MILLI ULAG ULGAMYMYZYŇ ÜSTÜNLIKLERI DÜNÝÄ ÝAÝYLÝAR
20-12-21
Hormatly Prezidentimiziň «Döwlet adam üçindir!» diýen baş ýörelgesi esasynda alyp barýan tutumly işleri mähriban halkymyzyň abadan, eşretli durmuşda ýaşamagyny üpjün edýär. Türkmenistan Watanymyz ilatyň ýaşaýyş derejesini yzygiderli ýokarlandyrmaga gönükdirilen ykdysady mümkinçiliklerini ösdürmek bilen, geljek üçin ösüşiň tapgyrlaryny ynamly meýilleşdirýär.
Mähriban Arkadagymyzyň pähim-paýhasy bilen Türkmenistanyň bäsleşige ukyply ykdysadyýetini kemala getirmek ýurdumyzy durnukly ösdürmegiň, dünýäniň ösen döwletleriniň ýokary durmuş derejesine çykarmagyň strategik ýoly bolup durýar.
Gahryman Arkadagymyzyň ýolbaşçylygynda eziz Watanymyz ählumumy abadançylygyň bähbidine özara peýdaly gatnaşyklary ösdürmegi ugur edinmek bilen, sebitleýin we ählumumy oňyn ýagdaýlaryň iş jeňleşdirilmegine, häzirki zamanyň möhüm meseleleriniň deňeçer çözgüdiniň işlenip taýýarlanylmagyna hemmetaraplaýyn ýardam berýär. Oňyn Bitaraplyk, parahatçylyk söýüjilik, hoş niýetli goňşuçylyk we netijeli gatnaşyklaryň ösdürilmegi ýaly ýörelgeleri daşary syýasat strategiýasynyň möhüm ugurlary hökmünde kesgitläp, Türkmenistan milli we ählumumy halkara bileleşiginiň bähbitlerine laýyk gelýän syýasaty ýöredýär.
Ulag-aragatnaşyk ulgamyny ösdürmek, demir ýol, awtomobil, deňiz, howa ulaglarynyň maddy-enjamlaýyn binýadyny pugtalandyrmak boýunça giň möçberli maksatnamalar, hereket edýän ulag geçelgelerini giňeltmek we täzelerini döretmek boýunça geljegi uly meýilnamalar daşary ýurtlar bilen hyzmatdaşlygy ösdürmekde, söwda, medeni we beýleki gatnaşyklary giňeltmekde täze mümkinçilikleri açýar. Bu ulgam goňşy döwletler bilen iri sebitleýin we yklymlaýyn taslamalary durmuşa geçirýän Türkmenistanyň syýasatynyň ileri tutulýan ugry bolup durýar.
Geografiki taýdan amatly ýerleşýän ýurdumyz sebit hem-de yklym ähmiýetli möhüm ulag-üstaşyr we logistiki merkez hökmünde öz ornuny barha berkidýär. Türkmenistanda ulag aragatnaşyk ulgamyny ösdürmek döwlet syýasatynyň ileri tutulýan ugurlarynyň birine öwrüldi. Bu ugra esasy ýardam etjek awtoulag ýollarynyň, köprüleriň, ýol aýrytlaryň gurluşyklary güýçli depginler bilen amala aşyrylýar. Gahryman Arkadagymyzyň öňden görüjilikli ýörelgesi, «Açyk gapylar» syýasaty esasynda mähriban Watanymyzyň XXI asyryň Beýik Ýüpek ýoluny döretmäge goşýan goşandy sebitiň ýurtlaryny durnukly ösüşe we parahatçylyga alyp barýar. Ýurdumyz ulag-kommunikasiýalar ulgamynda iri taslamalary, şol sanda sebit hem-de halkara ähmiýetli taslamalary amala aşyrmak bilen, ylmy-tehniki pikiriň öňdebaryjy gazananlaryna we innowasion tehnologiýalara aýratyn üns berýär.
Türkmenistanyň ykdysady kuwwatynyň berkidilmegi halkymyzyň hal-ýagdaýyny, ilatyň durmuş derejesini ýokarlandyrmaga gönükdirilen giň gerimli özgertmeleri geçirmäge mümkinçilik berýär. Häzirki döwürde Aşgabat - Türkmenabat ýokary tizlikli awtoulag ýolunyň gurluşygy gyzgalaňly ýagdaýda dowam edýär.Bu awtobanyň gurulmagy ýolagçylaryň gatnawyny ep-esli gowulandyrar, hereketiň çaltlygyny artdyrar, çykdajylary azaltmaga mümkinçilik berer, halk hojalygy üçin ýükleriň daşalýan möçberini artdyrmaga ýardam eder. Olar ýükleriň ulag arkalygoňşy döwletlere çalt ýetirilmegine hem kömek eder.
