Mähriban Halkymyzyň asuda ýaşamagynyň, döretmeginiň we gurmagynyň, ösüşleriň ýolunda has belent sepgitlere ýetmeginiň baş şerti bolan mukaddes Garaşsyzlygymyzyň toýy golaýlap gelýär. Özygtyýarlyk, erkinlik, asudalyk, parahatlyk, şu jümleleriň ählisi “Garaşsyz” diýen nurana sözden gözbaş alýar. Ýurt Garaşsyz bolanda, öz ygtyýarlyklaryny özi kesgitläp bilýär. Garaşsyz döwletiň raýatlary erkin, asuda durmuşda erkana ýaşaýar.

     Türkmen Garaşsyzlygy hem hut şu ýörelgelerden binýat alýar. Halkymyzyň Garaşsyzlygy merdana  ata-babalarymyzyň döwletlilik, öz ykbalyňy özüň kesgitlemek, abadan-asuda durmuşda ýaşamak ýaly mukaddes arzuw isleglerinden kemala gelendir. Arzuwlar beýik maksatlara öwrülende amala aşýar. Garaşsyzlyk türkmen halkynyň beýik maksatlarynyň durmuş ýüzünde amala aşmasydyr.

1991-nji ýylyň altyn güýzünde gazanylan Garaşsyzlyk halkymyzyň parahatsöýüjilik ýörelgesini dünýäde dabaralandyrmaga ýardam eden mukaddeslikdir. Türkmenistan hut Garaşsyz döwlet derejesine eýe bolandan soň, öz maksatlaryny, ýörelgelerini dünýä bileleşiginde aýan etmäge mümkinçilik gazandy. Halkara gatnaşyklarynyň doly hukukly subýekti hökmünde Garaşsyz Türkmenistan dünýä döwletleri, şol sanda abraýly halkara guramalary bilen hyzmatdaşlygyň ilkinji binýadyny goýdy. Dünýäniň iň abraýly halkara guramasy bolan Birleşen Milletler Guramasynyň agzalygyna kabul edilen ýurdumyz daşary syýasatda öz alyp barjak ugruny anyk beýan etmäge mümkinçilik aldy. Döwletimiziň beýleki ýurtlaryň içerki işlerine gatyşmazlyk, parahatçylygyň tarapdary bolup çykyş etmek ýaly belent ynsanperwer syýasaty bitaraplyk ýörelgesinde öz beýanyny tapdy. Halkara giňişliginde maksatlaryny beýan edip, öz ornuny pugta berkiden döwlet üçin ykdysady özgertmeleri geçirmek, ýurduň içerki ösüşini üpjün etmek möhüm wezipeleriň biridir. Ykdysadyýet  ähli ösüşleriň gözbaşydyr. Garaşsyzlygyň ilkinji ýyllaryndan ýurdy durmuş-ykdysady taýdan ösdürmek üçin edilen tagallalar Türkmenistanda bazar ykdysadyýetiniň şertlerine geçmäge mümkinçilik döretdi. Halkyň milli ýörelgelerinden, aňyýetinden ugur alyp ewolýusion esasda amala aşyrylýan bazar ykdysadyýeti boýunça özgertmeler öz oňyn netijelerini berdi. Garaşsyzlyk türkmen ykdysadyýetiniň galkynyşlarynyň gözbaşydyr.

Hormatly Prezidentimiziň belleýşi ýaly, türkmenistanlylaryň ýaşaýyş şertlerini gowulandyrmak, ýaşaýyş-durmuş üpjünçilik ulgamlaryny yzygiderli kämilleşdirmek meseleleri hemişe aýratyn üns merkezinde saklanýar. Ýurdumyzyň raýatlaryna gozgalmaýan emläk üçin ýeňillikli karz serişdeleri berilýär. Bu bolsa şäherlerimiziň we obalarymyzyň ilaty üçin ähli amatlyklary bolan ýaşaýyş jaýlarynyň elýeterli bolmagyny üpjün edýär. Şonuň netijesinde we ýaşaýyş jaýlarynyň gurluşygynyň has-da giň gerime eýe bolmagy bilen her ýylda maşgalalaryň müňlerçesi ajaýyp ýaşaýyş jaýlaryna göçüp barýarlar.

