Türkmenistan we Özbegistan Hytaýdan Ýewropa ýükleriň daşalmagyny ilerletmekçi
22-11-21
Özbegistan we Türkmenistan “Hytaý-Gyrgyzystan-Özbegistan-Türkmenistan-Azerbaýjan-Gruziýa-Türkiýe-Ýewropa” ugry boýunça Türkmenbaşy halkara deňiz portunyň üsti bilen ýük gatnawlary üçin amatly şertleri döretmegi meýilleşdirýärler. Bu mesele ulag we logistika boýunça özbek-türkmen iş toparynyň penşenbe güni sanly ulgam arkaly wideo konferensiýa görnüşinde geçirilen ýygnagyň dowamynda maslahatlaşyldy.
Özbegistanyň Transport ministrliginiň metbugat gullugynyň habaryna görä, ýygnaga Özbegistanyň Transport ministriniň orunbasary Abdusamat Muminow, “Türkmendemirýollary” agentliginiň başlygy Azat Atamyradow, şeýle hem iki ýurduň awtoulag, demir ýol, awiasiýa ulgamlaryna degişli bölümleriň wekilleri gatnaşdylar.
Maslahatda taraplar ulag pudagynda hyzmatdaşlygy ösdürmegiň geljegini ara alyp maslahatlaşdylar. Hususan-da, koronawirus pandemiýasy sebäpli çäklendirilen “Hojeýli-Köneürgenç” we “Şawat-Daşoguz” barlag nokatlarynyň işini gaýtadan ýola goýmak meselesine garadylar.
Şeýle hem, “Özbegistan-Türkmenistan-Eýran-Oman” halkara üstaşyr we ulag geçelgelerine gatnaşyjylaryň hemmesi bilen Aşgabat şertnamasynyň üstünde işlemek meselesini ara alyp maslahatlaşdylar.
“Aziýa-Ýuwaş umman ýurtlary – Hytaý-Gyrgyzystan-Özbegistan-Türkmenistan-Azerbaýjan-Gruziýa-Ýewropa” halkara multimodal ýoluny ösdürmek baradaky şertnamalar 2019-njy ýylyň dekabrynda Daşkent şäherinde ylalaşyldy.
ÝHHG-nyň "Ýaşyl portlar" taslamasynyň çäklerinde sanly çözgütler boýunça onlaýn okuw sapagy geçirildi
2026-njy ýylyň 20-nji oktýabrynda Ýewropada Howpsuzlyk we Hyzmatdaşlyk Guramasy (ÝHHG) tarapyndan sebitiň ekologiki durnuklylygyny hem-de ulag-logistika düzümini güýçlendirmek maksady bilen amala aşyrylýan «Hazar deňzi sebitinde ýaşyl portlaryň ösüşine ýardam bermek» taslamasynyň çäklerinde onlaýn okuw sapagy guraldy.
Türkmenistanyň wekiliýeti Bütindünýä Samarkant sammitine gatnaşdy
Türkmenistanyň wekiliýeti 2026-njy ýylyň 21-22-nji oktýabry aralygynda Özbegistan Respublikasynyň Samarkant şäherinde geçirilen “Çagalaryň geljegine maýa goýmak: nesiller üçin durnukly we adalatly ösüş” atly Bütindünýä sammitiň işine gatnaşdy.
Türkmenistanyň wekiliýeti Duşenbe şäherinde ŞHG-niň Hökümet Baştutanlarynyň Geňeşiniň mejlisine gatnaşdy
2026-njy ýylyň 20-nji oktýabrynda Türkmenistanyň Ministrler Kabinetiniň Başlygynyň Orunbasary H.Geldimyradow Şanhaý Hyzmatdaşlyk Guramasyna (ŞHG) agza döwletleriň Hökümet Baştutanlarynyň Geňeşiniň giňeldilen mejlisine gatnaşdy. Duşenbe şäherinde geçirilen mejlisde ol çagyrylan döwletiň wekili hökmünde hormatly myhman derejesinde çykyş etdi. Bu barada Türkmenistanyň DIM-niň web-saýtynda habar berilýär.
Halkara nebitgaz forumy pudagyň öňdebaryjylaryny Aşgabatda jemledi
21-nji oktýabrda paýtagtymyzdaky Söwda-senagat edarasynda «Türkmenistanyň nebiti we gazy — 2026» atly halkara maslahat we sergi öz işine başlady.
Türkmenistanyň ileri tutýan ugurlary — ählumumy durnukly ösüşiň bähbidine
Hormatly Prezidentimiz Serdar Berdimuhamedowyň geçen hepdede Baku we Ýerewan şäherlerinde geçirilen ýokary derejeli çärelere gatnaşmagy dünýäde ählumumy hyzmatdaşlygyň jogapkärli gatnaşyjysy hökmünde ýurdumyzyň yzygiderli artýan abraýynyň nobatdaky aýdyň subutnamasy boldy.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.