“Türkmen hemrasy” ÝGPJ hemra aragatnaşygy arkaly internet hyzmatlaryny hödürleýär
24-09-21
“Türkmen hemrasy” ýapyk görnüşli paýdarlar jemgyýeti daşary ýurt we ýerli kompaniýalar üçin emeli hemra aragatnaşygy arkaly internet hyzmatlaryny hödürleýär. Kompaniýa Türkmenistanyň giň geografik çäklerini, Garagum çölüni we daglyk ýerlerini göz öňünde tutup, optiki süýümli kanalyň ýok ýerlerinde emeli hemra arkaly giň zolakly internet toruna birikdirmäge mümkinçilik döredýär.
Daşary ýurt we ýerli kompaniýalar ýurdymyzda ykdysadyýetiň dürli ugurlarynda zähmet çekýärler we olaryň alyp barýan iş ýerlerinde aragatnaşyk hyzmatlary örän wajyp orun eýeleýär. Şu nukdaýnazardan ugur alyp, “Türkmen hemrasy” ÝGPJ “TürkmenÄlem52.0E” milli emeli hemra aragatnaşygy arkaly ýurdymyzyň ähli çäklerinde zähmet çekýän kompaniýalara öz hyzmatlaryndan peýdalanmagy teklip edýär.
Hyzmatlar; internet toruna girmekden, wideokonferensiýa we telefoniýa işlerini geçirmekden, giň zolakly internetden hem-de korporatiw tordan peýdalanmakdan, uzak aralykdan ulgamyň dolandyryşy we awtomatizasiýadan (SCADA, wideogözegçilik, telemetriýa we ş.m.), uzak aralykdan lukmanlaryň maslahat işlerini, uzak aralykdan okuw, uzak aralykdan maglumatlaryň alyş-çalyşygyny ýerine ýetirmäge mümkinçilik bermekden ybaratdyr.
“Türkmen hemrasy” ÝGPJ-i gyzyklanma bildiren taraplara tiz we ýokary hilli hyzmatlary ýerine ýetirmegi kepillendirýär.
Habarlaşmak üçin:
Salgysy: 744000, Aşgabat şäheri, Seýdi köçesi, 10-A jaýy
Tel: +993 12 921 836
Faks: +993 12 921 831
E-mail: info.turkmenhemrasy@online.tm
sales.turkmenhemrasy@online.tm
Resmi internet sahypasy: turkmenhemrasy.gov.tm
Milli ulag ulgamynyň döwrebaplaşdyrylmagy we ilata edilýän hyzmatlaryň ýokary hili
Hormatly Prezidentimiziň bimöçber aladalary hem-de döwlet derejesinde alnyp barylýan toplumlaýyn syýasat netijesinde ýurdumyzyň awtomobil ulaglary pudagy häzirki zaman talaplaryna laýyklykda yzygiderli ösdürilýär. Döwletimiziň awtoulag düzümi dünýäde öňdebaryjy kompaniýalaryň öndürýän döwrebap, ygtybarly we ekologiýa taýdan arassa awtoulaglary bilen yzygiderli baýlaşdyrylýar.
Merkezi Aziýa ýurtlarynyň Liderleri Astanada geçiriljek AHHG-nyň mejlisine gatnaşarlar
Merkezi Aziýa ýurtlarynyň ýagny, Türkmenistanyň, Gazagystanyň, Täjigistanyň, Gyrgyzystanyň we Özbegistanyň Liderleri Araly halas etmek boýunça Halkara gaznasynyň (AHHG) esaslandyryjy döwletleriniň Baştutanlarynyň geňeşiniň mejlisine gatnaşmak üçin 22-nji aprelde Astana şäherine bararlar. Bu barada Gazagystanyň hökümetiniň resmi metbugat gullugy habar berýär.
Aşgabatdaky awtoulag kärhanasy ýük awtoulaglarynyň sürüjilerini işe çagyrýar
Türkmenistanyň Awtomobil ulaglary ministrliginiň Aşgabatdaky awtoulag kärhanasy "KamAZ 6520" kysymly awtoulaglary dolandyrmak üçin “C” derejeli sürüjilik şahadatnamasy bolan raýatlary işe çagyrýar.
Türkmen halkynyň Milli Lideri Gurbanguly Berdimuhamedow Baku şäherinde geçiriljek Bütindünýä şäherler forumyna gatnaşar
Türkmenistanyň Halk Maslahatynyň Başlygy Gurbanguly Berdimuhamedow 2026-njy ýylyň 17–22-nji maýy aralygynda Bakuda geçiriljek Bütindünýä şäherler forumynyň (WUF13) 13-nji mejlisine gatnaşar. Bu barada Türkmenistanyň Azerbaýjandaky ilçisi Gurbanmämmet Elýasowyň aýdanlaryna salgylanyp, “Trend” agentligi duşenbe güni habar berdi.
Watanymyzyň gülläp ösüşiniň, halkymyzyň bagtyýar durmuşynyň bähbidine
Syýasy durnuklylyk, ýurduň ykdysadyýetiniň yzygiderli ösüşi, ilatyň ýaşaýyş-durmuş şertleriniň gowulandyrylmagy Gahryman Arkadagymyz tarapyndan binýady goýlup, häzirki wagtda hormatly Prezidentimiziň baştutanlygynda üstünlikli durmuşa geçirilýän döwlet syýasatynyň ajaýyp netijeleridir.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.