Garaşsyz hem Bitarap Türkmenistan döwletimiz dünýäde ähli ugurlar boýunça sazlaşykly ösýän kuwwatly döwletleriň biri hökmünde ornyny mäkäm pugtalandyrdy. Ýurdumyzy hemmetaraplaýyn ösdürmek ykdysadyýetimiziň beýleki ulgamlary bilen bilelikde ylym-bilim ulgamynyň hem yzygiderli kämilleşdirilmegini möhüm wezipeleriň biri höküminde öňe çykarýar. Garaşsyzlyk  ýyllary içinde ýurdumyzda iň täze kompýuterler, okuw-tehniki enjamlary, interaktiw multimediýä tehnologiýalary bilen üpjün edilen orta, ýörite orta, ýokary okuw mekdepleriniň döwrebap binalary, çagalar baglary we çagalar sagaldyş dynç alyş merkezleri gurlup, ulanylmaga berildi. Garaşsyzlyk türkmen  ylym-biliminiň hemmetaraplaýyn ösmegidir. Hormatly Prezidentimziň parasatly baştutanlygynda ata Watanymyz häzirki döwürde dünýä hojalyk ulgamyna işjeň goşulýan, ykdysady taýdan kuwwatly döwlete öwrüldi. Ýurdumyzyň  durnukly ösmegini üpjün etmek bolsa  döwlet syýasatymyzyň esasy özenini düzýär.

Ber­ka­rar döw­le­ti­mi­ziň bag­ty­ýar­lyk döw­rün­de ýurdumyzyň ok­gun­ly ös­ýän halk hoja­lyk top­lu­my dün­ýä­niň we ýur­du­my­zyň öň­de­ba­ry­jy tej­ri­be­si­ni öw­ren­mek hem-de ýoka­ry teh­no­lo­gi­ýa­la­ry or­naş­dyr­mak ar­ka­ly in­no­wa­si­ýa ösü­şi­ne gönükdiri­len­dir. Milli Liderimiz Gurbanguly Berdimuhamedowyň baştutanlygynda ýurdumyzda ulag-kommunikasiýa ulgamynyň maddy-enjamlaýyn, guramaçylyk binýadyny kämilleşdirmäge, ozal hereket edýän ugurlarynyň gerimini giňeltmäge we täzelerini döretmäge gönükdirilen uzakmöhletli milli maksatnamalar işlenip taýýarlanylýar we üstünlikli durmuşa geçirilýär. Bu bolsa halk ho­ja­lyk top­lu­my­nyň in­no­wa­si­ýa ösü­şi, hususyýetçiligiň di­wer­si­fi­ka­si­ýa­laş­dy­ryl­ma­gy, mil­li yk­dy­sa­dy­ýe­ti­mi­ziň kuw­wa­ty­nyň artdyrylma­gy, hal­ky­my­zyň dur­muş de­re­je­si­niň yzy­gi­der­li ýo­kar­lan­dy­ryl­ma­gy ählumumy ykdysady gi­ňiş­lik­de ýur­du­my­zyň or­nu­nyň ber­ki­dil­me­gi bilen aýrylmaz baglanyşyklydyr.

