GADYMY ZAWODYŇ WASPY
01-11-21
Häzirki Serdar şäheriniň Wagon abatlaýyş zawodynyň çuň taryhy bar. Wagonlary, sisternalary bejerýän we olar üçin ätiýaçlyk şaýlary ýasaýan kärhana 1886-njyýylda Gyzylarbat Baş ussahanasy diýen at bilen ulanmaga berilýär. Wagtyň geçmegi bilen ol Gyzylarbat wagon abatlaýyş zawody adyna eýe bolýar.
Ýurdumyzyň halk hojalygynyň dikelmegi, ykdysadyýetiň ösmegi üçin zawodda uly işleri alnyp barylýar. Bu ösüşler döredijilik adamlarynyň kalbyny ganatlandyryp, zawod hakda dürli eserleriň döremegine sebäp bolýar.
Wagon abatlaýyş zawody hakynda ýazylan uly gşwrümli eserleriň biri şahyr Şaly Kekilowyň 1932 nji ýylda döreden «Gyzylarbat remont zawodynda» atly poýemasydyr.
Her bir eser beýan edilýän wakanyň jümmüşine aralaşyp döredilende, onuň täsiri güýçli bolup, okyjylaryň ýadynda hemişelik galýar. Şaly Kekilow bu poýemasyny döredende, birnäçe gün ol ýerde bolupdyr. Munuň özi şahyryň beýan edýän wakalaryny janly häsiýete eýe edýär.
Aýlanyp bir görseň zawodyň için,
Ýene bir aýlanyp göresiň gelýär.
Bu mertler ýurdunyň batyr işinden,
Halkyňa şat habar beresiň gelýär.
Şeýle buýsançly sözlerden soň şahyr beýan edýän wakalaryny suratkeşlik galybyna salýar. Şygryýetde bolsa suratkeşlik eseriň agramyny artdyryp, okyjyny beýan edýän wakalaryň jümmüşine eltýär.
Ynha liteýniý seh, her ýeri ýagty,
Körükde towlanyp otlar oýnaýar.
Körügiň üstünde uly gazanda,
Polat, çoýun eräp, suw dek gaýnaýar.
Serdar Wagon abatlaýyş zawody hakynda döredilen iň gowy sungat eserleriniň hatarynda Türkmenistanyň halk suratkeşi Aman Kulyýewiň «Wagon remont zawody» kartinasyny hem görkezmek bolar.
Tanymal suratkeş öz eserinde zawodyň gyzgyn sehinde maňlaý derini saçyp işleýän işçileriň yhlasly zähmetini, kuwwatly stanoklar, dizeler we beýleki gurallar oturdylyp, tehniki taýdan kämil zawodyň keşbini ussatlarça açyp görkezýär. Eserdebeýan edilýän şekiller täsirliligi bilen ünsüňi özüne çekýär.
Ýurdumyzda gurlan her bir edara-kärhananyň üstnlikli ýollary dokumental hem-de çeper eserlerde taryp edilipdir. Munuň özi zähmet üstünlikleriniň döredijilige ylham bolup durýandygynyň beýanydyr.
Rahmanberdi ABDYRAZAKOW,
Akdepe etrapyndaky 33-nji orta mekdebiniň taryh mugallymy.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.