Ulag ul­ga­my­nyň kuw­wa­ty­ny has-da ös­dür­mek ba­bat­da öňe sür­ülýän hal­ka­ra baş­lan­gyç­la­r dün­ýä jem­gy­ýet­çi­li­gi ta­ra­pyn­dan gyz­gyn gol­daw ta­pyp, bu baş­lan­gyç­lar üs­tün­lik­li dur­mu­şa or­naş­dy­ryl­ýar. Türk­me­nis­tan bu ul­gam­da ägirt uly kuw­wa­ta eýe bol­mak bi­len, iri hal­ka­ra we se­bit tas­la­ma­la­ry­nyň bir­nä­çe­si­ni ýerine ýetirýär. “Halkyň Arkadagly zamanasy” ýylynyň 18-19-njy martynda Özbegistanyň paýtagty Daşkent şäherinde Türkmenistanyň, Özbegistanyň, Azerbaýjanyň, Gruziýanyň, Gyrgyzystanyň we Türkiýäniň demir ýol ulag edaralarynyň ýolbaşçylarynyň iki günlük duşuşygy geçirildi.

Ulag ulgamynyň halkara hyzmatdaşlygyny has-da ýygjamlaşdyrmaga, sebitde durnukly ulag geçelgelerini döredilmegine bagyşlanyp  geçirilen halkara duşuşygynda çykyş edenler halkara ölçeglerine laýyk gelýän hem-de maglumat gatnaşyklarynyň ýokary hilini üpjün eldýän milli telekommunikasiýa ulgamynyň ösdürilmeginiň Türkmen döwletiniň Merkezi Aziýa sebitinde möhüm merkez, Gündogaryň we Günbataryň, Demirgazygyň we Günortanyň arasynda wajyp maglumat-kommunikasiýa köprüsi hökmünde ykrar edilmegine ýardam edýändigi belläp geçdiler. Ýokary guramaçylyk derejesinde geçen duşuşygyň barşynda “Aziýa-Ýuwaş Umman ýurtlary – Gyrgyzystan – Özbegistan – Türkmenistan – Azerbaýjan – Gruziýa – Türkiýe – Ýewropa” halkara multimodal ugry boýunça meseleler ara alnyp maslahatlaşyldy.

Munuň özi hem Beýik Ýüpek ýolunyň eýeleýän taryhy ornuny täzeden dikeltmegiň BMG-niň yglan eden Durnukly ösüş maksatlaryna ýetmek, özara hormat goýmak, deňhukuklylyk, ynanyşmak ýörelgelerinde Ýewropa bilen Aziýanyň halklarynyň hyzmatdaşlygyny pugtalandyrmak babatda örän uly ähmiýete eýedir. Türkmenistanyň çäk taýdan amatly ýerleşmegi Ýewraziýanyň möhüm ulag-üstaşyr halkasy hökmünde onuň barha artýan derejesini kesgitleýär.

Degişli ýurtlaryň demir ýol edaralarynyň ýolbaşçylarynyň gatnaşmagynda üstünlikli geçirilen dördünji duşuşygyna gatnaşyjylar halkara multimodal ugry boýunça ýükleriň päsgelçiliksiz daşalmagyny üpjün etmek, goşmaça ýükleri çekmek üçin amatly şertleri döretmek hem-de uly göwrümli konteýnerler üçin platformalarynyň özbaşdak berilmegi we tariff ölçegleriň kesgitlenilmegi ýaly meseleleri maslahatlaşdylar.

Bir söz bilen aýtsak, Bitaraplyk, parahatçylyk söýüjilik, dost-doganlyk, raýdaşlyk hem-de ynanyşmak ýaly häsiýetler bilen dünýä halklarynyň ýüregine tarap ýol çekýän ata watanymyzyň alyp barýan oňyn syýasaty sebitde durnukly ulag geçelgelerini döretmegi öňe sürýändir.

Ýazmyrat ALLANAZAROW,
Türkmen oba hojalyk institutynyň Jemgyýeti öwreniş ylymlary kafedrasynyň mugallymy.