Pagta ýygymy gyzgalaňly dowam edýär!
07-10-21
Türkmenistan parahatçylygyň we ynanyşmagyň Watany ýylynyň pagta ýygymy möwsümi gyzgalaňly dowam edýär. Şanly Garaşsyzlygymyzyň 30 ýyllyk toýunyň toýlanýan ýylynda Gubadag etrabynyň pagta kärendeçileri dokma senagatymyz üçin gymmatly çig mal bolan “ak-altynyň” bereketli hasylyny ösdürip ýetişdirdiler. Häzirki wagtda kärendeçi daýhanlaryň bar aladasy kemala gelen ak altyny gysga wagtda isripsiz Watan harmanyna tabşyrmak bolup durýar.
Pagta ýygymy möwsüminde el güýji bilen bir hatarda pagta ýygyjy kombaýynlaryň güýjinden peýdalanmak göz öňünde tutylýar. Bu ugurda etrap tehniki hyzmat ediş kärhanasynyň pagta ýygyjy kombaýynlary daýhanlaryň iň ýakyn daýanjy bolup durýar. Şu ýyly pagta ýygymy möwsüminde kärhananyň pagta ýygyjy kombaýynlarynyň 17-siniň gije gündizleýin 2-topardan ybarat bolup arman ýadaman zähmet çekýärler. Bulardan Bazarbaý Täçliýew, Döwran Arazbaýew, Ýazbaý Sabyrow we Bäşim Ilamanow dagylar kombaýnlarda zähmet çekip ussatlyk bilen öndürüjilikli öňde barýarlar. Bu kombaýynlara kärhananyň işçi hünärmenleri tarapyndan gözegçilikden geçirilip, olara zerur bolan tehniki hyzmatlar görkezildi, pagta ýygymy möwsümine taýýar halatyna getirildi. Şeýle hem goçme abatlaýjy toparlaryň 2-si döredilip, toparlaryň her biri bejeriji enjamlar, gurallar, zerur bolan ätiýaçlyk şaýlar bilen üpjin edildi. Toparlara abatlaýjy ussalar, tejribeli hünärmenler berkidildi. Munuň özi pagta ýygymy möwsüminde kombaýynlaryň, pagta ýygyjy tirkeg gurallaryň saz işlemegine, pagta ýygymynyň ýokary depginde gitmegine uly mümkinçilik berer.
Biz hem Türkmenistanyň Agrar partiýasynyň işgärleri, ýerlerdäki ilkinji guramalarymyz bilen bilelikde pagta ýygymy möwsüminde, möwsüme gatnaşýan zähmet adamlarynyň aralarynda bolup Hormatly Prezidentimiziň ýolbaşçylygynda oba hojalyk ulgamynda ýetilýän belent sepgitler, oba hojalygyny senagatlaşdyrmak, ykdysady garaşsyzlygy mundan beýläkde berkitmek boýunça alynyp barylýan işler baradaky çykyşlar edip, ene toprakdan bol hasyl alyp, Watan harmanyna mynasyp goşandyny goşýan, tapawutlanan kärendeçä, öňdebaryjy mehanizatora Türkmenistanyň Agrar partiýasynyň Gubadag etrap komitetiniň adyndan ýörite hormat hatlary we ýadigärlik sowgatlary gowşurýarys. Bu bolsa möwsüme gatnaşýan oba zähmetkeşleriniň işe bolan höwesini artdyryp, öndürjilikli işlemäge uly badalga berer.
Ýusup JUMAKOW,
Türkmenistanyň Agrar partiýasynyň Daşoguz welaýatynyň
Gubadag etrap komitetiniň esasy hünärmeni.
Ynsanperwerlik, haýyr-sahawatlylyk jemgyýetiň gymmatlyklardyr
Her bir ýurduň bagtyýarlygy, abadançylygy ösüp gelýän ýaş nesil hakdaky aladalardan gözbaş alýar. Şoňa görä-de, Garaşsyz Watanymyzda durmuş goraglylygyny üpjün etmek, maşgalany goldamak, enäniň we çaganyň saglygyny goramak, bu ugurlaryň kanunçylyk binýadyny pugtalandyrmak meselelerine uly ähmiýet berilýär.
GDA giňişliginde medeni-ynsanperwer hyzmatdaşlygy
Mälim bolşy ýaly, ýakynda paýtagtymyzda möhüm halkara çäresi – Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisi üstünlikli geçirildi. Türkmenistanyň Arkalaşykda başlyklyk etmeginiň Konsepsiýasyny amala aşyrmagyň çäginde guralan bu mejlis arkalaşyk we doganlyk ruhy bilen ynsanperwer gatnaşyklary ilerletmegiň, ykdysady hyzmatdaşlygy pugtalandyrmagyň ugrunda täze mümkinçilikleri döretdi.
Halkara gatnaşyklaryň ynsanperwer ugurlary
Garaşsyz, Hemişelik bitarap Türkmenistanyň daşary syýasaty Türkmenistanyň Konstitusiýasy, Türkmenistanyň konstitusion kanunlary, beýleki kadalaşdyryjy hukuk namalary, halkara hukugynyň umumy ykrar edilen ýörelgeleri we kadalary, şeýle hem Türkmenistanyň gatnaşýan halkara şertnamalary we konwensiýalary esasynda amala aşyrylýar.
Berkarar döwletimizde ynsanperwer ýörelgeleriniň dabaralanmasy
Gahryman Arkadagymyzyň beýik başlangyçlaryny mynasyp dowam etdirýän Arkadagly Serdarymyzyň parasatly baştutanlygynda adam hakda alada ýurdumyzda alnyp barylýan durmuş ugurly döwlet syýasatynyň baş ugrudyr. Munuň özi ähli ulgamlarda, ilkinji nobatda, halkyň bähbidine gönükdirilip amala aşyrylýan beýik işlerde, döwletli tutumlarda, Gahryman Arkadagymyzyň nusgalyk göreldesi bilen berk eýerilýän we jemgyýetimiziň agzybirligini has-da pugtalandyrýan ynsanperwer ýörelgelerde aýdyň ýüze çykýar.
ARASSAÇYLYK – SAGDYNLYGYŇ SAKASY
Biziň jan-saglygymyz iýýän zatlarymyza we olaryň hiline baglydyr. Eziz Diýarymyzyň ajaýyp tebigaty, baý ösümlik dünýäsi bar. Tebigatyň goralmagy, arassalygy we gözelligi barada biziň ata-babalarymyz müňýyllyklaryň dowamynda alada edip gelipdirler. Muňa pederlerimiziň ýer-toprak hakynda aýdan atalar sözleri-de, tebigaty baýlaşdyrmak, gözelleşdirmek barada geçiren çäreleri-de aýdyň mysal bolup biler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.