HALK HAKYDASY BAKYDYR
04-10-21
6-njy oktýabr — Hatyra güni
Her ýylyň 6-njy oktýabrynda ýurdumyzda Hatyra güni bellenilip geçilýär. Şol gün Türkmenistanda ähli uruşlaryň söweş meýdanlarynda wepat bolanlaryň, 1948-nji ýylyň ýer titremesinde şehit bolanlaryň hatyrasyna ýurdumyzyň ähli ýerlerinde Döwlet baýdaklary aşak düşürilip, aýat-dogalar okalýar.Hakyda milletimiziň ýaşaýyşynyň aýrylmaz ruhy bölegidir. Ol nesilleri birikdirýän berk ýörelge bolmak bilen diňe bir gözbaşlarymyzy we däp-dessurlarymyzy gorap saklamak däl, eýsem, taryhy tejribäniň esasynda milletiň täze ykbalyny, ýagty geljegini gurmaga mümkinçilik berýär. Hatyra güni milleti birleşdirýär we jebisleşdirýär.Türkmen halkymyz häzirki wagtda hem nesillerden-nesillere geçirilýän ýokary ahlak ýörelgelerine ygrarlydyr.
Hatyra gününde ýadygärlik toplumlaryna ter gül desseleri goýulýar, ata Watan, mukaddes ene toprak, häzirki nesilleriň bagtyýar, erkana durmuşda ýaşamagy üçin şirin janyny orta goýup, gaýduwsyzlygyň, gahrymançylygyň beýik nusgasyny görkezen merdana pederlerimiz hatyralanýar. Çünki milletimiziň şöhratly taryhy, watansöýüji gerçekleriň bitiren işleri, söweş meýdanlarynda görkezen gahrymançylyklary bakydyr, ölmez-ýitmezdir. Olar Watan garaşsyzlygy, asudalygy, erkanalygy, halkymyzyň azatlygy ugrundaky söweşlerde deňsiz-taýsyz gahrymançylyk görkezip, atlaryny şan-şöhrata besläp, taryhyň gatlaryna altyn harplar bilen ýazdylar. Ýowuz uruş ýyllarynda ýeňşiň gazanylmagyna uly goşant goşdular.
Paýtagtymyzyň günorta-günbatar böleginde ýerleşýän «Halk hakydasy» ýadygärlikler toplumynyň düzümine girýän «Baky şöhrat», «Milletiň ogullary» we «Ruhy tagzym» ýadygärlikleri deňinden geçen ynsany biparh goýmaýar. Bu ýerde Watan gahrymanlarynyň ýadygärlikleriniň bir ýerde jemlenmegi ene toprak ugrunda janlaryny orta goýan merdana pederlerimiziň ata Watana bolan çäksiz söýgüsiniň gözbaşyny bir hanadan alyp gaýdýandygynyň özboluşly nyşany.
Adamzadyň taryhynda iň weýrançylykly ýertitremeleriň biri, 1948-nji ýylyň Aşgabat ýertitremesinde pida bolanlar baradaky hasratly ýatlamalar olaryň ýakynlarynyň we dogan-garyndaşlarynyň kalplarynda, halk hakydasynda hemişelik saklanýar. Paýtagtymyz we ony etekläp oturan sebitlerdäki obalar, ilatly ýerler güýçli tebigy sarsgyn zerarly weýrançylyga sezewar boldy. Ildeşlerimiziň müňlerçesi bu elhenç tebigy heläkçiligiň pidasy boldy.
Hatyra gününde okalýan aýat-töwirler beýik Biribaryň dergähinde kabul bolsun!
Goý, türkmen topragynda hemişe parahatçylyk, agzybirlik we asudalyk höküm sürsün!
Möwlam HAÝTGULYÝEW,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň “Lebapawtoulag” önümçilik birleşiginiň hünärmeni.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.