Türkmen demir ýollarynda halkara ýük daşamalary 6 million tonnadan geçdi
25-10-21
Ministrler Kabinetiniň anna güni wideoaragatnaşyk ulgamy arkaly geçirilen mejlisiniň dowamynda Ministrler Kabinetiniň ýanyndaky Ulag we kommunikasiýalar agentliginiň Baş direktory Mämmethan Çakyýew Ulag we kommunikasiýa toplumyna degişli agentlikler tarapyndan alnyp barylýan işler barada hasabat berdi. Hasabata görä, şu ýylyň ýanwar – sentýabr aýlarynda demir ýol ulagy bilen halkara gatnawda 6,1 million tonna ýük daşalandygy bellenildi.
Baş direktor şu ýylyň dokuz aýynda 7 müň 485 sany daşary ýurt ýük awtoulag serişdeleriniň tirkegleri we ýarym tirkegleri üstaşyr geçirilendigini aýtdy. Bu barada Türkmenistanyň resmi metbugatynyň habar berýär.
Mundan başga-da degişli döwürde demir ýol ulagy bilen Özbegistan Respublikasyna eksport we ýurdumyza import edilen ýükleriň möçberi 885 müň 600 tonna deň boldy. Şeýle hem serhetleşýän gözegçilik-geçiriş ýerleriniň üsti bilen 2 müň 914 sany daşary ýurt ýük awtoulaglary üstaşyr geçirildi hem-de 2 müň 46 daşary ýurt ýük awtoulaglary Türkmenistana getirildi.
Mejlisiň dowamynda Çakyýew milli Liderimiziň garamagyna “Ulag we üstaşyr gatnawlaryny ösdürmek boýunça türkmen-özbek iş toparynyň” türkmen böleginiň düzümini tassyklamak hakyndaky teklibini hödürledi. Ol bu toparyň import, eksport we üstaşyr ýükleriň mukdarynyň artdyrylmagyny, ýurtlaryň ulag-logistika mümkinçiliginiň doly ulanylmagyny we onuň netijeliliginiň ýokarlandyrylmagyny gazanmak üçin döredilendigi belledi.
Hormatly Prezidentimiz hasabaty diňläp, iki ýurduň bilelikdäki giň gerimli düzümleýin taslamalary, şol sanda täze üstaşyr ulag geçelgelerini gurmak baradaky taslamalaryň durmuşa geçirilmeginiň wajypdygyny nygtap, beýan edilen teklipleri makullady.
Döwlet Baştutanymyz agentligiň ýolbaşçysyna üstaşyr demir ýol we awtomobil ulaglary arkaly ýük daşalmagyny köpeltmek, geljekde beýleki goňşy döwletler bilen hem üstaşyr ýük daşalyşyny artdyrmak üçin degişli çäreleriň wajypdygyny belläp, agentligiň ýolbaşçysyna bu babatda anyk tabşyryklary berdi.
https://business.com.tm/tm/post/7756/turkmen-demir-yollarynda-halkara-yuk-dashamalary-6-million-tonnadan-gechdi
Milli ulag ulgamynyň döwrebaplaşdyrylmagy we ilata edilýän hyzmatlaryň ýokary hili
Hormatly Prezidentimiziň bimöçber aladalary hem-de döwlet derejesinde alnyp barylýan toplumlaýyn syýasat netijesinde ýurdumyzyň awtomobil ulaglary pudagy häzirki zaman talaplaryna laýyklykda yzygiderli ösdürilýär. Döwletimiziň awtoulag düzümi dünýäde öňdebaryjy kompaniýalaryň öndürýän döwrebap, ygtybarly we ekologiýa taýdan arassa awtoulaglary bilen yzygiderli baýlaşdyrylýar.
Merkezi Aziýa ýurtlarynyň Liderleri Astanada geçiriljek AHHG-nyň mejlisine gatnaşarlar
Merkezi Aziýa ýurtlarynyň ýagny, Türkmenistanyň, Gazagystanyň, Täjigistanyň, Gyrgyzystanyň we Özbegistanyň Liderleri Araly halas etmek boýunça Halkara gaznasynyň (AHHG) esaslandyryjy döwletleriniň Baştutanlarynyň geňeşiniň mejlisine gatnaşmak üçin 22-nji aprelde Astana şäherine bararlar. Bu barada Gazagystanyň hökümetiniň resmi metbugat gullugy habar berýär.
Aşgabatdaky awtoulag kärhanasy ýük awtoulaglarynyň sürüjilerini işe çagyrýar
Türkmenistanyň Awtomobil ulaglary ministrliginiň Aşgabatdaky awtoulag kärhanasy "KamAZ 6520" kysymly awtoulaglary dolandyrmak üçin “C” derejeli sürüjilik şahadatnamasy bolan raýatlary işe çagyrýar.
Türkmen halkynyň Milli Lideri Gurbanguly Berdimuhamedow Baku şäherinde geçiriljek Bütindünýä şäherler forumyna gatnaşar
Türkmenistanyň Halk Maslahatynyň Başlygy Gurbanguly Berdimuhamedow 2026-njy ýylyň 17–22-nji maýy aralygynda Bakuda geçiriljek Bütindünýä şäherler forumynyň (WUF13) 13-nji mejlisine gatnaşar. Bu barada Türkmenistanyň Azerbaýjandaky ilçisi Gurbanmämmet Elýasowyň aýdanlaryna salgylanyp, “Trend” agentligi duşenbe güni habar berdi.
Watanymyzyň gülläp ösüşiniň, halkymyzyň bagtyýar durmuşynyň bähbidine
Syýasy durnuklylyk, ýurduň ykdysadyýetiniň yzygiderli ösüşi, ilatyň ýaşaýyş-durmuş şertleriniň gowulandyrylmagy Gahryman Arkadagymyz tarapyndan binýady goýlup, häzirki wagtda hormatly Prezidentimiziň baştutanlygynda üstünlikli durmuşa geçirilýän döwlet syýasatynyň ajaýyp netijeleridir.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.