Saz — ruhy iýmit
20-11-25
Saz diňlemek ynsanyň ruhuny göterýär. Alymlaryň ençeme geçiren barlaglarynyň netijesinden soňra, saz diňlemegiň ynsany fiziki we ruhy taýdan sagdynlaşdyrýar. Saz diňlemek uky bozulmalaryna, gaýgy, nerwi ulgamyna, beden we beýni rahatsyzlygyna oňaýly täsir edýär.
Geçirilen barlaglaryň netijesinde, saz diňlemek düwnük keseliniň agyrylaryna gowy täsirini ýetirýänligi anyklandy. Başga bir barlagda bolsa, ýaşy uly, gartaşan adamlara, beden näsazlygyndaky adamlara saz diňlemek bilen agyrlarynyň gowşaýandygyna göz ýetiripdirler.
Saz diňläp naharlanan adam artykmaç iýmitlenmeýär we iýýän tagamy has-da lezzetli bolýar. Bedene bolsa, az mukdarda kaloriýa barýandygy anyklandy. Eger-de bedeniňiziň agramyny peseltmek isleseňiz, naharlanan pursadyňyzda saz diňläp bilersiňiz. Saz diňlemek ukusyzlyga garşy ilkinji ýardamçydyr. Geçirilen barlaglaryň netijesinde, ýatmazdan 45 minut öň klassiki sazlary diňleýän talyplaryň, sesli kitap diňleýänlerden has rahat uky alyp, ertirlerine işjeň ýagdaýda oýanýandyklary anyklandy.
Saz diňlemek we saz gurallary arkaly saz çalmak adamyň nerwi ulgamyny kadalaşdyrýar. Nerwi ulgamynyň işi bozulan ýagdaýynda, saz diňlenilse, adama rahatlyk bermek bilen birlikde, nerwi ulgamynda dörejek dürli keselleriniň hem öňüni alar. Ulag dolandyrýan pursadyňyzda aýdym diňlemegi däl-de saz diňlemegi saýlasaňyz, siz seresaply we has ünsli bolarsyňyz. Islendik adam ulagy dolandyran pursadynda, saz diňlese özüne bolan ynamy, ünslüligi artar.
Aýdym-saz gündelik durmuşyň tozanyny ruhdan aýyrýar.
Aýdym-saz terjime edilmeginiň zerurlygy ýok bolan ýeke-täk dünýä dilidir.
Berthold Auerbach
* * *
Meniň pikirimçe, aýdym-sazda iň möhüm zat hakykatdan gaçmak duýgusydyr.
Thom Yorke
* * *
Saz, paýhasdan we pelsepeden has ýokary ylhamdyr.
Bethoven
* * *
Söz we hereket, haçanda olary aýdym-saz ganatlaryna alanda gaty möhüm bolýar.
Anatoliý Wasiliýewiç Lunaçarskiý
* * *
Beden saglygy akyl saglygyndan gelýär. Dogry saz nerwleri köşeşdirip dynç almaga kömek edýär we munuň üsti bilen bolsa akyl rahatlygy çykýar.
Şri Ganapati
* * *
Saz dünýädäki iň beýik sungatdyr.
Aýdym-sazyň täsiri astynda aslynda duýmaýan zadymy duýýan, düşünmeýän zadymy düşünýän, edip bilmeýän zadymy edip bilýän ýaly duýýaryn ...
Lew Nikolaýewiç Tolstoý
* * *
Ajaýyp saz sungatyny söýüň we öwreniň. Size ýokary duýgularyň, hyjuwlaryň, pikirleriň tutuş dünýäsini açar. Ruhy taýdan baýlaşdyrar. Aýdym-sazyň kömegi bilen ozal özüňize näbelli täze güýçleri taparsyňyz. Durmuşy täze äheňlerde we reňklerde görersiňiz.
D. Şostakowiç
Enejan AMANGULYÝEWA,
Maýa Kulyýewa adyndaky Türkmen milli konserwatoriýanyň ýanyndaky Daňatar Öwezow adyndaky Türkmen Döwlet ýörite sazçylyk mekdebiniň mugallymy.
Türkmen edebiýatynyň sarsmaz binýady
Magtymgulynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Çünki şahyr hemişe olaryň pikirlerini we umyt-arzuwlaryny beýan edip, pähim-paýhasyň we ýokary ahlagyň nusgasy saýylypdyr. Watan söýgüsine, agzybirlige we doganlyga çagyryş edýän türkmen halkynyň beýik oglunyň şahyrana setirlerinde beýan edilýän çuňňur pikirler diňe bir türkmeniň ýüreginde däl, eýsem beýleki halklaryň wekilleriniň ýüreklerinde-de ýaňlanýar.
GARAŞSYZLYK – DURNUKLY ÖSÜŞIŇ AÝDYŇ NYŞANY
Ata Watanymyz Türkmenistanyň şanly taryhyna altyn harplar bilen ýazyljak beýik bayramçylygyň - mukaddes Garaşsyzlygymyzyň 35 ýyllyk toýunyň öňýanynda ýurdumyz hakyky baýramçylyk şatlygyna beslenýär. Ýyl geçdikçe şan-şöhraty dünýä ýaýylýan berkarar döwletimizde asuda halkymyzyň bagtyýar durmuşy, döredijilikli zähmeti we geljege bolan synmaz ynamy her bir adamyň kalbynda buýsanç duýgularyny oýarýar.
DÖWLETLILIGIŇ NYŞANY
Garaşsyz, baky Bitarap ýurdumyzda Gahryman Arkadagymyzyň tagallalary netijesinde her ýylyň döwrebap atlandyrylmagy asylly däbe öwrüldi. Munuň özi halkymyzyň abadançylygyny, raýatlarymyzyň watançylyk ruhuny, olaryň Berkarar döwletiň täze eýýamynyň Galkynyşy döwründe amala aşyrylýan giň möçberli durmuş-ykdysady özgertmelere goşant goşmak hyjuwyny şöhlelendirýär.
BEDEW BATLY ÖSÜŞLERIŇ MEKANY
Berkarar döwletiň täze eýýamynyň Galkynyşy döwründe mukaddes Watanymyz Türkmenistan özüniň taryhy ösüşiniň täze, hakykatdan-da, bedew batly tapgyryna gadam basdy. Arkadagly Gahryman Serdarymyzyň parasatly ýolbaşçylygynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýlip yglan edilmegi, halkymyzyň milli buýsanjyna bolan sarpanyň we ýurdumyzyň geljege bolan okgunlylygynyň aýdyň beýanydyr.
TÜRKMENIŇ BUÝSANJY - BEHIŞDI BEDEW
Berkarar döwletiň täze eýýamynyň Galkynyşy döwründe mukaddes Watanymyz Türkmenistan dünýäniň iň batly depginler bilen ösýän, parahatçylygyň we rowaçlygyň mekanyna öwrüldi. Bu okgunly ösüşleriň simwoly hökmünde bolsa, biziň milli buýsanjymyz, taryhyň dowamynda halkymyzyň iň wepaly hemrasy we ruhy ganaty bolan Ahalteke bedewleri çykyş edýär.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.