Ýur­du­my­zyň halk ho­ja­lyk top­lu­my­nyň in­no­wa­sion ösü­şi, hususy pudagyň barha giňeldilmegi milli ykdysadyýetimiziň özenini tutýar. Türk­me­nis­tan hal­ka­ra ulag-üs­ta­şyr ge­çel­ge­le­ri­niň hem-de mul­ti­mo­dal ýol­la­ry­nyň dö­re­dil­me­gin­de iş­jeň sy­ýa­sa­ta ygrarlylygy­ny gör­kez­ýär. Hä­zir­ki wagt­da ýur­du­myz hor­mat­ly Pre­zi­den­ti­miziň oňyn daşary sy­ýa­sa­ty ne­ti­je­sin­de se­bi­tiň örän mö­hüm ulag ge­çel­ge­si­ne, iri hal­ka­ra lo­gis­ti­ka mer­ke­zi­ne öw­rül­ýär. Döw­let Baş­tu­ta­ny­myz da­şa­ry döw­let­ler bi­len öza­ra gat­na­şyk­lar boýun­ça mö­hüm tek­lip­le­ri öňe sür­ýär hem-de ola­ry iş ýü­zün­de dur­mu­şa ge­çir­mek boýunça yzy­gi­der­li çä­re­le­ri gör­ýär. Ila­ta ýo­ka­ry hil­li we el­ýe­ter­li ulag-kommunikasiýa hyz­mat­la­ry­nyň hö­dür­le­nil­me­gi ýur­du­my­zyň yk­dy­sa­dy­ýe­ti­niň üs­tün­lik­li ösüşi­niň möhüm bö­le­gi bo­lup dur­ýar. Hormatly Prezidentimiz Gurbanguly Berdimuhamedowyň döwlet dolandyryşyny kämilleşdirmek hem-de ykdysadyýetiň innowasiýa häsiýetli ösüşi boýunça kabul eden kararlary esasynda uly itergä eýe bolan özgertmeleriň - ulag we kommunikasiýa ulgamynda özgertmeleriň ýene bir ugrudyr, bu ulgamdaky özgertmeler ýurdumyzyň bäsdeşlige ukyply, berk ykdysady kuwwatynyň hem-de aň-paýhas mümkinçilikleriniň kemala gelmegi üçin ygtybarly binýat bolup durýar.

Ulag we kommunikasiýalar ýaly geljegi uly bolan ugurlarda işjeň halkara hyzmatdaşlygy dünýä ykdysadyýetiniň umumylaşýan häzirki şertlerinde goşulyşmagyň aýrylmaz bölegi bolup durýar, bu bolsa köpugurly hem-de howpsuz halkara ulag düzüminiň kemala getirilmegini talap edýär diýip, döwlet Baştutanymyz Gurbanguly Berdimuhamedow belleýär.

“Ýedi ýoluň çatrygy” diýlip atlandyrylan Türkmenistanyň çäginden gadymy döwürlerde Beýik Ýüpek ýoly geçipdir. Ol Aziýany we Ýewropany söwda hem-de medeni gatnaşyklar bilen baglanyşdyrypdyr. Yklymara ýollaryň çatrygynda ýerleşýän ýurdumyz häzirki döwürde hem adamzat ösüşinde uly ähmiýete eýe bolan bu meşhur ýoly täze taryhy şertlerde gaýtadan dikeldýär.

Döwlet Baştutanymyzyň oňyn strategiýasynyň durmuşa geçirilmegi netijesinde Türkmenistan sebit we yklym ähmiýetli möhüm ulag hem-de logistika merkezi hökmünde eýeleýän ornuny pugtalandyrýar. Hormatly Prezidentimiz Gurbanguly Berdimuhamedowyň ýurdumyzyň ulag ulgamynyň dünýäniň ulag ulgamyna yzygiderli goşulyşmagyny üpjün etmek, Gündogar — Günbatar we Demirgazyk — Günorta ugurlary boýunça milli düzümi giňeltmekde öňde goýan wezipelerini çözmek babatda netijeli çäreler görülýär. Munuň özi ýük daşalmagyny we ýolagçy gatnadylmagyny has-da işjeňleşdirmäge, olaryň ugurlaryny diwersifikasiýalaşdyrmaga ýardam etmelidir.

Berkarar döwletimiziň bagtyýarlyk döwründe her güni taryhy wakalara beslenýän gözel Diýarymyz gün-günden begençli habarlaryň, täze özgerişleriň mekanyna öwrüldi. Gahryman Arkadagymyzyň başlangyjy boýunça ýurdumyzda ýaýbaňlanan özgertmeleriň çäklerinde ulag düzüminiň düýpli we toplumlaýyn ösdürilýändigi buýsançlydyr. Sebitde parahatçylygy, durnuklylygy we howpsuzlygy berkitmegiň, ählumumy durmuş-ykdysady ösüşi üpjün etmegiň biziň milli Liderimiziň başlangyçlary bilen amala aşyrylýandygyny bütin dünýä mälimdir.

