Ösüşleri şöhlelendirýän sergi
23-03-23
Diýarymyzda Halkara Nowruz baýramynyň ulydan baýram edilýän günlerinde, ýaz paslynyň hoştap howasynyň joşgunyny artdyryp, geçirilýän dabaralar her bir türkmen raýatyny ruhybelentlige besleýär. Şeýle çäreleriň hatarynda ýurdumyzyň Senagatçylar we telekeçiler birleşmesiniň döredilmeginiň şanly 15 ýyllygy mynasybetli guralan sergi aýratyn orun eýeleýär. Söwda-senagat edarasynda guralan bu özboluşly sergi ähli aşgabatlylaryň we paýtagtymyzyň myhmanlarynyň ünsüni özüne çekdi.
Sergide türkmen telekeçileriniň öndürýän önümleri bilen içgin tanyşyp, olaryň bäsleşige ukyply aýratynlyklary barada giňişleýin maglumat almak bolýar. Önümler dünýä standartlarynyň ýokary hil derejesine doly laýyk gelmek bilen, halkymyzyň azyk isleglerini kanagatlandyrýar. Bereketli bazarlarymyzy türkmen telekeçileriniň öndürýän önümleri ýylyň dört paslynda hem bezeýär.
Senagatçylar we telekeçiler birleşmesiniň alyp barýan işleri, önümçiligiň dürli ugurlarynda ulanylýan döwrebap tehnologiýalar hem-de ekologiýa abadançylygyny gorap saklamak babatda durmuşa geçirilýän işler bilen sergide giňişleýin tanyşdyryldy.
Häzirki döwürde döwletimiz tarapyndan telekeçilik bilen meşgullanýan hünärmenler üçin gaýtadan işleýän senagaty ösdürmek, önümleriň hilini yzygiderli gowulandyrmak we olaryň möçberini artdyrmak üçin ähli zerur mümkinçilikler döredilen. Şol ajaýyp şertlerden netijeli peýdalanyp, halal zähmet çekýän türkmen telekeçileri Gahryman Arkadagymyza, Arkadagly Serdarymyza bolan buýsanç sözlerini uly joşgun bilen beýan etdiler.
Selbi GULMYRADOWA,
Türkmenistanyň Daşary işler ministrliginiň Halkara gatnaşyklary institutynyň Halkara žurnalistikasy fakultetiniň 1-nji ýyl talyby.
Bilimleriň we bilimlileriň Watany
Ýurdumyzyň baş şäheriniň keşbi düýpgöter özgerip, sazlaşygyň we gözelligiň beýanyna öwrüldi. Şanly wakalardan doly we döredijilikli täze durmuşy başdan geçirýän eziz Diýarymyz döwrebap derejede ösen ylym-bilim merkezidir. Ak mermerli paýtagtymyzda, ýurdumyzyň beýleki şäherleridir etraplarynda öňdebaryjy tehnologiýalar bilen üpjün edilen täze döwrebap mekdepler, çagalar baglary, döredijilik merkezleri gurulýar. Olarda okamak hem-de bilimiňi artdyrmak üçin ähli şertler döredilendir.
Halk Maslahaty: demokratiýa, döwletlilik, jebislik
Berkarar döwletiň täze eýýamynyň Galkynyşy döwründe Türken halkynyň Milli Lidei Gahryman Arkadagymyzyň döwlet gurluşyny kämilleşdirmek, halkyň ýaşaýyş derejesini ýokarlandyrmak, ykdysady kuwwaty artdyrmak boýunça öňe sürýän başlangyçlary häzirki wagtda hormatly Prezidentimiz, Arkadagly Gahryman Serdarymyzyň baştutanlygynda üstünlikli dowam etdirilýär. Milli gymmatlyklara, asylly ýörelgelere uly üns berilýär we olar döwrebap derejede ösdürilýär.
Milli demokratiýanyň dabaralanmasy
Gahryman Arkadagymyzyň we Arkadagly Gahryman Serdarymyzyň parasatly baştutanlygynda ýurdumyzy durmuş-ykdysady taýdan durnukly ösdürmäge, ilatyň ýaşaýyş-durmuş derejesini ýokarlandyrmaga gönükdirilen giň gerimli özgertmeler amala aşyrylýar. Ýurdy hemmetaraplaýyn özgertmekde, jemgyýeti jebisleşdirmekde Halk Maslahatynyň ähmiýeti uludyr.
Merkezi kazyýet lukmançylygynyň belent sepgitleri
Türkmenistanyň saglygy goraýyş ulgamynda amala aşyrylýan giň gerimli özgertmeleriň netijesinde kazyýet lukmançylygy gullugy hem täze ösüş ýoluna düşdi. 2016-njy ýylyň 21-nji iýulynda açylan Morfologiýa merkeziniň Merkezi kazyýet lukmançylygy edarasy geçen on ýylyň dowamynda özüni ýokary derejeli ylmy-amaly merkez hökmünde tanatdy.
TÄZE TEJRIBE – KÄMILLIGE ÝOL
Berkarar döwletiň täze eýýamynyň Galkynyşy döwründe peder ýoluny mynasyp dowam edýän Arkadagly Gahryman Serdarymyzyň parasatly baştutanlygynda ýurdumyzyň bilim binýadyny ýokarlandyrmak ugrunda ägirt uly işler durmuşa geçirilýär. Häzirki wagtda ýurdumyzda talyplaryň bilim almagy diňe nazaryýet bilen çäklenmän, eýsem, olary amaly tejribe ýoluna ugrukdyrmak zerur bolup durýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.