“AŞTU” ÝGPJ täze resmi web saýtyny işe girizdi
08-12-21
“Aşgabat şäher telefon ulgamy” ýapyk görnüşli paýdarlar jemgyýeti sanly platformalary täzelemegiň çäklerinde täzelenen resmi web sahypasyny tanyşdyrdy.
Bu üýtgeşmeler interfeýsiň dizaýny bilen baglanyşykly. Sahypanyň ähli bölümleri maglumatlary görkezmek üçin birmeňzeş standartlara laýyklykda gurnalypdyr. Saýtyň beýleki ähli serwisleri öňki tertipde işleýär.
Mälim bolşy ýaly, AŞTU-nyň resmi sahypasynda her bir abonentiň “Şahsy otaga” girip, internetiň, şäheriçi telefonyň, IPTV-niň balansyny görmek mümkinçiligi bardyr. Şeýle hem bu hyzmatlar üçin bank kartlary arkaly onlaýn töleg tölemek mümkindir. Saýtyň esasy sahypasynda “Altyn Asyr”, “MasterCard” we “VISA” töleg ulgamynyň bank kartalaryny ulanyp, şahsy hasabyň balansyny doldurmak üçin widjet hem ýerleşdirilen.
Resmi web saýtyň ykjam we desktop enjamlary üçin niýetlenen görnüşlerine hem üýtgetmeler girizildi. Netijede, indi resmi saýt ykjam enjamlarda has tiz işlär.
Türkmenistan bilen Azerbaýjan ulag-logistika hyzmatdaşlygyny ösdürýär
Azerbaýjan bilen Türkmenistan ulag-logistika hyzmatdaşlygyny ösdürmegiň çäginde Baku, Alýat we Türkmenbaşy portlarynyň has giňden ulanylmagyny işjeň öňe sürýärler. Bu barada Azerbaýjanyň daşary işler ministriniň orunbasary Samir Şarifow Bakuda geçirilen “Azerbaýjan bilen Türkmenistanyň köpugurly hyzmatdaşlygy: gazananlar we geljekki mümkinçilikler” atly simpoziumda eden çykyşynda belledi.
Türkmenistan Eýrandan gelýänlere ynsanperwerlik goldawyny bermegi dowam edýär
Türkmenistan Eýrandan gelýän daşary ýurt raýatlary üçin 24 sagatlyk ynsanperwerlik geçelgesini üpjün edýär. Häzirki wagtdaky ýagdaýa görä, Hindistanyň, Hytaýyň, Pakistanyň we beýleki ýurtlaryň raýatlary bolan ýüzlerçe adam barlag-goýberiş nokatlary arkaly Türkmenistanyň döwlet serhedinden geçdi.
Hytaý bilen Merkezi Aziýanyñ arasyndaky ulaglar arkaly söwda dolanyşygy ýanwar-maý aýlarynda iñ ýokary görkezijilerine ýetdi
2025-nji ýylyñ ýanwar-maý aýlarynda Hytaý bilen Merkezi Aziýanyñ bäş ýurdunyñ (Gazagystan, Gyrgyzystan, Täjigistan, Türkmenistan we Özbegistan) arasyndaky söwdanyñ möçberi geçen ýylyñ şol bir döwri bilen deñeşdirilende, 10,4 % artyp, 286,42 mlrd ýuana (39,91 mlrd $ golaý) ýetdi. Bu barada Hytaýyñ Baş gümrük müdiriýeti habar berýär.
Emeli aň we sanlylaşdyrma boýunça seminar geçirildi
Ýakynda Ýagşygeldi Kakaýew adyndaky Halkara nebit we gaz uniwersitetinde “Ýokary bilim ulgamynda sanlylaşdyrma, IT we emeli aň” atly okuw seminary geçirildi. Ony ABŞ-nyň Fullbright alyş-çalyş maksatnamasynyň hünärmeni doktor Melda Ýyldyz geçirdi.
Türkmenbaşy Halkara deňiz portunyň we Päkistanyň portlarynyň wekilleri hyzmatdaşlygy giňeltmek hakynda maslahatlaşdylar
2025-nji ýylyň 17-njy iýunynda Türkmenbaşy Halkara deňiz portunyň wekilleri bilen Päkistan Yslam Respublikasynyň Gwadar hem-de Karaçi portlarynyň wekilleriniň arasynda porty dolandyrmak we işletmek boýunça tejribe alyşmak babatynda hyzmatdaşlyk bilen bagly meseleleri ara alyp maslahatlaşmak üçin wideoaragatnaşyk arkaly gepleşik geçirildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.