Mülkdar bilen duşuşyk
07-09-21
Türkmenistanyň Agrar partiýasynyň Köneürgenç etrap komiteti we etrabyň beýleki jemgyýetçilik guramalary häzirki wagtda etrabymyzyň daýhan birleşiklerinde bolup kärendeçi ýer eýeleri bilen iş üstünde duşuşýarlar, olaryň armasynyny ýetirip, meýdan işleriniň alnyp barylşy barada pikir alyşýarlar. Golaýda Köneürgenç etrabynyň Akgala daýhan birleşiginiň kärendeçileri bilen iş üstünde duşuşylyp, olaryň oba hojalyk ekinleriniň ideg işleriniň ýerine ýetirişi barada piki alşyldy.
Mälim bolşy ýaly Akgala daýhan birleşigi etrabymyzda iň iri hojalyklarynyň biri bolup, öňdebaryjy daýhan birleşikleriň hatarynda tanalýar. Daýhan birleşikde ençeme ýyldan bäri daýhançylyk bilen meşgurlanýan oba hojalyk ekinlerinden bol hasyl alyp, ýurdymyzyň azyk bolçylygyna mynasyp goşandyny goşýan kärendeçiler näçe diýseň bar. Olar özleriniň päk zähmetleri bilen her ýyly oba hojalyk ekinleriniň dürli görnüşlerinden bol hasyl alyp bazar bolçylygynyň döredilmegine saldamly goşantlaryny goşýarlar.
Hormatly Prezidentimiz ilatymyzy hut öz topragymyzda ösdürilip ýetişdirilen oba hojalyk önümleri bilen ygtybarly üpjin etmek boýunça oba hojalykçylaryň öňlerinde möhüm wezipeleri goýdy. Şunuň bilen baglylykda soňky ýyllarda daýhan birleşiklerde gowaça, bugdaý bilen bir hatarda gök-bakja, miwe we beýleki oba hojalyk ekinleri ösdürip ýetişdirmeklik ýola goýuldy. Akgala daýhan birleşiginiň mülkdary Gurbanmyrat Ýazmyradow hem hormatly Prezidentimiziň kärendeçiler üçin döredip berýän ajaýyp mümkinçiliklerinden ýerlikli peýdalanyp özüniň 3 gektar mülk ýerinde oba hojalyk ekinleriniň dürli görnüşlerini ösdürip ýetirşdirýär. Ýigirmi ýyldan bäri daýhançylyk bilen meşgurlanýan mülkdar Türkmenistan parahatçylygyň we ynanyşmagyň Watany ýylynda mülk ýerinde künjiniň bol hasylyny ýetişdirýär. Türkmenistanyň Agrar partiýasynyň Köneürgenç etrap komitetiniň başlygy Oraz Arazow, etrap komitetiniň esasy hünärmeni Magsat Meredow dagylar mülkdar Gurbanmyrat Ýazmyradow bilen iş üstünde duşuşyp, mülkdaryň ideg işlerini alyp barşy barada pikir alyşdylar. Künji oba hojalyk ekinleriniň içinde iň gadymdan bäri ekilip gelinýär. Künji ýag almakda, dürli süýjilik önümlerini taýýarlamakda örän ähmiýetli. Hut şunuň bilen baglylykda ilatymyz bu ekine uly köp isleg bildirýärler. Häzirki wagtda mülkdar künjiniň idegini kemsiz berjaý edip, künjileriň kadaly ösüşini, bol hasyl toplamagyny gazanýar. Tebigat gözelligine gözellik goşyp, gül gunçalara beslenip otyran künjili meýdanlar synlanyňda mülkdaryň çeken zähmetiniň kemsiz ýerine düşjekdiginden habar berýär. Munuň özi mülkdaryň şanly Garaşsyzlygymyzyň 30 ýyllyk toýyna özüniň mynasyp sowgady bolar. Işlemäge, halal zähmetiň hözürini görüp eşretli bolelin durmuşda ýaşamaga ähli şertleri döredip berýän hormatly Prezidentimiziň jany sag, ömrü uzak, belent başy aman bolsun. Halkymyzyň bagtyýarlygyny nazarlaýan beýik işleri elmydama rowaç alsyn.
Gülhumar HOJAHMETOW,
Türkmenistanyň Agrar partiýasynyň Daşoguz welaýatynyň
Köneürgenç etrap komitetiniň hünärmeni.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.