Garaşsyzlyk  ýyllary içinde ýurdumyzda ulag hyzmatlarynyň ösdürilmeginde raýat awiasiýasy möhüm orunlaryň birini eýeleýär. Häzirki döwürde ýolagçylara ýokary hilli we medeniýetli hyzmat etmek milli raýat awiasiýamyzyň esasy wezipeleriniň biri bolup durýar. Bu wezipeleriň aýdyň çözülmeginde täze halkara we ýerli howa menzilleriniň, howa gatnaw ugurlarynyň açylmagy möhüm ähmiýete eýedir. Hormatly Prezidentimiziň hemmetaraplaýyn goldawy netijesinde Türkmenistan soňky ýyllarda iri halkara ulag merkezleriniň biri hökmünde ykrar edilýär.

Türkmenistan raýat awiasiýasy ulgamynda işleri kadalaşdyrýan halkara konwensiýalar boýunça öz üstüne alan borçnamalaryny üýtgewsiz ýerine ýetirýär, howa gämileriniň hem-de howa menzilleriniň howpsuzlygy, uçarmanlaryň hem-de ýerüsti işgärleriň ýokary taýýarlykly düzümini kemala getirmek boýunça halkara talaplaryny berk berjaý edýär

Hormatly Prezidentimiz Gurbanguly Berdimuhamedowyň baştutanlygynda ýurdumyzda raýat awiasiýasynyň maddy-enjamlaýyn binýadyny kämilleşdirmek, onuň düzümini uçarlar bilen ýetirmek, pudak üçin ýokary hünärli hünärmenleri taýýarlamak, täze howa menzillerini gurmak we durkuny täzelemek boýunça giň gerimli işler alnyp barylýar. “Türkmenistan parahatçylygyň we ynanyşmagyň Watany” ýylynyň eşret nuruny boldan eçilýän günlerinde hormatly Prezidentimiziň gojaman daglary ýakalap oturan Balkan welaýatynyň Jebel şäherçesinde täze Halkara howa menziliniň düýbüni tutmagy milli raýat awiasiýamyzy ösdürmekde möhüm ädim boldy. Aşgabat, Türkmenbaşy, Türkmenabat hem-de Kerki şäherlerinde gurlup ulanylmaga berlen Halkara howa menzillerinden soňra, bu desga ýurdumyzda guruljak bäşinji Halkara howa menzili bolar. Sagatda 100 ýolagça hyzmat etmäge niýetlenen täze Halkara howa menzili toplumynyň potratçysy bäsleşik esasynda kesgitlener 200-e golaý işgär işlejek täze Halkara howa menziliniň umumy meýdany 275 gektara barabar bolup, taslamanyň düzüminde birnäçe binalardyr desgalar göz öňünde tutulandyr. Olaryň hatarynda ýolagçy we ýük terminallaryny, howa hereketini dolandyryş diňini, halas ediş hem-de ýangyna garşy göreş gulluklarynyň binasyny görkezmek bolar. Bu ýerde uzynlygy 3 müň 200 metr bolan döwrebap uçuş-gonuş zolagy, iki öwrüm ýollary, alty howa gämisine hem-de dört dikuçara niýetlenen meýdança hem gurlar. Ýöriteleşdirilen aerodrom we howa gämilerine ýerüsti hyzmat ediş gulluklarynyň binalary, jemi 15 sany esasy desga bina ediler. Uçarlara ýerüsti hyzmatlary ýerine ýetirmek üçin täze Halkara howa menzilini dürli görnüşli 45 sany ýöriteleşdirilen ýerüsti tehnikalar bilen üpjün etmek hem göz öňünde tutulýar.

