Magtymguly – beýik söz ussady
15-05-23
Hawa, akyldar şahyr “Magtymguly diýip adym tutsalar...” diýip arzuw edipdir. Adamzat kalbynyň şahyry Magtymguly Pyragynyň arzuwy Garaşsyzlyk ýyllarynda amala aşdy. Şahyr, ilkinji nobatda, berkarar döwleti isläpdir. Berkarar döwleti gurmagyň ilkinji synmaz sütüniniň agzybirlikdedigine düşünip, erkin-azat ýaşamagyň sakasy bolan agzybirligi arzuw edipdir. Arzuwlaryny özüniň ölmez-ýitmez eserlerine siňdiripdir. Ýaşan ömründe adamzat kalbynyň çuňluklaryna aralaşmagy başaran, şahyr Magtymguly Pyragynyň filosofiki pikirleriniň, kämil dünýägaraýşynyň diňe bir türkmen poeziýasyna däl, eýsem bütin dünýä poeziýasyna, medeniýetine ýetiren täsiri çäksizdir. Onuň many goýazylygy ýetik, özboluşly teoretiki garaýyşlara baý bolan şygyrlary bu günki gün bütin dünýäde söýlüp okalýar.
Gahryman Arkadagymyzyň “Mähriban topragynyň hakyky watançysy we onuň joşgunly waspçysy Magtymguly Pyragy ýüzlerçe ýyl mundan öň öziniň şygyrlarynda halkymyzyň agzybirligi we jebisligi, watanymyzyň azatlygy we bagtyýarlygy barada arzuw edipdi” diýip belleýşi ýaly, bu gün şahyryň ajaýyp şygyrlary öz ähmiýetini, çeperçilik gymmatyny, akyl paýhasa baý many-mazmunyny birjik-de egsenok.
Arkadagly Serdarymyzyň şahyryň doglan gününiň 300 ýyllygynyň giňden bellenip geçilmelidigi hakynda belläp geçmegi Berkarar döwletiň täze eýýamynyň Galkynyşy döwründe onuň ynsanperwerlige ýugrulan beýik ýörelgeleriniň bütin adamzadyň gymmatlygy hökmünde ykrar edilýändiginiň ajaýyp subutnamasydyr. Halkymyz geçen asyrlarda hem Magtymgulynyň şygyrlarynda öňe sürülýän paýhasy durmuşyň beýik kanuny hökmünde diýseň aýawly hem berk tutupdyr. Ony öziniň esasy ýörelgesine öwrüpdir. Magtymgulynyň öňe süren ruhy-ahlak garaýyşlary, ýagny ynsap, päklik, erkinlik, adalatlylyk ýörelgeleri türkmen halky üçin şu günem juda gymmatly bolmagynda galýar.
Bilşimiz ýaly, Gahryman Arkadagymyzyň ýörite çykaran Karary esasynda 2014-nji ýylda edebiýatymyzyň parlak ýyldyzy bolan Magtymgulynyň doglan gününiň 290 ýyllygy halkara derejesinde uly dabara bilen bellenip geçildi. Şeýle hem ussada goýulýan hormat hökmünde “Magtymguly adyndaky Halkara baýragy”, “Magtymguly Pyragy” medaly döredildi. Garaşsyz, baky Bitarap Diýarymyzda Magtymgulynyň ynsaplylyk, adamkärçilik ruhy halkymyzyň ýürekleriniň aýdymyna öwrüldi.
Şahyr:
- Jeýhun bile Bahry-Hazar arasy,
Çöl üstünden öser ýeli Türkmeniň.
- diýen goşgy setirleriniň üsti bilen göze görünip duran şekilinde ýurdumyzyň Döwlet kartasyny çekip görkezýär. Bu bolsa Magtymgulynyň jahankeşde adam bolandygyndan habar berýär. Ol umumadamzat şahyry, dünýäniň akyldarydyr. Şonuň üçin-de ol ähli döwürleriň, ähli göwünleriň şahyry hasaplanylýar.
