1. Şu gün etmeli işiňizi, sapagyňyzy ýa-da meseläňizi ertire goýmaň.  Sebäbi her günüň öz işi bar.
2. Bir gezekde diňe bir zady ediň, bir sapak, bir kitap, hatda bir bap üstünde işläň.  Pikiriňizi sowmazlyk üçin.
3. Başlan zadyňyzy gutarman başga birine geçmäň.
4. Şu günki işimizi gutarandan soň ertir näme etmelidigini meýilleşdiriň.
5. Işlemek üçin oturanyňyzda, ähli akyl we beden güýjüňizi şol  işe bagyşlaň.
6. Edýän işiňizde kynçylyk bilen ýüzbe-ýüz bolsaňyz, ony ýeňip geçmezden ozal bir ädim yza çekilmäň.  Şuny biliň: hyjuw kynçylyklary ýeňip geçmekden gelýär.  Bu zat adama ruhy lezzet berýär.
7. Ilki bilen işiňizde ýüze çykýan kynçylyklary aýyryň, soňra bir bölekden ýerlikli çözmäge synanyşyň.
8. Yzygiderli işläň, iş prosesinde uzak dynç almaň.  Işlemek ukybyňyz peselmez ýaly.
9. Bir işden ýadasaňyz, işiňizi üýtgediň ýa-da dynç almak üçin haýal hereket ediň.  Diňe dynç almak bahanasy bilen boş oturmaň.  Dynç alyş aýlarynda-da azajyk işläň.Ol adamyñ saglyk ýagdaýyna-da ruhy ýagdaýyna-da zyýanly täsir ýetirmeýär.
10. Iş öndürijiligiňizi işe sarp eden wagtyňyz bilen ölçemäň we “Şu gün köp sagat işledim, ýeterlik” diýmäň, islendik bir işi edeniñizde oña sarp eden wagtyñyza däl-de işiň netijesine serediñ.
11. Şu gün näme edeniňizi, haýsy netijelere ýetendigiňizi we ertir näme etjekdigiňizi pikir etmän uklamaň.
12. Hiç wagt gaharlananyňyzda bir zat etmegi ýüregiňize düwmäň, gaharyňyzyň azalmagyna garaşyň.
13. Bir zady etmek ýa-da etmezlik barada berk karar berip bilmeýän bolsaňyz, onuň peýdaly we zyýanly taraplaryny üns bilen gözden geçiriň, iň peýdalysyn we iň az zyýanlysyn saýlaň.
14. Garrylaryň tejribesini ulanyñ özbaşdak tejribesiz zatlara synanyşmak gowulyga eltmez.

Taýýarlan Aýbibi KUTLYÝEWA,
Türkmen oba hojalyk institutynyň mugallymy.