Mälim bolşy ýaly, Türkmenistanyň çäk taýdan örän amatly sebitara gatnaw ýollarynyň çatrygynda ýerleşmegini hem-de bu ulgamda bar bolan kuwwaty nazara almak bilen, halkara ölçeglere laýyk gelýän we ulaglaryň ähli görnüşlerini, şol sanda howa ulagyny özüne birleşdirýän multimodal üstaşyr ulag düzümini ösdürmek Garaşsyz, baky Bitarap Watanymyzyň döwlet syýasatynyň ileri tutulýan ugurlary hökmünde kesgitlenildi. Soňky ýyllarda ýokary depginler bilen ösýän ýurdumyzyň raýat awiasiýasy, Türkmenistanyň esasy pudaklarynyň derejesine çykdy. Dünýä ýüzünde höküm sürýän pandemiýa döwrüniň kynçylyklaryna garamazdan, ýurdumyzyň raýat awiasiýasy pudagynyň işgärleri “Türkmenistanyň durmuş-ykdysady ösüşiniň 2011-2030-njy ýyllar üçin Milli maksatnamasynda” öňde goýlan wezipeleri ýerine ýetirip, ýolagçy gatnatmak we ýük daşamak boýunça wezipelere abraý bilen hötde gelýärler. Bu gün düýbi tutulan we ýene-de üç ýyldan ulanylmaga beriljek döwrebap howa menzilinde dürli kysymly howa gämileriniň uçup-gonmagy üçin ähli mümkinçilikler dörediler. Bu Halkara howa menzili toplumy berkarar döwletimiziň raýat awiasiýasynyň maddy-enjamlaýyn binýadyny düýpli pugtalandyrmakda möhüm ähmiýete eýe bolar. Ol howa ulaglary arkaly ýolagçylary gatnatmagyň we ýükleri daşamagyň möçberlerini artdyrmakda, ýurdumyzy ykdysady taýdan has-da ösdürmekde, halkymyza döwrüň talaplaryna laýyk hyzmat etmekde wajyp orny eýelär.

Hormatly Prezidentimiziň belleýşi ýaly, Garaşsyzlyk bahasyny hiç zat bilen ölçäp bolmajak beýik düşünjedir, döwletimiziň mizemezliginiň, halkymyzyň agzybirliginiň we jebisliginiň müdimi binýadydyr. Bu beýik hem-de çuň manyly sözde ata-babalarymyzyň erkin, özygtyýarly, abadan hem-de bagtyýar durmuşda ýaşamak baradaki iň süýji arzuw-maksatlary, eziz Diýarymyzyň şanly geçmişi, şu güni hem-de beýik gelejegi jemlenmegidir. Garaşsyzlyk türkmen halkynyň ykbalyna şamçyrag bolan nurana güneşdir, arzuwdyr maksatlary hasyl edýän gudratdyr, şu güniň ýaňy, bagtly ertirleriň buşlukçysydyr.

«Türkmenistan – parahatçylygyň we ynanyşmagyň Watany» ýylynda hormatly Prezidentimiziň ýolbaşçylygynda taryhyň gatlaryna altyn harplar bilen ýazyljak möhüm syýasy wakalar, ykdysady ösüşler, agzybirlik, parahatçylyk, medeniýetde we sungatda gülläp ösüşler, senagatda, oba hojalygynda, ylymda, bilimde, saglygy goraýyşda hem-de sportda rowaçlyklara beslenjek üstünlikler köp bolar. Bizi ak ýollar bilen röwşen geljege alyp barýan Gahryman Arkadagymyza hoşallygymyzyň çägi ýokdur.

Goý, Arkadagly ýurdumyzyň Garaşsyzlyk, Bitaraplyk, parahatçylyk söýüjilik, hoşniýetli goňşuçylyk, dost-doganlyk ýörelgelerini öňe sürýän kuwwatly we abadan döwlet hökmünde dünýäniň syýasy giňişligindäki abraýy has-da artsyn!

Goý, türkmen halkynyň Garaşsyzlyk bagty öz miwelerini hemişe sahylyk bilen eçilsin! Garaşsyzlyk gudraty döwletimizi mundan beýläk hem şan-şöhrata beslensin! Döwletimiziň hem jemgyýetimiziň  at-abraýyny belende göterýän mähriban Arkadagymyzyň jany sag, il-ýurt bähbitli işleri hemişe rowaç bolsun!

Hajymämmet NYÝAZGELDIÝEW,
Türkmenistanyň Inžener-tehniki we ulag kommunikasiýalary institutynyň
Howa ulagynyň ulanylyşy kafedrasynyň mugallymy.