Selim NURBERDIÝEW,
Türkmen döwlet binagärlik-gurluşyk institutynyň Ýol gurluşygy fakultetiniň 1-nji ýyl talyby.
Halk maslahaty — milli demokratiýanyň dabaralanmagy
Berkarar döwletimizde milli ýörelgelerimiz üstünlikli ösdürilýär, halkymyzyň bagtyýar durmuşy üçin beýik işler durmuşa geçirilýär. Gahryman Arkadagymyzyň, Arkadagly Gahryman Serdarymyzyň tagallalary bilen ata Watanymyz ähli babatda üstünliklere eýe boldy. Gahryman Arkadagymyzyň “Döwlet adam üçindir!” diýen baş ýörelgesi türkmen halkyna bagtyýar durmuşy peşgeş berdi.
Oba hojalyk pudagynyň ösdürilmegi — azyk bolçulygynyň kepili
Gadymy we baý ekerançylyk medeniýetiniň ýurdy hökmünde Türkmenistanda häzirki wagtda topraga yhlasly çemeleşmek täze many-mazmuna eýe bolýar. Gahryman Arkadagymyz tarapyndan oba hojalyk pudagynda başy başlanyp, häzirki wagtda hormatly Prezidentimiz Serdar Berdimuhamedowyň baştutanlygynda üstünlikli dowam etdirilýän giň gerimli özgertmeler öz oňyn netijelerini berýär.
Gurban baýramy – hoşmeýillilik we ýagşylyk baýramy
Şan-şöhraty äleme meşhur bolan gadymy hem müdimi türkmen halkynyň hoşniýetlilik, ynsanperwerlik, sahawatlylyk ýaly guýmagursak asylly ýörelgelerinden ugur alyp, merdana ata-babalarymyzyň asyrlaryň jümmüşinden gözbaş alyp gaýdýan özboluşly ruhy-ahlak gymmatlyklaryny aýawly saklamak, milli däp-dessurlarymyzy yzygiderli ösdürmek, raýatlarymyzyň bagtyýar durmuşda ömür sürmegini has-da ýokary derejelere çykarmak eziz Arkadagymyzyň döwlet syýasatynyň baş ugrudyr.
GURBAN BAÝRAMY - MUKADDES BAÝRAM
Berkarar döwletiň eýýamynyň Galkynyşy döwründe eziz Diýarymyzda ata-babalarymyzdan miras galan milli toýdur baýramlarymyz şatlyk-şowhuna beslenilip, giňden bellenilip geçilýär. Şol baýramlardan biri bolan Gurban baýramy adamzadyň sagdyn we tämiz ruhy-ahlak gözelliklerini, ynsanperwerlik ýörelgelerini dabaralandyrýan, ýüreklere şatlyk paýlaýan mukaddes baýramdyr. Mübärek Gurban baýramy bagtyýar halkymyzyň abadan, bagtyýar durmuşda ýaşaýandygyny alamatlandyrýar.
Özgerişiň we gözelligiň paýtagty
Milli senenamasynda 25-nji maý Aşgabat şäheriniň güni hökmünde dabaraly bellenilýär. Munuň özi halkymyzyň mermer paýtagtyna goýýan sylag-sarpasynyň, sap söýgüsiniň nyşanydyr. «Aşgabatda dünýä ülňülerine laýyk gelýän täze mekdep, çagalar bagy gurulýar» ýa-da «Ähli amatlyklary bolan ýaşaýyş jaýlary açylýar» diýen ýaly ýakymly hoş habarlar paýtagtymyzyň yzygiderli ösüşlere beslenýändiginiň aýdyň beýanydyr. H
HORMATLY PREZIDENTIMIZ SERDAR BERDIMUHAMEDOW:
– Häzirki döwürde Garaşsyz Türkmenistan öz ösüşiniň täze tapgyryna gadam basdy. Bu döwür «Berkarar döwletiň täze eýýamynyň Galkynyşy» diýlip atlandyryldy. Ösüşiň şu täze döwründe biz öz öňümizde has belent maksatlary goýduk.