Aşgabat-Astrahan ugry boýunça göni uçuşlarynyň ýola goýulmagy teklip edilýär
14-12-21
Russiýa Federasiýasynyň Astrahan oblastynyň gubernatory Igor Babuşkin Türkmenistanyň hökümetine COVID-19 bilen baglanyşykly çäklendirmeler ýatyrylansoň, “Türkmenhowaýollary” tarapyndan Astrahan-Aşgabat ugry boýunça göni uçuş gatnawlaryny ýola goýmagyň mümkinçiligini öwrenmegi teklip etdi.
Bu baradaky teklip gubernatoryň Türkmenistanyň Ministrler Kabinetiniň Başlygynyň orunbasary, Daşary işler ministri Raşid Meredow hem-de Türkmenistanyň Ministrler Kabinetiniň Başlygynyň orunbasary, Ykdysady hyzmatdaşlyk boýunça hökümetara türkmen-rus toparynyň türkmen tarapynyň ýolbaşçysy Serdar Berdimuhamedow bilen Aşgabatda penşenbe güni geçirilen duşuşygyň dowamynda beýan edildi.
Astrahan oblastynyň gubernatorynyň resmi metbugatynyň duşuşyk boýunça beýanatyna görä, Astrahan bilen Aşgabadyň arasynda yzygiderli howa gatnawlarynyň ýola goýulmagynyň möhümdigi bellenilip, munuň “işewür we ynsanperwer gatnaşyklarynyň ösmegine goşant goşjakdygy” nygtaldy.
Gepleşikleriň dowamynda resmiler Astrahanyň “Olýa” deňiz portunda Türkmenistanyň logistika merkezini açmak barada ylalaşdylar.
Babuşkin logistika merkeziniň Türkmenistan bilen Astrahan oblastynyň arasyndaky söwdanyň ösmegine goşant goşjakdygyny aýtdy.
Logistika merkezini döretmek kararyny goldap, Raşid Meredow ýakyn günlerde türkmen tarapyndan taslama utgaşdyryjysyny bellejekdigini aýtdy. Şeýle-de ol indiki hepde sanly ulgam arkaly bu mowzuk boýunça ilkinji bilelikdäki maslahaty geçirmegi teklip etdi.
Astrahanyň gubernatory Aşgabat şäherine eden saparynyň çäklerinde Türkmenistanyň Prezidenti Gurbanguly Berdimuhamedow bilen hem gepleşik geçirdi.
Türkmenistan bilen Azerbaýjan ulag-logistika hyzmatdaşlygyny ösdürýär
Azerbaýjan bilen Türkmenistan ulag-logistika hyzmatdaşlygyny ösdürmegiň çäginde Baku, Alýat we Türkmenbaşy portlarynyň has giňden ulanylmagyny işjeň öňe sürýärler. Bu barada Azerbaýjanyň daşary işler ministriniň orunbasary Samir Şarifow Bakuda geçirilen “Azerbaýjan bilen Türkmenistanyň köpugurly hyzmatdaşlygy: gazananlar we geljekki mümkinçilikler” atly simpoziumda eden çykyşynda belledi.
Türkmenistan Eýrandan gelýänlere ynsanperwerlik goldawyny bermegi dowam edýär
Türkmenistan Eýrandan gelýän daşary ýurt raýatlary üçin 24 sagatlyk ynsanperwerlik geçelgesini üpjün edýär. Häzirki wagtdaky ýagdaýa görä, Hindistanyň, Hytaýyň, Pakistanyň we beýleki ýurtlaryň raýatlary bolan ýüzlerçe adam barlag-goýberiş nokatlary arkaly Türkmenistanyň döwlet serhedinden geçdi.
Hytaý bilen Merkezi Aziýanyñ arasyndaky ulaglar arkaly söwda dolanyşygy ýanwar-maý aýlarynda iñ ýokary görkezijilerine ýetdi
2025-nji ýylyñ ýanwar-maý aýlarynda Hytaý bilen Merkezi Aziýanyñ bäş ýurdunyñ (Gazagystan, Gyrgyzystan, Täjigistan, Türkmenistan we Özbegistan) arasyndaky söwdanyñ möçberi geçen ýylyñ şol bir döwri bilen deñeşdirilende, 10,4 % artyp, 286,42 mlrd ýuana (39,91 mlrd $ golaý) ýetdi. Bu barada Hytaýyñ Baş gümrük müdiriýeti habar berýär.
Emeli aň we sanlylaşdyrma boýunça seminar geçirildi
Ýakynda Ýagşygeldi Kakaýew adyndaky Halkara nebit we gaz uniwersitetinde “Ýokary bilim ulgamynda sanlylaşdyrma, IT we emeli aň” atly okuw seminary geçirildi. Ony ABŞ-nyň Fullbright alyş-çalyş maksatnamasynyň hünärmeni doktor Melda Ýyldyz geçirdi.
Türkmenbaşy Halkara deňiz portunyň we Päkistanyň portlarynyň wekilleri hyzmatdaşlygy giňeltmek hakynda maslahatlaşdylar
2025-nji ýylyň 17-njy iýunynda Türkmenbaşy Halkara deňiz portunyň wekilleri bilen Päkistan Yslam Respublikasynyň Gwadar hem-de Karaçi portlarynyň wekilleriniň arasynda porty dolandyrmak we işletmek boýunça tejribe alyşmak babatynda hyzmatdaşlyk bilen bagly meseleleri ara alyp maslahatlaşmak üçin wideoaragatnaşyk arkaly gepleşik geçirildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.