Berkarar  döwletimiziň  durmyşyň  dürli  ugyrlarynda  gazanylýan  üstünlikleri  şäherlerdir  obalarda  durmyş  maksatly  desgalaryň  barha  köp  sanlysynyň  gurulmagyny  şertlendirilýär.  Täze-täze  binalar  bu  günki  günde  bagtyýarlyk  döwrümiziň  görküne  görk  goşýar.  Şolaryň  hatarynda  gurlup  ulanmaga  berilýän  döwrebap  okuw ,sport  mekdepleri, çagalardyr  ýaşlaryň  hyzmatyna  berilýär.

Döwrüň  şeýle  derejede  özgermegi  bilen, halkyň  ýaşaýyş-durmuş  derejeleri  gün-günden  gowulaşyýar. Şonuň  bilen  bir  hatarda her  türkmenistanly  özleriniň  boş  wagtlaryny  şadyýan  geçirmeklgi  maksat  edinýärler, şol  maksat  bilen  ýurdumyzyň  gözel  ýerlerine  baryp  dynç  almaklyga çalyşýarlar.  Dynç almaklyga  gitmekde  dürli  hili  ulag  serişdelerinden  peýdalanmaly  bolýarlar. Ulag  serişdeleriniň  gün-günden  köpelmegi  bilen  täze  ýollaryň,  ýerasty  geçelgeleri  gurulýar,  ozalky  bar  bolan  köçeleriň,  ýollaryň  durky  täzelenýär. Şeýlelikde  ýollarda  ulag  serişdeleriniň  köpelmegi  bilen  hereketiň  ýygjamlaşmagy  köçe-ýol  hereketiniň  howpsuzlygyna  ünsüň  güçlendirilmegini  talap  edüär.Netijede  köçelerde,  ýollarda  her birimiziň  ýol  hereketiniň  düzgünleriniň  doly  we  dogry  berjaý  etmeli  bolýar.

Täze  okuw  ýylynyň  başlanmagy  bilen  ýollarda  mekdep  okuwçylarynyň, talyp  ýaşlarynyň   piýada  hereketleriniň  köpelmegi  bilen  ýollarda  howpsuzlyk  kadalarynyň  üpjün  edilmek  meselesi  möhüm  ähmiýete  eýe  bolýar. Şol  nukdaý  nazardan  ugur  alyp  Hormatly  Prezidentimiziň "Dowlet adam üçindir !" diýip,,  öňe  süren  adyl  syýasatyna  jogap  edip  adamlaryň  parahat, rahat  ýaşamaklaryny  göz  öňünde  tutyp Sentýabr  aýynda  "Ýol  hereketiniň  howpsyzlygy, ömrümiziň  rahatlygy" atly  biraýlyk  dowam edýär. Bu  işleri ýerine  ýetirmek  diňe  bir  hukuk  goraýjy  edaralarynyň  işi  bolman, eýsem  hemmeleriň  borjy  bolup  durýar, sebäbi  bu  ýerde  gürrüň  mekdep  okuwçylarynyň,  talyp  ýaşlarynyň  we  ahli  raýatlarymyzyň  ýollarda  howpsyzlygyny  üpjün  etmek  barada  barýar.

"Ýol  hereketiniň  howpsuzlygy, ömrümiziň  rahatlygy" ady  bilen  geçirilýän bir  aýlygy  ýokary  derejede netijeli geçirmek  maksady  bilen  biziň  Türkmen  oba  hojalyk  institutymyzda  hem   rektorat  tarapyndan  meýilnama  işlenip  düzüldi.  Institutda  şol  düzülen  reje  boýunça  içeri  işler  gullygynyň,  saglygy  saklaýyş guramasynyň, jemgiýetçilik  guramalarynyň  işgärleri  bilen   duşuşyklar,  talyp  ýaşlaryň  arasynda  bäsleşikler  guraldy. Institutyň  işgärlerinden  gündelik  okuw  binasynyň  ýanyndaky  geçelgelerde  talyplaryň  geçýän  ýerlerinde  ýol  hereketiniň  düzgünleriniň  bozulmazlygy  we  ýol  hadysalarynyň  bolmazlygyn  gözegçilik  edýän  nobatçylar  bellenildi. Talyplara gündelik  geçirilýän nyzamlarda  fakultetleriň  dekanlary  Kakamyrat Mergenow, Serdar Sopyýew we  Wepa Halymow dagylar  ýol  hereket  düzgünleriniň  kadalaryny  berjaý  etmek  barada  talyplara  düşündiriş  berýärler. Olardan  başga-da institutyň  esasy  girelgelerinde  şol  tema  degişli  telegepleşikler  yzygider  görkezilmegi  ýola  goýuldy.

Bu  günki  ösüp  gelýän  nesil - ýurdumyzyň  gelejekki  eýeleri. Olaryň  sagdyn, sowatly, kämil  adamlar  bolup  ýetişmekleri ugrunda mähriban  Arkadagymyzyň  ägirt  uly  tagallalary  netijesinde  möhüm  ähmiýet  berilýär, bu  mesele  döwlet  syýasatynyň  möhüm  ugry  hasaplanýar. Şoňa  görä-de  ýaşlaryň  bagtyýar  durmuşda  ösüp  kemala  gelmegi  üçin  alada  etmek  biziň  her  birimiziň  raýatlyk  borjumyzdyr. Köçelerdir  ýollarda  howpsyzlyk  düzgünleriniň  ýerine  ýetirilmegini  gazanmak  bolsa  şol  derwaýys  aladanyň  aýrylmaz  bölegidir.

Orazmyrat  ÇANDYROW,
Türkmen  oba  hojalyk  institutynyň  mugallymy.