Nowruz – gözelligiň baýramy
21-03-25
Zeminiň gözelligine üýtgeşik öwüşgin çaýýan Halkara Nowruz baýramçylygy öz köküni has gadymýetden alyp gaýdýar. Ata-babalarymyz müň ýyllyklaryň dowamynda “Nowruzdan soň gyş bolmaz, mizandan soň ýaz”, “Ýylyň gelşi Nowruzdan bellidir” ýa-da “Nowruz gelse, buz durmaz” ýaly çuň manyly aýtgylary döredipdirler.
Nowruz türkmen halkynyň ýyl senenamasynda örän ähmiýetli orny eýelemek bilen, bu baýramçylykda gadymdan gelýän däp-dessurlar uly şatlyk-şowhuna beslenip ýerine ýetirilýär. Halkymyzyň bereketli desderhanlary milli tagamlarymyzyň ýedi dürli görnüşi bilen bezelýär. Olaryň arasynda ösümliklerden taýýarlanylýan naharlar has giň ýaýrandyr. Nowruz baýramy terbiýeçilik ähmiýeti bilen hem tapawutlanýar. Sebäbi ýerine ýetirilýän gadymy dessurlarda ýagşy niýetlere ýugrulan isleg-arzuwlar jemlenýär.
Berkarar döwletimizde yglan edilen 2025-nji — Halkara parahatçylyk we ynanyşmak ýylynda pasyllaryň soltany bolan bahar pasly misli ýaşlyk joşguny kimin çar ýany gül-pürçege bezedi. Türkmen ýaýlalary nesip haly göllerini ýadyňa salýan al-elwan gül-gunçalara beslendi. Halkymyz gözel tebigatyň goýnunda Nowruz baýramyny ulydan toýlaýar.
Parahatçylygyň we gözelligiň baýramy hasaplanýan Nowruz baýramy umumadamzat medeniýetinde mynasyp orun aldy. Arkadagly Gahryman Serdarymyzyň parasatly baştutanlygynda Diýarymyzyň welaýatlarynda, Arkadag şäherinde we paýtagtymyz Aşgabadyň töwereginde Nowruzyň gelmegi bilen müňlerçe düýp agaç nahallaryny ekmek işi asylly däbe öwrüldi. Bu bolsa ýurdumyzy bagy-bossanlyga öwürmek, onuň gözel tebigatyny has-da baýlaşdyrmak boýunça alnyp barylýan netijeli işleriň üstüni ýetirýär.
Bu günki gün mähriban halkymyz gadymdan gelýän Nowruz baýramyny agzybirlikde, jebislikde toýlaýar. Berkarar döwletimiziň dürli künjeklerinde şol sanda paýtagtymyz Aşgabatda, Arkadag şäherinde hem giň gerimli baýramçylyk dabaralary, sergidir ýarmarkalar guramaçylykly geçirilýär. Şeýle dabaralarda ýurdumyzyň ussat medeniýet we sungat işgärleriniň ýerine ýetirmeginde güneşli ülkämizi, gözel tebigatymyzy wasp edýän joşgunly aýdymlaryň belentden ýaňlanmagy, çagalaryň gadymdan gelýän milli oýunlary oýnamagy baýramçylyga aýratyn öwüşgin çaýýar. Bu bolsa dabara gatnaşyjylaryň baýramçylyk şatlygyny goşalandyrýar.
Şeýle bagtyýar durmuşyň sakasynda duran, milli mirasymyzy umumyadamzat gymmatlyklarynyň derejesine göterýän Gahryman Arkadagymyzyň, Arkadagly Gahryman Serdarymyzyň janlary sag, belent başlary aman, tutýan tutumly işleri elmydama rowaçlyklara beslensin!
Oguljahan ORAZDURDYÝEWA,
Beki Seýtäkow adyndaky Mugallymçylyk mekdebiniň 1-nji ýyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.