Türkmen gämi gurluşyk taslamasy maliýeleşdiriler
21-12-21
OPEC Halkara ösüş gaznasy (OPEC gaznasy) Türkmenistanda “Deňiz söwda floty” taslamasy üçin 45 million ABŞ dollary möçberinde karz serişdesini bölüp berer.
Bu karz dünýädäki durnukly ösüş amallary üçin OPEC gaznasy tarapyndan tassyklanan 352 million ABŞ dollarynyň bir bölegidir. Karz serişdesiniň bölünip berilmegi guramanyň Dolandyryş Geňeşiniň çarşenbe güni sanly ulgam arkaly geçirilen 178-nji mejlisinde ylalaşyldy. Bu barada OPEC gaznasynyň beýanatynda aýdylýar.
Beýanatda aýdylmagyna görä, Türkmenistandaky taslama demirýol, ýolagçy we gury ýükler üçin üç sany täze gäminiň gurluşygyny öz içine alar we täze gämiler işe girizilenden soň Ýewropa-Kawkaz-Aziýa ulag geçelgesiniň bir bölegi hem-de ýurtdaky iň uly portlaryň biri bolan Hazar deňzindäki Türkmenbaşy Halkara deňiz portunyň ulanylyşyny artdyrar.
OPEC gaznasy bu taslamanyň gämi zawodynyň işgärlerine gämi gurluşygy we abatlaýyş işleri boýunça tälimleriň berilmegi arkaly tehnologik tejribeleriň paýlaşyljakdygyny mälim etdi. Söwda we ykdysady işjeňligi ösdürmekden başga-da, taslamanyň esasanam ýaş uçurymlar üçin iş mümkinçiliklerini döretmegine garaşylýar.
OPEC gaznasy 1976-njy ýylda Nebiti eksport ediji döwletleriň guramasy (OPEC) tarapyndan esaslandyrylan hökümetara ösüş maliýe guramasydyr. Gurama agza ýurtlardan agza däl ýurtlara maliýe serişdeleri gönükdirýän ýeke-täk edaradyr.
https://business.com.tm/tm/post/7987/opec-gaznasy-turkmen-gami-gurlushyk-taslamasyna-45-million-karz-beryar
Türkmenistan bilen Azerbaýjan ulag-logistika hyzmatdaşlygyny ösdürýär
Azerbaýjan bilen Türkmenistan ulag-logistika hyzmatdaşlygyny ösdürmegiň çäginde Baku, Alýat we Türkmenbaşy portlarynyň has giňden ulanylmagyny işjeň öňe sürýärler. Bu barada Azerbaýjanyň daşary işler ministriniň orunbasary Samir Şarifow Bakuda geçirilen “Azerbaýjan bilen Türkmenistanyň köpugurly hyzmatdaşlygy: gazananlar we geljekki mümkinçilikler” atly simpoziumda eden çykyşynda belledi.
Türkmenistan Eýrandan gelýänlere ynsanperwerlik goldawyny bermegi dowam edýär
Türkmenistan Eýrandan gelýän daşary ýurt raýatlary üçin 24 sagatlyk ynsanperwerlik geçelgesini üpjün edýär. Häzirki wagtdaky ýagdaýa görä, Hindistanyň, Hytaýyň, Pakistanyň we beýleki ýurtlaryň raýatlary bolan ýüzlerçe adam barlag-goýberiş nokatlary arkaly Türkmenistanyň döwlet serhedinden geçdi.
Hytaý bilen Merkezi Aziýanyñ arasyndaky ulaglar arkaly söwda dolanyşygy ýanwar-maý aýlarynda iñ ýokary görkezijilerine ýetdi
2025-nji ýylyñ ýanwar-maý aýlarynda Hytaý bilen Merkezi Aziýanyñ bäş ýurdunyñ (Gazagystan, Gyrgyzystan, Täjigistan, Türkmenistan we Özbegistan) arasyndaky söwdanyñ möçberi geçen ýylyñ şol bir döwri bilen deñeşdirilende, 10,4 % artyp, 286,42 mlrd ýuana (39,91 mlrd $ golaý) ýetdi. Bu barada Hytaýyñ Baş gümrük müdiriýeti habar berýär.
Emeli aň we sanlylaşdyrma boýunça seminar geçirildi
Ýakynda Ýagşygeldi Kakaýew adyndaky Halkara nebit we gaz uniwersitetinde “Ýokary bilim ulgamynda sanlylaşdyrma, IT we emeli aň” atly okuw seminary geçirildi. Ony ABŞ-nyň Fullbright alyş-çalyş maksatnamasynyň hünärmeni doktor Melda Ýyldyz geçirdi.
Türkmenbaşy Halkara deňiz portunyň we Päkistanyň portlarynyň wekilleri hyzmatdaşlygy giňeltmek hakynda maslahatlaşdylar
2025-nji ýylyň 17-njy iýunynda Türkmenbaşy Halkara deňiz portunyň wekilleri bilen Päkistan Yslam Respublikasynyň Gwadar hem-de Karaçi portlarynyň wekilleriniň arasynda porty dolandyrmak we işletmek boýunça tejribe alyşmak babatynda hyzmatdaşlyk bilen bagly meseleleri ara alyp maslahatlaşmak üçin wideoaragatnaşyk arkaly gepleşik geçirildi.
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.