INNOWASION TEHNOLOGIÝALAR — ÖSÜŞIŇ TÄZE DEREJESI
22-12-21
Berkarar döwletimiziň bagtyýarlyk döwründe ýurdumyzda intellektual tehnologiýalar ulgamyny ösdürmek, halk hojalygynyň ähli pudaklaryna innowasion tehnologiýalaryň ornaşdyrylmagyny gazanmak hem-de bu ugurlarda halkara derejesinde hyzmatdaşlygy ýola goýmak möhüm wezipeleriň biri hökmünde ileri tutulýar. Onuň üstünlikli çözgüdinde-de jemgyýetimiziň ähli düzümleriniň sanly ykdysadyýete çekilmegini üpjün etmek esasy talaba öwrülýär. Sanly ulgama geçmekde «Türkmenistanda sanly bilim ulgamyny ösdürmegiň Konsepsiýasy» örän uly ähmiýete eýedir.
Konsepsiýanyň wezipeleriniň hatarynda ähli bilim edaralaryna sanly bilim tehnologiýalarynyň ornaşdyrylmagyny, dersler boýunça döwrebap elektron-usuly toplumlaryň işlenilip taýýarlanylmagyny, uzak aralykdan bilim bermegiň täze tehnologiýalarynyň ulanylmagyny we beýlekileri görkezmek bolar. Sanly bilim maglumat alyşmaga, okamaga we okuw materiallaryny öwrenmäge mümkinçilik berer. Sanly bilim we multimediýa serişdelerini işjeň ulanmak bolsa, her bir mugallymyň öňünde durýan möhüm wezipedir.
Ýurdumyzyň ýokary, orta hünär okuw mekdeplerinde multimediýa we sanly serişdeleri ulanmagyň mümkinçilikleriniň barha artýandygyny bellemelidiris. Munuň özi soňky ýyllarda döwlet tarapyndan berilýän goldawyň çäklerinde ýurdumyzyň ähli künjeklerinde bilim bermegiň hilini hem-de netijeliligini artdyrmakda döwrebap maglumat we aragatnaşyk tehnologiýalarynyň girizilýändigi, kompýuter we multimediýa enjamlary bilen üpjün edilýändiginde şertlenýär.
Kämil bilim ulgamyna multimediýa tehnologiýalarynyň ornaşdyrylmagy özüniň netijeli taraplaryny görkezýär. Hawa, ХХI asyr — ylym–bilimiň, ösüşleriň, maglumat tehnologiýalarynyň asyry. Şulary nazara alyp aýtsak, kompýuter we multimediýa tagtasy suraty, sesi, çyzgylary, hereketi peýdalanmak arkaly harby talyplara geçilýän sapagy has giňişleýin düşündirmäge oňyn şert döredýär. Şeýle-de okatmagyň, bilim bermegiň köpçülikleýin, toparlaýyn, aýratynlykdaky görnüşlerini ulanmaga bolan mümkinçilik artýar.
Innowasion bilim beriş usullaryny we maglumat tehnologiýalaryny özleşdirýän mugallymlaryň hünäri yzygiderli ýokarlandyrylýar. Ýurdumyzyň hem-de daşary ýurtlaryň okuw mekdepleriniň arasynda bilim maksatly halkara gatnaşyklar ösdürilýär. Türkmenistanyň Ýewropanyň, Aziýanyň, ABŞ-nyň abraýly ylym we bilim merkezleri bilen ysnyşykly gatnaşyklary ýola goýup, şu döwletlerde türkmen talyplarynyň sanynyň ep-esli artmagynyň gazanylandygyny ýatlamak hem ýerliklidir.
Ýurdumyzda bilim ulgamynda amala aşyrylýan özgertmeler mugallymlardan hemmetaraplaýyn taýýarlygy talap edýär. Hormatly Prezidentimiziň öňümizde goýan wezipelerini çözmek üçin sapaklary multimediýa, interaktiw usullaryny, audio-wideo ýazgylaryny, okuw kitaplarynyň elektron görnüşlerini, maglumat kitapçalaryny ulanyp geçmek möhümdir. Häzirki wagtda ýurdumyzyň, şonuň ýaly-da baky Bitarap Watanymyzyň ähli ýokary, orta mekdeplerinde öňdebaryjy tejribeler ornaşdyrylýar.
Aýbölek MUHAMMEDOWA,
Halkara ynsanperwer ylymlary we ösüş uniwersitetiniň talyby.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.