Poçta hyzmatlarynyň kanunçylyk binýady tehnologiýa döwri esasynda diwersifikasiýalaşdyrylýar
16-12-21
Hormatly Prezidentimiziň 2021-nji ýylyň 25-nji fewralynda «Ýurdumyzda poçta ulgamynda jemgyýetçilik gatnaşyklaryny, poçta işiniň taraplarynyň hukuklaryny hem-de borçlaryny we bu ugurda döwlet edaralarynyň ygtyýarlyklaryny hukuk taýdan düzgünleşdirmek maksady bilen, ulgamyň hukuk esasyny kämilleşdirmeli» diýip beren anyk tabşyryklaryndan ugur alyp, ýakynda «Poçta aragatnaşygy hakynda» Türkmenistanyň kanunçylyk-hukuk binýadyny kesgitleýän kanunçylyk namalary girizildi.
Türkmenistanyň «Poçta aragatnaşygy hakynda» kanuny poçta ulgamynyň hyzmatlaryny diwersifikasiýa ýoly bilen ösdürmek bilen poçta aragatnaşygy çygrynda işiň hukuk esasyny belleýän, şeýle hem poçta aragatnaşygynyň operatorlarynyň hem-de poçta aragatnaşygynyň hyzmatlaryndan peýdalanyjylaryň kanunçylyk-hukuk binýadyny kesgitleýän kadalarynyň jemidir.
Kanunda peýdalanyjylaryň esasy hukuklary we borçlary giňişleýin beýan edilýär. Şeýle hem ýerine ýetirilýän köpugurly poçta aragatnaşyk hyzmatlary, ýagny tizleşdirilen we çapar poçta aragatnaşyk hyzmatlary, poçta aragatnaşyk hyzmatlarynyň nyrhnamalary, poçta ugratmalaryny Türkmenistanyň çäginde ibermegiň we eltip bermegiň möhletleri anyk bellenip geçilýär.
Kanunda häzirki sanly tehnologiýalar döwründe Bütindünýä poçta birleşiginiň düzgünlerine laýyklykda, dünýä ýurtlaryna çaltlandyrylan poçta iberme hyzmatlary, möhüm resminamalary sargyt boýunça çalt gowşurmaklyk hyzmatlary ýokary hilli hyzmat etmek arkaly gysga wagtyň içinde amala aşyrmak wezipelerini çözmäge gönükdirilen ugurlar görkezilýär.
Elektron habar — telekommunikasiýa ulgamy, internet tory ýa-da elektron göterijini ulanmak arkaly elektron görnüşde iberilýän maglumatlaryň binýadyny kämilleşdirmek, daşamak, eltip bermek we gowşurmak arkaly poçta ugratmalaryny alyjynyň poçta ugratmasyny alandygy barada habarnamanyň operator tarapyndan ugradylmagy kagyz göterijide ýa-da elektron habar görnüşinde amala aşyrylmagyň döwrebap ýerine ýetirilişi kesgitlenilýär.
Kanunda poçta howpsuzlygyny üpjün etmek baradaky kadalar we operatorlara eltip bermek üçin berlen neşir önümleriniň abat saklanylmagynyň üpjün edilmegi boýunça çäreleriň toplumy hem göz öňünde tutulýar.
Berkarar döwletimiziň bagtyýarlyk döwründe poçta hyzmatlarynyň döwrebaplaşdyrylan we ýönekeýleşdirilen görnüşlerini ornaşdyrmak we müşderiler üçin poçta hyzmatlarynyň hilini ýokarlandyrmak «Türkmenaragatnaşyk» agentliginiň «Türkmenpoçta» poçta aragatnaşyk kompaniýasynyň hünärmenleriniň esasy wezipesi bolup durýar.
Hormatly Prezidentimiziň parasatly başlangyçlary esasynda ýurdumyzy durmuş-ykdysady taýdan ösdürmegiň uzakmöhletleýin maksatnamasynyň üstünlikli durmuşa geçirilmegi netijesinde poçta ulgamynyň kanunçylyk binýady ýurdumyzyň parahatçylyk, abadançylyk we durnuklylyk syýasyny has-da dabaralandyrar.
Aýgözel ANNAMÄMMEDOWA,
«Türkmenaragatnaşyk» agentliginiň «Türkmentelekom» elektrik aragatnaşyk kompaniýasynyň hünärmeni.
Türkmenistanyň wekiliýeti Özbegistanda geçirilýän halkara mediaforumyna gatnaşýar
Türkmenistanyň wekiliýeti Özbegistan Respublikasynyň Daşkent we Samarkant şäherlerinde 24–29-njy awgust aralygynda geçirilýän «Yslam siwilizasiýasy: täze garaýyş, täze açyşlar» atly halkara mediaforumyna gatnaşýar. Forumyň işine dünýäniň 50-den gowrak ýurdundan köpçülikleýin habar beriş serişdeleriniň, ylmy we medeni ulgamlaryň wekilleri gatnaşýarlar. Bu barada Türkmenistanyň DIM-niň web-saýtynda habar berilýär.
“elkitap” programmasy bäş dilde elektron we audiokitaplary hödürleýär
“elkitap” programmasy ulanyjylara türkmen, rus, iňlis, türk we ýakynda goşulan nemes dillerinde elektron hem-de audiokitaplary hödürleýär. Bu barada programmanyň kontent menejeri Oleg Sanjiýew Aşgabatda 19–22-nji awgust aralygynda geçirilen “Kids Expo 2026: Ähli zat çagalar üçin” halkara sergi-ýarmarkasynyň dowamynda “Business Turkmenistan” neşirine beren gürrüňdeşliginde aýtdy.
Pakistanyň işewür wekiliýeti “Aýdyň Gijeler” kärhanasynyň önümçilik işleri bilen tanyşdy
Pakistanyň işewür toparlarynyň we resmi edaralarynyň wekilleri iki ýurduň arasyndaky söwda gatnaşyklaryny pugtalandyrmak maksady bilen “Aýdyň Gijeler” kompaniýasyna iş saparyny amala aşyrdylar. Bu barada kompaniýa şenbe güni habar berdi.
Türkmenistan bilen Pakistan maglumat tehnologiýalary ulgamynda hyzmatdaşlygy ösdürer
Türkmenistanyň Pakistan Yslam Respublikasyndaky ilçihanasynda Pakistan Yslam Respublikasynyň Maglumat tehnologiýalary we telekommunikasiýalar ministrliginiň Halkara utgaşdyrma bölüminiň agzasy Muhammad Amir Maligiň ýolbaşçylygyndaky wekiliýet bilen duşuşyk geçirildi. Duşuşyk 20-nji awgustda geçirilip, onuň dowamynda taraplar maglumat tehnologiýalary ulgamynda ikitaraplaýyn hyzmatdaşlygy mundan beýläk-de ösdürmegiň mümkinçiliklerini ara alyp maslahatlaşdylar.
Astrahanda noýabr aýynda IV “Demirgazyk — Günorta” halkara forumy geçiriler
Çäräni gurnaýjylar forumyň halkara düzümini giňeltmegi meýilleşdirip, gatnaşyjy ýurtlaryň sanyny 15-den 22-ä, wekilleriň sanyny bolsa 350-den gowrak adama ýetirmegi göz öňünde tutýarlar. Çärä Russiýanyň, Eýranyň, Gazagystanyň, Türkmenistanyň, Yragyň, Owganystanyň, Türkiýäniň, Omanyň we Birleşen Arap Emirlikleriniň logistika kompaniýalarynyň wekilleriniň gatnaşmagyna garaşylýar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.