýýandygynyň aýdyň subutnamasydyr.

“Ýol hereketiniň howpsyzlygy ömrimiziň rahatlygy” ady bilen geçirilýän bu çäraniň ýylyň ýylyna geçirilmegi ilatymyzyň hususanda Watanmyzyň röwşen gelejegi bolan ýaş nesillerimiziň saglygyny gorap saklamakda juda ähmiýetlidir.  Çünki bu aýda Watanmyzyň ertiki eýeleri bolan ýaş nesillerimiz umumy bilim berýän orta mekdeplere, ýörite orta we ýokary okuw jaýlaryna okuwa  başlamagy şunuň bilen baglylykda ýollarda dürli awtoulaglaryň, piýada ýolagçylaryň gatnawynyň köpelmegi bilen berk baglanşykly. Polisiýanyň ýol gözegçilik gullygynyň işgärleri, jemgyýetçilik guramalaryň wekilleri bilen bilelikde jemgyýetçilik ýerlerinde,  çagalar bagynda, orta mekdeplerde wagyz-nesihat düşindiriş işleri geçirilýär. Ýaşlarmyzyň arasynda  geçirilýän bu wagyz-nesihat işlerinde ýol hereketiniň kadalaryny, ýollarda geçelgelerde öziňi alyp barmagyň düzginlerini berjaý etmek barada anyk mysallar, widio şekilli görkezmeler arkaly düşindirilýär.   Şeýle hem çgalar bagynda, orta mekdeplerde ýol hereketleriniň düzginlerini berk berjaý etmek bilen bagly görkezme diwarlyklar, görkezme esbaplar goýulýar. Şular ýaly alnyp barylýan işler öziniň guwandyryjy netijelerini berer.

“Saglygym begligim”, “Sag başym soltan basym”,”Saglyk baýlyk” ýaly gyzyldan gymmatly jumleleri ata babalarymyz bize miras goýup gidipdir. Bu parasatly sözleri özimize ýörelge edinip öz saglygymyzy gorap saklamagymyz, köçe ýol hereketlerini pugda berjaý etmegimiz gerek. Ýollarda hereket edýän sürjiler ýolagçylar deň derejede sazlaşykly hereket etseler ýollarymyzyň asuwda bolmagyny üpjin eder. Saglyk bahasyz baýlyk. Saglygymyzyň gadryny bilip,  köçe ýol hereketleriniň kadalaryny berk berjaý edeliň. Şunda biziň ählimiz özimiziň şeýle hem daş-töwerekdäki adamlaryň saglygyny gorap sakladygymyz bolar.

Saglygym baş baýlygym diýen ynsanper ýörelgäni durmuşa ornaşdyryýan, halkymyzyň saglygyny üpjin edýän, her bir raýatymyzyň asuda parahat durmuşda ýaşamagy üçin ähli şertleri döredip berýän hormatly Prezidentimiziň jany sag, ömri uzak, belent başy aman bolsun. Durmuşa geçirýän ähli tutymly işleri mundanam beýläk rowaç alsyn.

Gülhumar HOJAHMETOWA, 
Türkmenistanyň Agrar  partiýasynyň  Daşoguz welaýatynyň  Köneürgenç  etrap  komitetiniň  hünärmeni.