Geljekde Aşgabat - Türkmenabat ýokary tizlikli awtoulag ýolunyň Aşgabat - Türkmenbaşy awtoban ynasepleşmegi ýük ulaglarynyň Türkmenbaşydaky Halkara deňiz portuna we şol ýerden deňiz ýoly arkaly Kawkaza, Ýewropa, Russiýanyň günorta sebitine, Eýranyň demirgazygyna, Pars hem-de Oman aýlaglaryna çykmaklaryna mümkinçilik döreder.
Milli Liderimiziň taýsyz tagallasy bilen durnukly multimodal üstaşyr geçelgeleriniň döredilmegi awtoulag, demir ýol, deňiz, derýa hem-de howa ýollary ulgamlaryny utgaşdyrýan bir bitewi ulag ulgamyny emele getirmekde möhüm ädim bolup durýar. Hormatly Prezidentimiziň belleýşi ýaly, logistik merkezleriniň we deňiz portlarynyň, halkara howa menzilleriniň işiniň utgaşdyrylmagy sebitara hem-de halkara derejede ykdysady taýdan ösüşi gazanmaga ýardam edýär.
Biz ― ulag pudagynyň ýaş hünärmenleri şeýle iri halkara transmilli ulag-üstaşyr geçelgelerini durmuşa geçirmäge döredilýän giň mümkinçilikler üçin hormatly Prezidentimize tüýs ýürekden hoşallyk bildirýäris. Gahryman Arkadagymyzyň jany sag bolsun, maksatlary myrat tapsyn! Arkadag Prezidentimiziň tutuş adamzadyň bähbidine alyp barýan işleri mundan beýläk hem rowaçlyklara beslensin!
Möwlam HAÝTGULYÝEW,
Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň “Lebapawtoulag” önümçilik birleşiginiň hünärmeni
Abuna tassyklaýyş kody: 78390
Türkmenbaşy Halkara deňiz portunda «Liebherr» kompaniýasynyň hyzmat merkezini döretmek teklip edildi
Merkezi Aziýa döwletleriniň Baştutanlarynyň Germaniýa Federatiw Respublikasynyň Federal Kansleri Olaf Şols bilen Gazagystanyň paýtagtynda geçirilýän ikinji duşuşygyna gatnaşan hormatly Prezidentimiz Serdar Berdimuhamedow german işewür toparlarynyň wekilleri bilen duşuşdy.
Hormatly Prezidentimiz: Merkezi Aziýa sebitiniň we Germaniýanyň arasynda ykdysady gatnaşyklaryň uly geljegi bar
Hormatly Prezidentimiz Serdar Berdimuhamedow Astana şäherinde geçirilen «Merkezi Aziýa – Germaniýa» sammitindäki çykyşynda ykdysadyýeti Merkezi Aziýanyň ýurtlarynyň we Germaniýa Federatiw Respublikasynyň hyzmatdaşlygynyň ileri tutulýan ugry hökmünde görkezdi.
German kompaniýalary Türkmenistan bilen hyzmatdaşlygy giňeltmäge gyzyklanma bildirýärler
Ýakynda Astanada geçirilen Merkezi Aziýa ýurtlarynyň döwlet Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşan hormatly Prezidentimiz Serdar Berdimuhamedow dostlukly ýurduň işewür toparlarynyň wekilleri bilen duşuşdy.
Koreýanyň Türkmenistandaky Ilçisiniň “Balkan” gämi gurluşyk we abatlaýyş zawodyna iş sapary
Ýakyynda Koreýanyň Türkmenistandaky Ilçisi we Ilçihananyň wekilleri “Balkan” gämi gurluşyk we abatlaýyş zawodyna iş saparyny amala aşyrdylar. Saparyň dowamynda myhmanlar zawodyň önümçilik mümkinçilikleri we kuwwaty bilen tanyş boldular. Zawodyň wekilleri tarapyndan häzirki wagtda alnyp barylýan taslamalaryň durmuşa geçirilişi barada gürrüň berildi.
IRU we Türkmenistan awtoulag boýunça ýol kartasyny döretmek barada ylalaşdylar
IRU we Türkmenistan sentýabr aýynda awtomobil ulaglary boýunça ileri tutulýan ugurlaryna bagyşlanan ýokary derejedäki gepleşikleri geçirip, bu pudagyň ösdürilmeginiň esasy ugurlaryny ara alyp maslahatlaşdylar.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.