Bu gün nowruz, bu gün baýram, bu gün toý...
19-03-25
Hindistanda ýaşap geçen türkmen şahyry Baýram han Türkmen Nowruz şagalaňyny şeýle suralandyrýar:
Bu gün nowruz, bu gün baýram, bu gün toý,
Gaýgy-gamsyz şatlyk eder her bir öý.
- Nowruz gadymy döwürlerden bäri bellenilýän meşhur täze ýyl baýramydyr.
- Nowruz baýramynda goňşular dürli tagamlar bişirip, bire-birege hödür-kerem edýärler.
- Nowruz ýagyş-ýagmyr bilen gelse halkymyz ene ýer suwdan ganar, hasyl bol bolar diýip şatlanypdyr.
- Halkymyz Nowruzdan köp zada garaşypdyr. Halkymyzda “Ýylyň gelşi Nowruzdan bellidir” diýen aýtgy bar.
- Nowruzyň gelmegi bilen daýhançylyk işleri başlanýar, dünýä lälezar bolýar.
- Nowruz tebigatyň baýramydyr. Sebäbi nowruzda tebigat janlanýar, gül pürçüge bürenýär.
- Nowruzda kalpda galan öýke-kineler unudylyp, ýagşy niýet arzuwlar bilen birek-birege myhman bolunýar.
- Nowruzyň öň ýanynda gelin-gyzlar öý goşlaryny, içerini gowy tämizläpdirler. Daş-töweregi syryp-süpürip, mazaly arassalapdyrlar.
- Nowruz baýramynda dürli oýunary oýnamak – at çapdyrmak, horaz uruşdyrmak, goç uruşdyrmak arkaly baýramçylygy has şowhunly etmek ýörgünli bolupdyr.
- Nowruzda agaç ekmek, ekilen baglara ideg etmek asylly däp bolup durmuşymyza ornaşdy.
- Nowruzda dowam edip gelýän däbe görä baýramçylyk saçagynda ýedi dürli tagam goýmaly. Däneli ösümlikleriň ýedi görnüşinden bugdaý, arpa, dary, tüwi, mäş, nohut, noýba taýýarlamaly.
- Nowruzda diňe ýagşy dilegler etmeli. Bu gün edilen ýagşy arzuw-dilegler kabul bolýarmyş. Ýamanlyk, görüplik diýen ýaly ýaramazlyklardan kalbyňy päklemeli. Ata-babalarymyz “Ýagşylyk etseň ýanyňda, ýamanlyk etseň alnyňda bar” diýen ýörelgä eýeripdirler.
Gülbahar ALTYÝEWA,
Beki Seýtäkow adyndaky mugallymçylyk mekdebiniň 1-nji yyl talyby.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.