Tutumly toýuň şöhraty
29-09-21
Ata-babalarymyzyň müňýyllyklaryň dowamynda arzuwlap gelen Garaşsyzlygy bu günki gün türkmen halkyna miýesser etdi. 30 ýyl mundan ozal Garaşsyz döwlet hökmünde dünýäniň syýasy kartasynda orun alan Türkmenistan döwletimiz milli Liderimiziň baştutanlygynda dünýä döwletleri bilen hoşniýetli, dost-doganlyk, birek-birege ynanyşmak, arkalaşykly hereket etmek ýaly syýasatlaryny alyp barýar.
Mälim bolşy ýaly, 27-nji sentýabrda agzybir türkmen halkymyz berkarar Watanymyzyň baş baýramyny uludan toýlap geçdi. Bu toýuň tutumy, şatlyk-şowhuny ulus-ilimiziň baýramçylyk ruhuna ruh goşup, göwünlere ganat bekledi. Watanymyzyň şöhratly senesine bagyşlanyp, baýramçylyk günleri ýurdumyzyň dürli künjeklerinde gurlup ulanylmaga berlen önümçilik we medeni-durmuş maksatly binalardyr desgalaryň açylyş dabaralary, dürli medeni-köpçülik çäreleri geçirildi.
Tutumy uludan tutulan bu toý-dabaralar hormatly Prezidentimiziň parasatly baştutanlygy bilen ýurdumyzyň durmuş-ykdysady taýdan ösdürilmegine, halkymyzyň ýaşaýyş derejesiniň ýokarlandyrylmagyna gönükdirilen syýasatyň üstünlikli durmuşa geçirilýändigine şaýatlyk edýän wakalara öwrülip, Watanymyzyň täze taryhyna ajaýyp sahypalar bolup ýazyldy. Döwlet Garaşsyzlygymyz halkymyzyň öz gözbaşyny müňýyllyklardan alyp gaýdýan maddy we ruhy gymmatlyklaryny, nesilden-nesle geçip gelýän beýik ynsanperwerlik däplerini gaýtaryp berdi. Garaşsyzlyk ýyllarynda ýurdumyzda ähli ugurlar boýunça uly üstünlikler gazanylyp, belent sepgitlere ýetildi. Bitarap Türkmenistan dünýäde çalt depginler bilen ösýän döwletleriň hataryna goşuldy.
Eziz Watanymyzyň at-abraýyny, şan-şöhratyny arşa göteren hem-de jemgyýetimizi beýik maksatlaryň töweregine birleşdiren başga-da ençeme giň gerimli işler amala aşyryldy. Geçen 30 ýylyň içinde Prezident maksatnamasyna laýyklykda ýurdumyzyň ähli sebitlerinde täze-täze obadyr şäherçeler döredi. Müňlerçe önümçilik we medeni-durmuş maksatly binalardyr desgalar işe girizildi, ähli amatlylyklary bolan ýaşaýyş jaýlary bina edildi. Iň çetki obadyr şäherlerimizde häzirki döwrüň iň kämil enjamlary bilen üpjün edilen mekdepler, çagalar baglary, hassahanalar, dynç alyş we sagaldyş merkezleri gurlup ulanylmaga berildi. Bu gysga döwürde ýurdumyzda azyk garaşsyzlygy we howpsuzlygy üpjün edildi, kämil döwlet dolandyryş edaralary döredildi.
Mukaddes Garaşsyzlygymyzyň şanly 30 ýyllyk baýramy bilen Gahryman Arkadagymyzy, mähriban türkmen halkymyzy tüýs ýürekden gutlaýarys! Türkmen halkyny bagta ýetirip, bagtyýar durmuşda ýaşadýan, eziz Diýarymyzyň mundan beýläk hem gülläp ösmeginde bimöçber aladalary edýän hormatly Prezidentimiziň jany sag, ömri uzak, belent başy aman bolsun!
Tähran MUHADOW,
Türkmen döwlet binagärlik-gurluşyk institutynyň talyby.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.