“Altyn Asyr” öýjükli aragatnaşyk kompaniýasy mobil toruny döwrebaplaşdyrýar
12-10-21
“Türkmenaragatnaşyk” agentligi “Altyn Asyr” ýapyk görnüşli paýdarlar jemgyýetiniň öýjükli aragatnaşyk ulgamyny giňeltmegi nazarda tutup, zerur enjamlary satyn almak üçin halkara tender geçirdi.
Agentligiň resmi saýtynda bellenilmegine görä, Türkmenistanda ykjam internet ulgamynyň işini häzirki zaman derejesine laýyklykda guramak üçin täze enjamlary satyn almak meýilleşdirilýär. Degişli tenderiň netijesinde birnäçe daşary ýurtly hyzmatdaşlaryň teklipleri kabul edildi.
Bellesek, “Altyn Asyr” aragatnaşyk kärhanasy 2004-nji ýylda döredildi. Ol GSM standartly öýjükli aragatnaşyk operatorlarynyň Bütindünýä assosiasiýasynyň agzasy bolup, 438 02 indeksde TM CELL söwda belgisi bilen hasaba alyndy. Häzirki wagtda operator 2G GPRS, 3G WCDMA we 4G LTE tehnologiýalary esasynda internet hyzmatlaryny ulanyjylara hödürleýär.
ABŞ-nyň Ilçisi Türkmenbaşy halkara deňiz portunda duşuşyk geçirdi
2026-njy ýylyň 14-nji oktyabrynda Amerikanyň Birleşen Ştatlarynyň Türkmenistandaky Adatdan daşary we Doly ygtyýarly Ilçisi Türkmenbaşy halkara deňiz portunyň ýolbaşçylary bilen resmi duşuşyk geçirdi. Gepleşikleriň başynda diplomatik wekiliýetiň ýolbaşçysy görkezilen myhmanparazlyk üçin minnetdarlyk bildirdi.
Baku şäherinde Türkmenistanyň, Azerbaýjanyň we Özbegistanyň daşary syýasat edaralarynyň ýolbaşçylarynyň duşuşygy geçirildi
2026-njy ýylyň 15-nji oktýabrynda Baku şäherinde Aziýada özara hyzmatdaşlyk we ynamy berkitmek çäreleri boýunça Geňeşiniň VII sammitiniň çäklerinde Türkmenistanyň Daşary işler ministri Raşid Meredowyň, Azerbaýjan Respublikasynyň Daşary işler ministri Jeýhun Baýramowyň we Özbegistan Respublikasynyň Daşary işler ministri Bahtiýor Saidowyň duşuşygy geçirildi. Bu barada Türkmenistanyň DIM-niň web-saýtynda habar berilýär.
Türkmenistan Jakartada ÝUNESKO-nyň seminaryna gatnaşýar
2026-njy ýylyň 13-nji oktýabrynda Indoneziýanyň paýtagty Jakartada ÝUNESKO-nyň “Dünýäniň ýady” maksatnamasynyň “Dokumental köpdürliligi giňeltmegiň mümkinçiligi” atly halkara okuw seminarynyň açylyşy boldy. Bu barada Türkmenistanyň DIM-niň web-saýtynda habar berilýär.
Hazaryň türkmen kenarynda 5G ykjam aragatnaşyk ulgamy işe girizildi
Golaýda «Awaza» milli syýahatçylyk zolagy sebit we halkara derejesindäki möhüm çäreleriň geçirilýän merkezine öwrüldi. Bu ýerde 7-9-njy oktýabry aralygynda Merkezi Aziýa ýurtlarynyň we Azerbaýjan Respublikasynyň döwlet Baştutanlarynyň konsultatiw duşuşygy, GDA-nyň döwlet Baştutanlarynyň Geňeşiniň mejlisi, şeýle hem Hazar ekologiýa sammiti ýokary guramaçylyk derejesinde geçirildi
Türkmenistan bilen Ýewropa Bileleşigi söwda, ulag we energetika ulgamlarynda hyzmatdaşlygy giňeltmegi ara alyp maslahatlaşýar
14-nji oktýabrda Türkmenistanyň Daşary işler ministri Raşid Meredow Ýewropa Bileleşiginiň Merkezi Aziýa boýunça ýörite wekili Eduards Stipraýs bilen duşuşyk geçirdi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.