Türkmenbaşy deňiz portunyň logistika mümkinçilikleri barha artýar
07-12-21
Türkmenistan gyrgyz hyzmatdaşlaryna Gündogar — Günbatar — Gündogar ugry boýunça ýükleri daşamakda Türkmenbaşy Halkara deňiz portunyň kuwwatlyklaryny ulanmagyň mümkinçiligine garamagy teklip etdi. Bu baradaky teklip penşenbe güni sanly ulgam arkaly geçirilen Söwda-ykdysady, ylmy-tehniki we ynsanperwer hyzmatdaşlyk boýunça hökümetara türkmen-gyrgyz toparynyň bäşinji mejlisiniň dowamynda maslahat edildi.
Türkmenistanyň resmi metbugatynyň habar berşi ýaly, toparyň işine iki ýurduň degişli ministrlikleriniň, pudaklaýyn dolandyryş edaralarynyň we işewür toparlarynyň ýolbaşçylary hem-de wekilleri gatnaşdylar.
Habarda bellenilişi ýaly, mejlisiň dowamynda iki ýurdy Hazar deňzine çykalga bilen baglanyşdyrmaga gönükdirilen ulag geçelgesi boýunça teklipler beýan edildi.
Munuň bilen birlikde, taraplar gepleşikleriň çäklerinde söwda-ykdysady ulgamda hyzmatdaşlygy diwersifikasiýa ýoly bilen ilerletmäge, özara haryt dolanyşygynyň mukdarynyň artdyrylmagyna ýardam bermäge gönükdirilen anyk çäreleri ara alyp maslahatlaşdylar hem-de öňde durýan wezipeleri kesgitlediler. Şeýle hem eksport-import amallaryny artdyrmaga we iberilýän harytlaryň, hödürlenilýän hyzmatlaryň görnüşlerini giňeltmäge, maýa goýumlar babatda gatnaşyklary ösdürmäge iki döwletiň ykdysadyýet edaralarynyň arasynda göni gatnaşyklary ýola goýmak boýunça goşmaça çäreleri görmegiň zerurdygy bellenildi.
Toparyň agzalary geljegi uly ugurlary ösdürmegiň ähmiýetini kesgitläp, iki ýurduň işewür toparlarynyň arasynda göni gatnaşyklary ýola goýmaga ýardam bermegiň, bilelikdäki önümçiligi giňeltmegiň hem-de çuňlaşdyrmagyň, bilelikdäki kärhanalary döretmegiň iş alyp barmagyň möhüm şerti bolandygyny we şeýle bolmagynda galýandygyny nygtadylar.
Söwda-ykdysady, ylmy-tehniki we ynsanperwer hyzmatdaşlyk boýunça Hökümetara türkmen-gyrgyz toparynyň işiniň netijeleri boýunça degişli Teswirnama gol çekildi.
Nurana BEGMATOWA,
S.A.Nyýazow adyndaky Türkmen oba hojalyk uniwersitetiniň talyby.
Türkmenistanyň Awtomobil ulaglary ministrligi halkara sergä gatnaşdy
Türkmenistanyň Söwda-senagat edarasynda ýurdumyzyň hemişelik Bitaraplygynyň 30 ýyllygyna we Halkara Bitaraplyk gününe bagyşlanan giň gerimli sergi geçirildi. Oňa Türkmenistanyň Awtomobil ulaglary ministrligi hem gatnaşdy.
Medeniýet we sungat ussatlarynyň baýramçylyk konserti
Paýtagtymyzda Halkara parahatçylyk we ynanyşmak ýyly, Halkara Bitaraplyk güni, Türkmenistanyň hemişelik Bitaraplygynyň 30 ýyllygy mynasybetli medeniýet we sungat ussatlarynyň baýramçylyk konserti boldy. Oňa hormatly Prezidentimiz Serdar Berdimuhamedow ýurdumyzda geçirilen halkara çärelere gatnaşmak üçin Aşgabada gelen daşary ýurtlaryň döwlet we hökümet Baştutanlary bilen bilelikde gatnaşdy.
Dünýä liderleri Aşgabatda Bitaraplyk binasyna gül desselerini goýdular
Türkmenistanyň hemişelik Bitaraplygynyň 30 ýyllygyna bagyşlanan halkara dabaralara gatnaşmak üçin ýurda gelen döwlet baştutanlary we hökümet ýolbaşçylary anna güni Aşgabatda Bitaraplyk binasyna gül goýmak dabarasyna gatnaşdylar. Bu barada Türkmenistanyň resmi metbugaty habar berýär.
Aşgabatda Türkmenistanyň hemişelik Bitaraplygynyň 30 ýyllygy mynasybetli Halkara forum geçirilýär
Şu gün paýtagtymyzyda Halkara parahatçylyk we ynanyşmak ýyly, Halkara Bitaraplyk güni we Türkmenistanyň hemişelik Bitaraplygynyň 30 ýyllygy mynasybetli Halkara forum geçirilýär. Oňa dünýä döwletleriniň, halkara we sebit guramalarynyň ýokary derejeli wekiliýetleri gatnaşýarlar.
Türkmenistanyň Söwda-senagat edarasynda Bitaraplygynyň 30 ýyllyk mynasybetli giň gerimli sergi açyldy
Düýn berkarar Watanymyzyň hemişelik Bitaraplygynyň 30 ýyllyk baýramçylygy we Halkara Bitaraplyk güni mynasybetli paýtagtymyzda, Türkmenistanyň Söwda-senagat edarasynda giň gerimli sergi açyldy. Oňa ajaýyp sene mynasybetli dürli dabaralara gatnaşmak üçin Türkmenistana gelen köp sanly daşary ýurtly myhmanlar hem-de halkara guramalaryň wekilleri hem baryp gördüler.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.